وش لونكم ..شخباركم .. وش علومكم ..
عساكم بخير يالغاليين .
. عاد انا جديده هنا << يعني مو داريين هم :icon32:
وعندي تسذا موضوع حبيت اتشاور فيه مع بنات مثلي :biggrinlo
واكيد فيه منكم مجرب هالسالفه
يوم الشوفه << اويلاه ياقلبي :crap:
بعطيكم المختصر
في ناس متقدمين لي وينتظرون ردي انا موافقه بس ماقلت لهم بثقل عليهم شوي << اخاف هم اللي يثقلون خخخخ
الحين تفكيري كله بيوم الشوفه
انا اكبر وحده مافي احد اكبر مني ينصحني
الا بنت خالي هي متزوجه توها
قالت انها لبست يوم الشوفه فستان شانيل ونص كم
حنا طبعنا عادي هالشي واهل خطيبي بعد عادي << متى صار خطيبك :lookaroun
بس بعرف رايكم
عطوني اقتراحاتكم وش البس هاليوم
وترا انا خجـــــــــــــوله يعني لو يلحس السما ان دخلت عنده مو مسلمه ولا متكلمه ابد
بس البلا انه جرئ مره جرئ هو :ohwe:
اخاف يقعد يكلمني ولا شي وربي لا اسيح وانا بمكاني
واذا كلمني اخاف اني اسكت وما ارد :44:
يعني عطوني وش اسوي بهاليوم وكيف اتصرف
انتظر ردودكم ..