مثل ما قالو الاخوات الشغالة تعب نفسي يعني ما قدر اكل اي شي وحتى لو اشتهيت اي اكلة لازم تشاركني به
كنت احب النسكافة على الصبح صارت تقول ابغي مثله قلت له خذي والله ما مر اسبوع الا الكيس خالص صارت تشرب بكل وقت صبح وظهر وعصر ومغرب وبالليل تسوي لها كاس قبل النوم
اذا حطيت روج او مناكير قالت ابغي زيه
يعني حتى اذا كشخت اكره تشوفني خفت من عينها
غير كذا تنظيفها مو بذمة ابواب الحمام كلها خربت بسبب الموية الي تطشها بدون مراعاة
لي من سكنت سبع سنوات والابواب ما تقشرت هي بس جات شهرين بدات تتقشر وتتاكل حطيت عليها ورنيش بس شكلها صاير موحلو


لها شهرين من طست واحاول انظم وقتي
1- الملابس غسالة اتوماتيك ونشاف حراري بس ما حط كل الملابس بها - اشمغه زوجي وثيابه عند المغسلة اذا سويتي مع اي مغسلة كوي يومي يسوي لكم خصم حلو لكن بشرط ان زوجك يكثر من ثيابه واشمغته علشان يلاقي بكل وقت ما يلبسه
2- المواعين سويت لي غسالة اتوماتيكية لقيت فكرتها هنا بالمنتدى فجبت لي حوض بلاستيك كبير شوي وعبيته مويه وصابون وحطيته بقرب المجلى اجمع فيه الكاسات والصحون والملاعق اليومية الين افضى للغسيل وبنفس الوقت يكون غسيلها اسرع لانها تكون تخمرت
3- الكنس شريت مكنسة يدوية شحن علشان بنتي شوي تساعدني وعلشان اقدر اكنس بس منطقة الوسخ الكبيرة مرهقة
شريت ممسحة بخارية بس ما عجبتني تمنيت اني شريت مكنسة بيسيل

المواعين بالادراج غلفتها بجلاد فكرة لقيتها هنا بالمنتدى جمعت صحون الضيوف او الي ما تستعمل كثير وكل ثلاثه اربعه غلفتهم مع بعض سويت هالشي بكل مطبخي وخليت بس على عددنا علشان اي ظرف طاري اكون واثقه من نظافتها

شريت ترامس اصليه ام نقطة حمراء وصرت اسوي القهوة والشاهي فيها علشان تصير جاهزة متى ما بغيت اروق ما اتعيجز اصلح لي

باقي اسوي لي جدول للتنظيف العميق

هو لو ابو الشباب يساعد كان حنا بخير بس ربك يعين

الشخص اذا اقنع نفسه بمشاكلهم وترتيب اموره اول باول واخذ الامور بسهولة ورتبي جدول يومي والاجهزة خير.معين الحمدلله انا موظفة واستغنيت عن الشغالات بعد ماكبر اطفالي المهم لاتاخري عملك واكثري من الاستغفار والتسبيح التراخي عن العمل هو اللي يؤدي الى عدم انجاز العمل الله يرحم حاله جدتنا بيت وتربيه ابناء ووعمل في المزرعة والاهتمام بالحيوانات اهم شيء الارداة

ما ودي احبطك بس الحريم يختلفون حسب الظروف الصحية لكل وحدة وحجم البيت الشقة غير الدور غير الفيلا والمتعوده من يومها على وجود خادمة غير عن اللي كانت بدون خادمة وجربت وجودها لفترة
بصراحة كرف برا في الدوام وانهاك وكرف بالبيت احسه عذاب
كان الله بعونك وازني امورك وحاولي تجربه تستحق كان الله بعونك

انا زيك موظفه وعندي هبوط بالضغط وكل زميلاتي بالعمل الاغلبيه ماعندهن
شغالات وماشي امورنا بتالتفريز للاكل وتنظيف البيت بس المشكله لاحملتي
هنا بتحسين انه معظم وقتك بالطوراي والاسعاف بسبب هبوط الضغط
اذا انتي مقرره انك ماتحملي ترى الامر هين وببساطه يعينك رب العالمين
بس خلي كوب الكركديه الساخن عندك يرفع الضغط واشتري الاجهزة الاتوماتيكه
غساله ونشاف وغساله صحون وطباخه الرز رهيبه فوق ماتتخيلين واطبخي الدجاج
وصفيه من مرقته وحطيه بالفريزر واذا جيتي من الدوام طلعي الدجاج وحطي الرز بطباخه الرز
والدجاج بالفرن والله بتدعيين لي وبقولك حطي باذانك قطن من نصايح المعلمات ماراح يفيدونك
الا يزيدون غثاك ويضيقونها عليك توكلي ع الله
اختي عندها شغاله اقسم بالله انه بيتي انظف من بيتها مع العلم انها مو موظفه بس تعودت ع الخمول

انا طالبه ادرس وعندي اطفال واحد معاق ولله الحمد استغنيت عن الشغاله اهم شي كل حاجه في البيت لازم يكون لها مكان عشان تعرفي ترتبين والغرف اللي ماتستخدميها نظفيها وقفليها والسيراميك فيه مساحه السيراميك ريحتني كثير اللي تجي معاها حوض والنشافه الحراري كمان مهمه وغساله اوتوماتيك ضررررروري وغساله مواعين وزي ماقالوا الاخوات التفريز مره مريح يعني مثلا اذا جيتي تسوي دجاج او لحم مفروم طلعي كميه وكشنيها مزبوط بعدين وزعيها في اكياس حتى العجينه تقدري تفرزيها ول يوم حاولي تمسكي شي تنظفيه عميق عشان يبقى بيتك على طول نظيف اتمنى اكون افدتك اذكريني بدعوه ان الله يشفي ابني