وبعد السلآم يحلو الكلآم وأكل البروست والروحه للحمام >>>>عجزت وأنا أعدل فيها >>>اللهم أصلح هذه الفتاة وزوجها زوجن سنعن( أهم شي زوجها)
موضوع جااااي في وقته وفي الصميم .. الدنيا عج وغبار وتراب ومطر (طين) يصبون مع بعض
والجوووووو رايح فيها الله يستر علينا من هالغباررر احس صدري صار كنه كيس مكنسة كهربائية
على طآري الغبار اليوم.. روجي ذآب من الحرّ وصل لسرتي
ما وصلت البيت إلآ ووجهي كله سآيح على بعضه خخع
******************************** >>>يالب هالنجوم تنفع للي متوهقين وشلون يدخلون بصلب الموضوع
الساعه 2 الفجر>>>>يالله صباح خير
دقت علي قنوصه وتزف لي الخبر اللي طير النوم من عيوني 00تقول طلعوا بطاقات أحوال للحريم واسمحوا لهن يسوقن لكن بشرط من الصبح الى الساعه 8 بالليل واللي تخالف الأنظمه بيسجنونها >>>بيزيد عدد الموظفات السجانات
يعني يالعنقريزيه بنهيت بندج بنلف الشوارع وماعلينا من أحد00>>>فاهمه السواقه غلط
أنا : والله الفله يالقنص أول ما أسوق بغديتس وجبه بماك >>>متعقده من الماك العربي ما أمدى أحطها بفمي الا والدجاجه متزحلقه مايبقى الا الخبزه لحالها
قنوصه: واااااااااااااااو
أنا : بس تعبية البنزين عليتس >>> مايفوتها شي حقها مردود
قنوصه:يالقريطيه
أنا :تبين والا تلآيطي
قنوصه: ماابي لتس شي (برطمت )
أنا:شدعوه قنوصي خلينا نفرح
قنوصه:خلآآآآآآآآآص أنا برقد الحين عشان أقوم بدري وأقص لي بطآقه
تسكر السمآآعه
وشوي الا وأسمع صوووت بوري عند الباب
أنا : من المزعج اللي يوطوط عند بيتنا تالي الليل
هذا رقم شقيح تدق وتسكر خخخخخ
قلت عوايدها اذا ربع دقه يعني السلآآم عليكم
واذا نص طفشآآآنه بدق بس لاتردين
واذا كآآمله روحي عند الثابت بطول معتس
هالمره دقت الثلاث كلهن ربع ونص وكامله >>>مفطح مو رنة تلفون
ويجيني مسج مكتوب فيه اطلعي يمآآل الحكه أنا عند الباب
المرسل : أم شنب شقوحه
وأطالع من عند شباك غرفتي الا دتسن غماره وفيها شقوحه
ويوم شافتني تدخل أصابعها بأفمها وتصفر
فضحتني
وأنزل افتح لها الباب
أنا : شقيحآآن ياشنب ووجع وش جايبتس هالحزه
شقوحه :: حامي حامي ماعندي وقت طلعت لي بطاقه وسرقت دتسن أخوي
المهم اخلصي علي اركبي بناخذ فره وارجعتس
أنا : و اهلي ؟ !! ؟
شقوحه: ازهليها بس مالتس الا اللي يرجعتس قبل صلآة الفجر
أنا أعرف شقوحه اخت رجال اذا قالت كلمه قدها وهذا اللي شجعني أركب معها
رحت لغرفتي وقعدت أحوس أدور البرقع مالقيته الا بعد طلعة الروح
لبست العبايه وحطيت البرقع على كتفي >>> الرجال يحطون الشماغ على الكتف وحنا نحط البرقع
شقوحه: ضيعتي علينا الوقت ليش تأخرتي؟
أنا : شسمه برقعي أدوره مالقيته
شقوحه: من اليوم ورايح برقعتس وعباتس لازم يكونون معلقين على الباب 00بأي لحظه بجيتس ونفر بالسياره
وحنا ماشيين الشارع فاضي مانسمع الا صوت التسلآب وصرصور الليل >>>> شوفوا بس الدقه بالحتسي وتوظيف الأشياء في محلها
أنا :شلون خذتي السياره
شقوحه: قولي وشلون سرقتها
بغى يوقف قلبي لين صار المفتاح بيدي وارتحت
أخوي بعادته اذا نام يفصخ ثوبه بالصاله وينام بغرفته
هالمره نام وحط الثوب عنده بالغرفه كانه حااس
هنا انكبت وطولت العمليه
قلت شسوي مالي حيله الا اسوي فيه مقلب عاد هو يكره شي اسمه ابريعصي 000جيت عند باب غرفته وصاارخت بصوت عاالي ابريعصي ابريعصي دخلت غرفة خااللد ويفز من نومته ويتعلق بالستااره
هو : شقوحه واللي يخلي لتس جون اقلعيه عني وينه طلعيه اذبحيه ادعسيه >>>> قام يخور من الخوف
شقوحه:ياأخي ما أدري وين راح بس شفته يوم يروح تحت سريرك >>>حقيره شوي
اخوي عضيدي مالك حل الا تنام بغرفه ثانيه
وياخذ قشه ويدعس بسرعة 190\كم في الساعه لغرفة أمي ويسكر الشبابيك ويسد الباب من تحت عشان يضمن ان البريعصي مايدخل عليه >>>>> كيماوي مو ابريعصي
أنا : يلعن حريشتس 00ابليس وش يقرب لتس؟
شقوحه: خطه جووهنميه والا ماشفتيني على الدتسن الحين >> عداال يالهمر
أنا : ناقصنا قنوصه بس
شقوحه: ومن قالتس اني نسيتها الحين بنمرها
أنا : بس هي تقول انها بتنام بدري عشان بكره بتطلع بطاقه
شقوحه: أي بطاقه أي بطيخ00بدل البطاقه أطلع لها عشر انتي نسيتي ان عمي قهوجي في الأحوال المدنيه
أنا : قهوجي مو مدير
شقوحه: هالقهوجي هذا اللي مستصغره شغلته في دقيقه طلع لي بطاقه
أنا : الله يحفظه لكم ومايحرمنا من خدماته >>> بدت تحتك
لفينا على بيت قنوصه000وقفنا في نهاية الشارع خبرنا قنوصه عندها أخو رعب يتوطى ببطن اللي بس مجرد يمر من عند بيتهم
ندق عليها ماترد مو عوايدها تاخذ التلفون من أول رنه حتى وهي نايمه الجوال تحت مخدتها
أنا : ردت ردت اخيرن الجربآ ردت 00ألووووووو
وأسمع صوت خشن تسنه صوت أسعد عمر قللي خخخخخ
وأرميه على شقيح وهي ترميه علي ونسمعه يقول : ماتكلمين ياوطواط الليل لابوتس لابو من جمعكن يالسلنتح >>>>ماله داعي يسب الكويح
وحنا مو بس سكرنا بوجهه الا قفلنا الجوال مرتن وحده رجنا الله يرج العدو
وتدعس أم الشباب بكل سرعتها ومن حاره لحاره ومن شارع لشارع تقول كنا جنود معاقبينهم الايدورون و يشيكون على أمن الدوله
حللنا أبو السنين اللي انحرمنا فيها من السواقه
سرآ سرآ ورآآ ورآآآآآ العب العب ياهوووووووووووووووووووووووووه
يسار يمين ياحلوتس وانتي ترقصين
خخخخخخخخ حتى الدتسن قامت تمايل خشت جو مع الردح
يازينها زيناه من ليله فاتتس قنوصه خلي أخوتس الهيس ينفعتس
ما أنساها له ذيك الليله يوم يخرش قلبي والله لردها له هالحآآشي هو وصوته اللي تسنه صوت فرخ عبد طق زيره بس اصبروا علي لين تصيري لي سياره ان ماوهقته و صكيته بمخالفات وأخليه بدل مايداوم بشغله يداوم بالحجز ما أكون صديقة أم شنب
شقوحه : هاه وش رايتس أمانه ما انبسطتي
أنا: وربي أحلى طلعه طلعتها بحياتي ليتهم سامحين لنا نسوق منذوو مبطي
شقوحه: لا والجايات أكثر (فيس شقيح مطلعه لسانها )
أنا : ايه بس مو كل مره تسلم الجره
شقوحه: دام هالراس يشم الهواء لا تخافين معتس محسوبتس بو شهآآب
أنا : كفو كفو وأنا أشهد انتس قدها بس ناقصتس شنب وياخذونتس باب الحاره بدل بو شهاب الجزء الثالث
خمس دقايق الا عشرثواني و يقرب يأذن الفجر و توصلني شقيح البيت وأشوى ان الباب على ماهو تركته عليه مردود وأخذ نعآلي بيديني وأمشي على أطراف أصابعي
الأمن مستتب والحال على ماهو عليه مافيه حركه بالبيت يعني ما أحدن فقدني
عند باب غرفتي مادريت الا ويد تتلني بقوه من ورا
انشلت رجليني ونشف دمي
ما أدري التفت والا لا00 أخاف يا التفت يجيني ذاك الكف اللي ينسيني اسمي
طلعت اختي اللي أصغر مني عوايدها تقوم تالي الليل للحمام موقته الساعه 4 ونص تجيها الحشره
ياااثقالة الدم هي ومزحهها اللي مثل خشتها
اختي :صااااااااادوه
أنا : اخ تففففففواااااااااااا
اختي :بوجهتس يالخاايسه
قمت أتحلطم وأقط خيط وخيط بغيت أكب عفشي وتفضحني عند أمي >>>شخصية أمها أقوى من شخصية أبوها
أنا : انتي وش تبين أنا بريئه منتس ليوم الدين أصلا أناماجاني نوم رحت أتمشى بالحوش وأخذت عباتي عشان البرد
اختي : ومن سألتس
أنا : طسي بس طسي 000فارقي بنام
اختي: أوختي شقيقتي بنام بغرفتس اليوم
أنا :نعم 00 لا يكثر مابقى الا انتي عشان تسربين مجاري بغرفتي (بولت مره على الفرشه غيرناها والريحه باقيه ) >>>شانيل 100 مل
ادخل غرفتي وأدور على نفسي امممممواااااااااااااح يالشقح فديتس الله لايحرمني منتس كانه حلم اللي صار اليوم
لا لا لا لا لازم أدق على قنيص و أقهرها00 تذكرت صوت أخوها وهونت
ارسلت مسج : اذا صحيتي دقي ياعسل >>> ابو الذرابه
صليت الفجر و أناااااااااااااااااااااااام نومه عدله
فااصل نريح من الطريق >>> صدقت انها ماسكه خط
^
^
^
جآآري البحث عن بزلر ضآآيع اللي يعرف عنه شي
يوصله لبيت أهله بمنفوحه مقآآبل المقبره >>>> الله يكفينا شرتس
وين وصلنا نسيت كسر خاطري هالبزر الوسخ
ايه تذكرت يوم كنت ناايمه وبعدين
هيه وش بعدين كنت نااايمه حتى النوم تحشرون انفسكم معي >>>> ماقد جربتي ضربه بالملاس على صماختس
بس خلآص تعبت بحّ صوتي و أنآ أسوولف
.
. تبون جزء ثآني من عنووني بس أوب من زين تفآعلكم و لآ كآن عطيتكم وجه وسولفت
<<يرحم أمتسس..!
الجزء الثاني أكثر تشويقن ودجتن>>> ناويه تنشر الغسيل
ترقبوآ قريبآ الآتي :
* قصة ضياعنا بالبر
* نحاش قنووصه من بيت أهلها
* حجزنا لمدة ساعتين وتطليعنا بكفآله و0000000000>>>> اسلوب بالتشويق
*والمزيد المزيد من الأحداث المثيره على سبيس تون انتير أكشن
نقاط أهم من القصه :
1- أهم شي الأخلاق >>>> أطلق شي قلتيه
2- مالكم داعي اذا حذفتوا الموضوع 00موضوعون برئ وفيه الفايده انتظروا للجزء الثاني واحكموا (تقول لا تتسرعون واحسنوا الظن بنوايا الآخرين ) >>>تحتسي درر
3- حسبي على من تفشلني و ما ترد الي بتفشلني بعلقها بكراعينها بديكور المنتدى فوق
4- آسمع صوت طبوول بره في الحوشّ يالله برب أشووف وش السالفه و أجي أشوف تعليقآتكم >>> أخاف أرجع ألقاه محذوف
يارب ما نسوق :)