ابدااااااااااااااااع ابدااااااااااااااااااااااع يأم عتريسة

ايش هذي الرواية الرئعة ..

والله انها من اجمل ماقرات في حياتي ..

جعلتينا نعيش معك لحظات الانتظار والألم والتعب والفرح ..حتى أيام انتظارك لخبر مولودك :(

أسأل الله ان يمن عليك بالصحة والعافية ..والأيمان والرضى التاااااااااااام

وان يعوضك بابنك عوضا لايخطر لك على بال ..آمين

ولا يحرمك من بيت الحمد في اجنة آمين ..

مبدعه مبدعه مبدعه ......اقسم بالله بكيتيني كثير حزنت عليك وكثير فرحت لك

السلام عليكم ورحمة الله وبركاته
اختى الغاليه أم عتريسه
كيف أحوالك ان شاء الله بكل خير وصحه وسعاده
انا والله قرأت قصتك من عدة شهور ومن وقتها وانا بحاول اشترك هنا فى المنتدى ومش عارفه
لغاية ما اشتركت النهارده ولله الحمد
وجيت جرى علشان ارد عليكى
دعوت لك كثيرا بالصبر والثبات على فقد طفلك
وشعرت معك فعلا ان اكيد الفرج قادم
وستجدين حلاوة كل الصبر الذى صبرتيه
لك من الله اضعاف ماتستحقين من الخير
وتقبلى صداقتى ومحبتى
نبدأ مع قصتى أنا
سومه 24 سنه
متدبس برضه من 8 شهور
عثرت على موضوعك هذا وانا ابحث على جوجل عن عملية تدبيس المعده فوجدت عنوان تجربتى الكامله
وطبعا ده كان بعد ما اتدبست بشهر كامل
يعنى تدبيسه لارجعة فيها
اغبى قرار أخذته فى حياتنى وأكثرها جرأة على الإطلاق
أنا اللى بخاف أروح لدكتور أسنان ,وإذا انجرحت لا أذهب لخياطة الجرح ولو على جثتى
رحت برجلى للجراح ودخلت عمليات وفتحت بطنى بالطول
واتدبست ولاحول ولاقوة إلا بالله العلى العظيم
ماكنت بعقلى ايه بس اللى جرى لى
وطبعا لو الزمن يرجع بى تانى
وأفكر مليون مره فى القرار ده وانا عارفه كل سيئاته
طبعا هاخد نفس القرار تانى واتدبس تانى وتالت ورابع كمان
انا كنت دخلت فى حالة اكتئاب لامفر منها
وكنت مكعبله جدا
يعنى طول 166 سم ووزن 125 كجم
يعنى ماشاء الله طول بعرض زى مابنقول فى مصر
المهم اخذت قرار التدبيس بعد سنه من قرار مشابه لأحدى صديقاتى
كانت فى نفس وزنى ولكن طولها كان حوالى 155 سم يعنى بجد حاجه صعبه جدا
انقطعت لمدة سنه تقريبا عن المسجد الذى كان يجمعنا وكنت اتواصل معها عن طريق التليفون
المهم كلمتنى عن العمليه وانها هتعملها وبعدها قالت لى انها اتدبست وطبعا انتى عارفه الباقى
بعدها بسنه رحت زرتها ولقيت ماشاء الله
ربنا يتم نعمته عليها وتخس الباقى على خير ويتم زفافها على خير
بعدما كانت وصلت للثلاثين بدون خطوبه وكلها يأس من الحياه
اتغيرت تماما ولله الحمد
طبعا اخدت عنوان وتليفون الجراح وجررررررررررررررررررررى عليه
بس استنيت اخلص امتحانات وبدأت التحاليل والحاجات اللى حضرتك ذكرتيها
ومشيت الحكايه زى ماقلتى بالظبط
ولا تفصيله واحده ناقصه
لم استطع ان اتماسك وانا أقرأ موضوعك من أوله
كل حاجه بالظبط
التفاح اناء الليل وأطراف النهار
السمك المقلى وأول مره قئ
كل حاجه بالظبط كأننا ماشيين بنفس الكتالوج
كل ما أقرأ كلمه احس انى انا اللى كتبت الكلام ده
ودلوقتى بعد مرور 8 شهور
وطبعا خلاص اتعودت على القئ والحاجات التانيه
خلاص نقدر نقول أنها كانت عملية أعادة تربيه أو تعليم ازاى ناكل صح
بعد ماكنا بناكل بمناسبه وبدون مناسبه وبكميات مهوله
الحمد لله على كل حال
ومنتظرينك تكملى لنا الحكايه علشان نتعلم منك
بما أنك أقدم مننا من حيث التدبيس
ويارب نسمع عنك كل خير
اختك العضوه الجديده
والمتدبسه حديثا
سومه

انا بس مش عاوزه الناس تفهم غلط ان الموضوع عذاب
الكلام اللى فات كان شوية تهريج
بس هى العمليه عاوزه شوية صبر
وكمان بما ان الريجيم مش بينفع معانا
وجربنا كتير رياضه وريجيمات ومفيش فايده
كان ده بالنسبه لنا حل جذرى
انا للأسف باخس ببطء بس بقول اكيد فيه خير
علشان قلبى والكلى ماتتعب من النزول السريع فى الوزن
لأن الناس حذرونى من ده
والحمد لله
دعواتكم بقى اكمل رمضان على خير
ووزنى ينزل على خير
وألاقى إبن الحلال بعد الغلب ده كله
بعد ماكان الكل بيقول عنى انى دبدوبه
يااااااااااااااااااااارب ابقى غزال

أم عتريسه
انتى لسه ماظهرتى
فييييييييييييييييينك
نفسى تردى