يوميات معلمه متعاقده!!!!الجزء الثاني

السلام عليكم ورحمة الله وبركاته

أخباركم والله مشتااااااااااااااقه لكم000
شفتوا ان التدريس يهد الحيل:09:
الله يرحم أيام أول اللي كنت أجلس بالساعات على النت لا ومن غير الراحه النفسيه000والمزاج الرايق:icon33:

كله منها خذت كل وقتي000اسبوعين مروا كأنهم سنتين ياااااااااااثقل هالاسبوعين
أدري انكم بتقولون وش لك بالشقا والتعب
صدقوني أحب التدريس وأحب تخصصي وأحب أبدع فيه000000
لكن للأسف التدريس تغير أو بالأصح مفاهيم التدريس تغيرت


المهم مالكم بالطويله00000


بسرد لكم سالفتي بهالاسبوعين الغثيثين00000


قم للمعلم ووفه التبجيلا كاد المعلم أن يكون رسولا
بيت حفظناه ورددناه وفهمنا معناه وطبقناه00000
ويازين لقافتنا بريئه مو مثل بنات هالأيام000اللي السانها يلوط أذانها واذا عطيتيها كلمه ردت بعشر:mad:

قبل ماأدخل على فصولي وأبدأ بالشرح000معلمات قالوا لي "قبل ماتدخلين اقري الأذكار" وعطوني دعاء
قالوا لي احفظيه وقوليه قبل ماتدخلين
وش السالفه يانااااااااااااس؟!!!!!!!!!!:confused:

الحمدلله أذكار الصباح وامساء مواظبه عليهم لكن ليش قبل ماأدخل على كل فصل أقرأ<<<<<حشا شياطين مو بنات

ليش وش فيهم البنات؟
قالوا هذولا اللي بيكفر عن ذنوبه يدخل عليهم!!!!!!!
معقوله؟!!!!!!!
المهم غامرت ودخلت000الاوالله كومة بنات متجمعات عند الباب لا ومن غير ريحة الفصل اللي كله شيبس
بنكهاته والعصاير بأنواعها 0000تقولون داخله مطعم خمس نجوم

دخلت وسلمت000والأصوات تلج بالمكان 000
ومن هنا بدأت معاناتي000وبدأت الحبال الصوتيه تتقطع وبدأـ اللوزتين تتنفخ

جيتهم بالكلام الحلو000انتم كبار000وفاهمين000ومحتاجين درجات000اذا ساعدتوني بساعدكم وماأقصر معكم

الا والله عمك أصمخ000مانفع معهم الكلام الحلو000

بديت بالدرس ومعي فقط ثلاث طالبات من أربعين

حرام والله حرام000ظلم للمعلمه للطالبه المجتهده000
أربعين وفيه والله ماأبالغ ستين طالبه في فصل:09:

لاتقولون يعتمد على شخصية المعلمه000لا يد وحده ماتصفق000ومهما كان عندي طاقه محدوده

ثلاث أرباع الطالبات راسبين الترم الأول ومع هذا لا مبالاة000

كل يوم نفس الموال000أقطع الدرس عشان أقول000
اسكتي يافلانه 000نزلي المرايه<<<<<<<هذا اللي همهم الزين
ارمي العلك000وغيره وغيره

تدرون آخر شي وش سويت؟

جبت ورقه وفيها درجة سلوك اذا الاسبوع كله x
ماتدخل البنت الا جايبه ولية أمرها000
مصيبه اذا كانت الام ماتدري عن بنتها في المدرسه000والمصيبه الاكبر اذا كانت تدري وراضيه

وشلون طالبة علم تجي المدرسه بمكياج كامل و ياليته جات على المكياج000
تصوروا مره كنت أشرح وبنصف الحصه وحده بصوت عالي بنااااات كم باقي وتخلص الحصه؟!!!!!!:icon810:

أنا صرت ماشوف شي قدامي من الصدمه 000صرخت عليهاوطلعتها برا أدري انه ممنوع لكن ينرفزون اللي مايتنرفز
ومره من المرات بدخل على فصل الا كومة شعر عند الباب 00يوم سألت الاصاير مضاربه بين بنات وتماسكوا بالشعور
ووحده توريني اثار الضرب على يدينها<<<<مدرسة اولاد مو بنات

يتبع