والله انا كمان زيك ياميسون انقلب حالي بعد موت ابو فيصل الله يرحمه ويغمد روحه الجنه
ومدري اش بي ركدت كم يوم بس ان شاء الله ترجع همتي زي اول المسابقه مع اني خلصت العلبه حقت الغذاء المكمل ولا زدت شيء بس الحمد لله على كل حال ...

والله ياقلبي يااسأل مجرب انا ادخل كل يوم وماادري اش يجيني اجي ابغى اكتب اي شيء اقوم ابطل واطلع

عين ماصلت على النبي هههه

زعلانه ام عبد الله وينكم شغلتو بالنا عليكم :(

اسأل مجرب مبروك عا الزياده
وعقبالي
وقولي لي هل انت تستخدمين اي انواع مشهي او فايتمين
او
اي غذاء مكمل
قولي لي عا السر

وندر فل حياااااااااتي عادي تيك ات ايزي بس هاااااااااا وين الهمه يالله شدي الحيل ما بقى شي و تخلص المسابقه ...ياللهيالله على الجمعيه ترى الاكل الجديد يفتح الشهيه اشتري مرتديلا و مايونيز ونقانق و روحي اشتري معلبات و ذره و كيك و نوتيلا و توست و سلطه معلبه وا يسكريم و جبن كيري و سوي لج جدول خفيف بس سعراته واجد مثلا الريوق 3 توستات جبن كيري فيهم 600 سعر الكيري الوحده فيها162 حطي ثلاث كيريات <<<هههههه جمع مذكر سالم لا لا جمع تكسير
او نوتيلا واكلي حبة فاكهه و اشربي شراب الفيتامينات اللي كتبت عنه بالصفحات اللي طافت و حطيت صورته بعد
اوووووو بيض مقلي او 4 بيضات مفيوحه مع شرايح طماط و خيار و جزر و زيتون وجبن كرافت او جبن ابيض مالح...
اوووووو مرتديلا مع مايونيز بصمون هوت دوج و الاهم من الاهميه وجبة الريوووووق

و تغدي كوبين من الارز مع فخذ دجاج و سلطه و حبة فاكهه و فلفل معبوج او طرشي لانه يفتح الشهيه
بعد الغداء بساعه ونص تقريبا اكلي مارس او باونتي واشربي حليب باااااااااارد او حليب فراوله او حليب موز لا تشربين حليب ككاو لانه يسد النفس و ثقيل..

و تقريبا الساعه 5 العصر افتحي الثلاجه و طلعي ذره معلب و اكلي ذره بارده يمييييي و معاه طبق اندومي .. و بعدين حلي بشي بسيط مثل قطعة جلكسي الصغيره و بعدين لا تاكلين شي من الساعه 6 الى 10 عشان تاكلين العشىىى و انتي جوعانه و اتعشى عشى مثل الريوق او الافضل همبرجر او تشكن فيليه او فلافل و طحينه و معاه طبق سلطه و بعد العشى اذا كنتي تسهرين مثلي ..بعد العشى بساعه طلعي كازوا مكسرات و اقرشي من هالمكسرات و الكازوا مع عصير فمتوا ((شراب التوت))اكلي تقريبا نصف كوب كازوا و بعدين نامي و اقعدي صلي الفجر و ردي نامي و اقعدي تقريبا الساعه 10 او 11 و تريقي و ابدي يومج ..بنشااااط وونسي نفسج اقعدي سولفي مع الاهل شوفي برامج بالتلفزيون برامج تضحك او اسمعي قرءان عشان ينشرح صدرج او كلمي رفيجتج و صلي قيام الليل اذا تسهرن و احمدي ربج و اشكريه

و صلى اللهم على نبينا محمد..

ميسون :::::::::هلا و الله شلونج حبوبه شخبارج شمسويه ..بالنسبه لسؤالج كل شي و كل نظامي قلتهبالرد اللي فوووووق^
^
و بشرينا عنج ..



نداااااااااااااااااااااااء عاجل لزعلانه و بيتي بوب و ام عبدالله ويييييييييينكم ياااااااساااااااااتر عسى المانع خيييييييييييير ...رودو علينا طمنونا ...

السلام عليكم الى اختي نبض :::ممكن تحطين لنا رابط المسابقه الاولى فيها معلومات مفيده راح تفيدنا..