يوم انك صغير ه.... اي نوع او كنتي؟؟؟؟؟؟

السلام عليكم
هذا الموضوع عجبني و نقلته من احد المنتديات اتمنى يعجبكم

يوم انك صغير او يوم انج صغيره .... اي نوع كنت او كنتي؟؟؟؟؟؟

الأطفال .. أكثر كلمة تحمل معنى البراءة في العالم
لكن هذاك أول .. ألحين مع جيل ماكدونالدز
هاذي الكلمة تعني المعاناة و المقاساة
المراهقة أخبرها من 13 إلى 19
لا الحين المراهقة من 4 إلى 25

المهم .. نبدا في التصنيف إلي توصلت له
و إلي عنده شي لا يبخل علينا
لأن هذا بحث رسمي .. راح يترتب عليه دراسات كثيرة
.
.
.

============================

(1) - الياهل البريء ( الخقاق ) :
هذا في البيت عندك عال العال
لكن تعال شوفه في المدرسة ولا عند خوانه
مسكين كل يوم يكفخه واحد إلي يسوى و إلي ما يسوى
و كثيراً ما يعاني هذا الصنف من التشوهات المزمنة
لأنه ما يدافع عن نفسه
و ننصح بإنك تدخله دورة كاراتيه ولا مصارعة ولا إلي متوفر


(2) - الياهل العنيد :
هذا النوع راسه ياااااااااااااااابس
و لو قلت له " آآآح حار " بيروح يلمسه عناداً فيك
لكن صدق أو لا تصدق هذا أسهل صنف ممكن تتعامل معاه
كل ما بغيت منه شي قول العكس
لا تصلي
لا تتشيطن
لا تاكل
و هو راح يستجيب لها بالعكس و بيسوي إلي في راسك
لكن هو يشكل مشكلة لو كان له أخوان في نفس العمر أو قريب منه
لأنه بيصير تضارب في فيوزاتهم و عقبها يتحول طفلك إلي ياهل متبلد المشاعر و يصير ما يستجيب لك ولا لغيرك ولا لنفسه
و هاذي حالة مهم تتفاداها


(3) - الياهل المادي $ :
هذا واحد ما تقدر تتعامل عنده إلا و إنت عندك شي
يا حلاوه ولا علوك يا رضاعة
و مشكلته ممكن توصل فيه لدرجة ما يروح الحمام ( الله يكرمكم )
إلا و إنت معطيه 5 دراهم
و هذا بيعاني لمن يدخل المدرسة .. لأنه بيتوقع فلوس و حلاوه من مدرسينه
و تكبر المشكلة يوم هو بيكبر .. لأنه يوم بيكبر بيطلب أشياء أغلى
و هذا النوع بيفلس بك
و الأخس من هذا لو كان ( فتـّان )
بيسوي لك مشكلة مع الوالد و الوالدة
لو شافك تغازل بيقول (( بخبر أمي عليك ))
ولا لو سرقت السيارة بيقول (( في ذمتيه بخلي أبويه يكفخك ))
و تصير باستمرار تعطيه و تعطيه
فـ حاول دااااايماً تفقده الوعي عن طريق الضرب المبرح ( لعنبو أم الأسلوب )
عشان ينسى إلي صار بعد ما يرد لوعيه..


(4) - الياهل المستقوي :
هذا خووووووووووز عنه
بس جاهز كفوف و بكسات و ترفيس
بيسوي لك أنواااااع المشاكل مع مدرسته
و آخرتها لمن يكبر ما راح يدخل جامعة
بيروح يشتغل ( بودي قارد ) حق واحد خواف يبا حد يدافع عنه
و مشكللللللللة لو كان عنده خوات
لأنه بيكلفك لمن يسوي فيهم تشوهات تتطلب عمليات تجميل
فـ لو ياك هذا الولد
طرشه صوب الجيش من يوم تشوف الحالة بدت عنده


(5) - الياهل الدلوووووع :
اووووووووووف عاد هذا مأسااااااة
تلقى كل الناس يسمونه " دلوع ماماته "
لدرجة ممكن أمه تخيط ملابسها في ملابسه من كثر ما هو لاصق فيها
لو يت امه تبا اتسير عرس بيسير عندها .. لو عندها طلعه نشب فيها
هذا يبدا يسبب مشكلة يوم يصير عمره فوق الـ 15
لأن بيطلع شكله غلط و هو قاعد في حضن أمه
و مشكلته .. أسلوبه في الصياح
تلقاه 24 ساعة صياااااااح و إزعاااااااااج و قللللللق
على أسباب تافهة
و هذا ينصح في حالته إنك تخيط فمه لأنه يبي يسوي لك أزمة


-6 الياهل ( الملقوف ) :
هذا عشانه اخترعوا المثل ( اليهال ما ينعطون ويه )
بييك يقولك
=ليش النملة ما تطير ؟
-- لأن ما عندها أجنحة !!
= انزين ليش ؟
-- لأنها مب من الحشرات الطائرة
= انزين ليش ؟
-- لأنها حشرة أرضية
= انزين ليش ؟
-- لاحوووووووووول خلاص انطم
= انزين ليش ؟
--
هذا الحل الوحيد إنك تشتري خيزرانة ولا قب عشان تداويه وتبرد فوادك من الحره الي بييبلك اياها و تصفقه كلما مصخها .. خله يعرف إن الله حق
أو لو كنت إنسان ما تتعامل بالظرب .. فاشتر له كتب
و كلما سألك شي قل له : سير اقرا عن الموضوع
و مع الوقت بيصير ما يسال .. لأنه متعايز يقرا


(7) - الياهل ( الحيوي) :
هذا لا عمرك تخوز عينك عنه
هذا نووووع حالته مستعصية مالها حل !!
لو سرحت عنه دقيقة .. تلقاه فتح الباب و طلع
ما عنده وقت
هذا لا تشتري له سيارة لين يصير عمره 35 يمكن يكون عقل ذاك الوقت
و تراه بيفلح في الرياضيات و الهندسة
و يمكن يشتغل في تصليح الطرق
لأنه يبي بيكسر الشوارع تكسير من كثر ما يربع فيها
و هذا يشكل أكبر نسبة من اليهال المذكرين في أيامنا هاذي


-8 الياهل الطموح "بالعكس" :
هذا الياهل الطييعي لمن تساله :شو تبا تصير يا شاطر يوم بتكبر
بيقولك : أبا أصير دكتور
كيف تعرف لو كان مب طموح " بالعكس "
بيرد عليك بأجوبة مثل : ما بصير شي بعرس بوحدة شقرا تصرف علي .. ولا بصير حرامي أسرق بنوك .. ولا بصير مجرم أقتل الناس
هذا ما تقدر تسوي له شي أبداً أبداً
بس لو بغيت تخدم المجتمع روح بلّغ عنه الشرطة
عشان يصيرون وراه وراه


(9) - الياهل الملسون :
اووووووف عاد هذا دايماً ارسله مع خواتك يوم بيطلعون من البيت و خايف عليهم
هذا ممكن يسكت رجّال لو بغى
ملسووووون و وقح بشكل
و معظم المرات هذا النوع ينتج في البيت إلي مليان بنات
لأنه راح يقتبس هالصفة منهم
طبعاً من وقت لوقت راقبه.. عشان تشوف شو تعلم كلمات يديدة
و لو لقيت وحدة وصخة و مالها داعي عطه بكس و نضمن لك ما عاد يستخدمها
بس نذكرك إنه لو يا عمه ولا يده وقاله تعال سلّم
لا تستغرب لو قالهم أشياء مثل : (أشتغل عندك انا) ولا (إنت إلي تعال ) ولا حتى ( يا حمار كلمني زين )
يعني وقح وقح وقح .. بس يصلح سياسي



(10)- الياهل أبو رادرارات :
هذا أللللللللللعن نوع
هذا لا عمرك تتكلم أو تسوي تصرف قدامه
هذا لو قعد عند أحد
فـضّح في كل أسرار البيت
ويمكن تتطور حالته إلي التجسس
و صدقني ألعن شي إنها توصل للتجسس على مكالمات أخته مع صديقاتها
لأن هذا يبي يوّلد مشاااااكل مالها نهاية
فأحسن شي إنك يا تقص لسانه
يا إما تحبسه في غرفة الخدامة لين ما يعقل
و يقال إنه يتعدى هاذي المرحلة بعد سن البلوغ .. فإن شاء الله له حل
لكن إياااااااااك تطنش الوضع
لأنه يتطور للقافة .. حتى بيصير يسأل عن كل شي
كل شي : منوه ؟ وين ؟ متى ؟ ويا منوه ؟ منو قال ؟
و يوم بيصير عندك ضيف
بيي يطب عليكم فجأة و يقول شوو تسوون
أبا أسوي إلي تسوونه



(11) - الياهل ( العلوك او اللزقه) :
هذا سمي العلوك كناية عن التلزق
هذا يستجيب لمؤثرات عديدة
منها : الغترة و الشماغ - العباية - المفتاح - النعال و الجزم
لأنه مجرد ما يحس إن حد في البيت بيطلع على طول يلبس نعاله و يركب في السيارة
حتى لو ضيوف و يوا بيطلعون من بيتكم .. لا تستغرب لو راح عندهم
هذا لازم في حالته تشتري باتكس و سلاسل حديد
لأنك بتحتاج تلزقه في كرسي ولا شي
حتى داااااايماً قبل ما تطلع من البيت طالع في ريولك يمكن يكون ناشب عليها
و هذا داااااايماً يكون فيه علامة مميزة مثل دعسة رجول تحوس وجهه...




يالله اعترفوا انتوا من اي نووع..
م * ن * ق * و * ل