حبيبتي
أنا موظفة وأم ل3 عيال وبدون شغالة أحياناً اتنمى الشغالة ولو كلفت كثير بسب ترتيب البيت وتنظيف المطبخ تجين الظهر تبغين لقمه جاهزة تأكلينها مافيه البيت حوسة بعد طلعتنا الصباح الملابس في كل جهه ,,,,يامعين

أنا ودي بالشغالة بس زوجي رافض الفكرة

إذا إنك تعبانه وبيتك كبير إستقدمي شغالة بس لاتهملينها ولا تعطينها الصلاحية في كل شي

وجود الشغالة في البيت راحة جسدية وإنعدام الراحة النفسية
والعكس صحيح

وفقنا الله وإياك لكل خير وأعاننا على تربية عيالنا التربية الصحيحة

أنا موظفة مثلك وكان عندي شغالة إرتحت سنتين بس طلعت روحي من مراقبتها وبعد سفرها حسيت حالي ضايعة ببيتي معظم الأغراض صرت أدور عليها طبعاً عقدت النيه إني ما اجيب شغاله بعدها وفعلاً من 5 سنوات وأنا صامدة والبركة بأفكار البنات بالمنتدى جزاهم الله خيراً .
راح أقول لك طريقتي كان بيتي من قبل به فرش سجاد نزعته وفرشته فينيل اسهل في التنظيف اشتريت مجفف الملابس ريحني كثير بدل نشر الملابس وأكثر الملابس تطلع كأنها مكويه أخذت المكواه بالبخار للمفارش والستائر عملي ومريح . بالنسبة للطبخ راح أبتدي معك من نهاية الأسبوع يعني يوم الجمعة أطبخ ليوميين ولو طبقتيها راح تشوفيها سهله وبترجعي يوم السبت من الشغل الغذاء مطبوخ جاهز بقية الأيام مثلاً اسلق الدجاج وأجهز من الليل لما ارجع يكون الطبخ ما يأخذ وقت طويل يوم ثاني سمك مقلي سهل يوم ثالث همبرجرمع بطاطس وسلطة أخليه بالفرن ما يأخذ وقت ويوم الأجازة اتفنن بالطبخ وهكذا يعني رتبي لحالك جدول للطبخ ، أرتاح ساعة تقريباً بعد الغذاء بعدها أضع الملابس بالغساله في هذا الوقت أغسل الصحون وأنظف المطبخ تخلص الملابس أخليها بالمجفف اتابع احوال العيال وعندي لله الحمد خمسة أشوف احتياجاتهم أيام المدرسة وأيام الأجازة أخليهم يساعدوني شوي انظف البيت عالخفيف بس في الأجازة اخصص كم شغلة فيها علشان ما أرهق حالي بالشغل يعني كل يوم أنظف حاجة وحدة اعملي لك جدول للتنظيف حسب حاجتك ، ولا تنسي حالك في زحمة الشغل خصصي يوم تطلعي فيه مع زوجك وعيالك ويوم لزيارة أهلك توكلي على الله وبيكون بعونك بالتوفيق

انا متلك موظفة بطلع الساعة 7:30والصبح وبرجع الساعة الثالثة مساء وعندي 3 اولاد عفاريت مغلبيني وما عندي شغالة بس الحمد لله منظمي وئتي اولادي لازم يناموا بكير الشغل باليل وتجهيز اشياء الطبيخ متل الدجاج بنزلو من الفريزر وبحطو بالثلاجة الصبح بصحا بكير صلي الصبح جهزي امورك متل لبسك لبس اولادك وزوجك اولادي انا بحطهم بالحضانة ورتبي غرفتك كلو شغل سطحي عند العودة بكون البيت مرتب بس بيبئى الطبيخ وبعده ممكن تنامي وترتاحي ساعة زمن حتى تكملي بعدين وكل يوم سبت انا بكون معطلة بجيب شغالة وبعزل انا وهي البيت كامل فما بيتراكم علي شغل بقيت الاسبوع الا الجلي اليومي المسح وتنضيف ااتواليت و******** اكون افدتك

8

8