يوم العيد كيف احتفلت به ؟؟دعوة للمشاركة والافادة

اولاً اهني الجميع بالعيد السعيد اعاده الله علينا وعلى الأمه الإسلامية بالخير والبركات .
قضيت يوم العيد كتالي
الذهاب لصلاة العيد برفقة الأطفال وتمتعوا بذلك ثم العودة للمنزل لأستقبال المعايدن ومشاركة الجيران في الفطور الجماعي للرجال والأطفال أكل من التراث عني خبز صاج ثم مفاجئة الأطفال بلونات واضعه فيها مفاجئه كل وحده شكل مثل نقود , اسم هديه مناسبه , عبارة كل عام وانت بخير.

ثم زيارة الأهل والأصدقاء ثم الغداء العائلي ثم راحه ثم معاودة الزيارات ثم ملاهي للأطفال . وهذا اليوم الأول

وكل عام والجميع بخير

عصوووووووووومة

تونا معيدين صبري علينا :06:

العيد ثلاث أيام وهذا أول يوم لنا

بعد ما يمرن ثلاث أيام بخبرج شو سوينا

سلااااااااام
:26: :26:

السلام عليكم بنات

كل عام وانتم بخير ومن العايدين والفايزين..اسمحولي ما هنيتكم أمس..مع التعب ليلة العيد سويت فيها كل شغل البيت فانهديت بشكل كبير..والله من بعد المغرب من أعلنوا انه السبت عيد أتربشت البيت قايم قاعد...وشغل متواصل لين ما أذن الفجر..طبعا بعد المغرب بسرعة رحنا على السريع أشتري شي جديد للعيد :( عشان على الأقل أحس فيه شي..

واشتريت حلويات وفواكه وشموع ديكور للبيت وكم زينة علقتهم على الجدر..ورجعت البيت شغل شغل من مطبخ للصالة للحمام لغرفة النوم..لجبل الملابس اللي لازمله غسيل :( :( أذن الفجر وحطيت راسي ونمت ولا قمت غير قريب العصر أول يوم...:( وطبعا بكا ودموع مشتاقة لأهلي..

وجزاها الله خير عجوزتنا على موقع تكبيرة العيد فتحتها طول أمس واليوم..ولما قمت أمس اتحممت ولبست لبس العيد واتضبطت وبخرت البيت وحطيت ورود في الصالة وصحن شوكولاتة وصحن فواكه كبير..وترمس القهوة..وجلسنا في البيت..وعلى الساعة 9 الليل رحنا أنا وزوجي اتعشينا في مطعم صيني ورجعنا نمنا..طايح علي نوم بعد التعب بشكل


ولا شي صار اليوم كله في البيت..وأصلا يوم الأحد خلقة أنواع الملل في بريطانيا..

هذا هو عيدي المسكين :(

تقبل الله قيامنا وصيامنا في رمضان وأعاده علينا أعواما عديدة يااااااااارب واحنا بألف صحة وعافية :26:

هلا بالمعتصمة...

عيدنا ...شفت صلاة العيد بمكة وبعدين نمت الى الساعة 8 علشان الصلاة جهزت القهوة والتمر والبخور ...
وراح زوجي الصلاة مع اصحابه ..كان ودي اروح انا وعيالي بس هو راح مع اصحابه:(

المهم ...
جهزت بلونات للعيال وخليتها بالصالة اول ما شافوها فرحوا ولعبوا فيها ...
بعدين لبست العيال وكشختهم ولبست انا وهات يا مكياج وعطور وفردت الشعر تعرفين شغل الحريم:42:

بعدين جلسنا ننتظر:arb: يجي من الصلاة ...اول ما دخل شغلت التكبيرات العيد وااااااااااو صراحة جو حلو كان....

بعدين فطرنا ....واكلنا حلاوة العيد ...
بعدين اخذنا عيالنا ورحنا شرينا لهم العاب للعيد وحلويات ...كان ودي اوديهم ملاهي بس مافي ملاهي كهربائية عندنا :(...فيه عادية بس الجو برد فضيع وهواء ...رجعنا البيت علشان عيالي صغار خفت عليهم .....المهم جلسنا شوي بعدين نمت ساعتين من 2 الى 4 تقريبا وصحيت وتقهوينا وبس جلسة في البيت بعدين وتلفزيون ونت ...
سويت عشاء خفيف ونمنا بدري
اليوم صحينا من 8 فطرنا ولعبنا مع العيال شوي كان ودي نطلعهم الملاهي مثل ما وعدتهم بس الجو نفس امس مو حق خرجة وجلسنا بالبيت ...
بكرة ان شاء الله اللي هو ثالث العيد ان شاء الله بنروح النادي عندهم خفلة ...باذن الله نروح ..
هذا هو العيد بس الصراحة مو شين ولله الحمد ...:41:

ياهلا عصومه
كل عام وانتم بخير
قضيت يوم العيد وكان والله حلو احسن من كل مره لله الحمد

في ليلة العيد كلمت جميع اهلي واقربائي وعايدت عليهم
نمت الساعه ست الصباح وصحينا الساعه عشر ورحنا نصلي العيد في المسجد وكانو مسوين حفله وبوفيه تغدينا وطلعت الساعه وحده الظهر
ورجعنا ونمت اما ابونا راح لاصحابه
صحيت الساعه خمس عشان فيه عزيمه عند وحده من الاخوات ورحنا لها وسوت رقص ببيتها ووناسه ورجعت الساعه عشر وجلست انا وابو الشباب شوي وبعدين تعرفون سيده نمت
اما اليوم مافيه شي صار صحينا الساعه 12 وصلحت الفطور
والان بنطلع سينما انا وياه وبنتعشى برى

وبس
وانتهى العيد من امس عندنا
عكس اهلي ماشاء الله مع فرحة العيد عندهم زواج خالي وزواج عمي
الله يسعدهم ويوفقهم
امين