تعالوا شوفوا وش صار لي في يوم غريب وأحداثه عجيبه وخياليه
مره كنت أتمشى في حديقه وسمعت صوت واحد يبكي ويئن أنين يقطع القلب :25:
ياله من أنين لن أنساه مدى الحياة << حريفة لغه عربيه هخهخهخهه
وجلست أدور وين مصدر ها لصوت وأناظر يمين ويسار
مالقيت أحد مافي حولي إلا الأشجار
وعامود لمبه استغربت من وين جاي الصوت :blink:
قلت : شوف ياللي تصيح وينك قول لي بصراحه كسرت خاطري
علمني وينك فيه وفجأه تكلم عامود اللمبه
وقال وصوته متقطع من كثر البكاء:أنا اللي أبكي
أنا فتحت فمي ودخل فيه ذباب هخهخهخه قلت عامود ويتكلم
شي عجيب
قال :من كثرة الهموم نطقت عاد أنا ماصدقت جلست أسولف أنا وياه
قلت له : ياعامود انت وش فيك تبكي وش قصتك ؟؟
قال :بصراحه أنا عندي أمنيه وعشت كل حياتي أتمنى أحققها زاد الفضول عندي وقلت له
وش هي أمنيتك ؟؟
قال: أمنيتي بس لاتضحكين هو قال لاتضحكين أنا فطست ضحك
<< تضحك بدون سبب
ترى صح أنا إذا شفت أحد يضحك أضحك وأنا ما أدري وش السالفه
من كثر خفة الدم اللي فيني << ياشيخه انقلعي بس انكخخخخخخخ
قال : خلاص مابي أقول لك
قلت: أحسن مو لازم تقول << اخس يالقويه خخخخخخخخ
المهم قال : بقولك واللي يصير يصير
أمنيتي إني أصير إنسان لو يوم واحد هو قالها أنا فطست ضحك
ومن كثرة الضحك طحت على وجهي وقمت وجلس وجهي مكانه
قلت لوجهي ارجع لي قال مابي خليك بدون وجه
وبعد محاولات رجع وجهي في راسي وسألته : وشلون تصير انسان ؟
قال : أقدر في حاله وحده بس
قلت : وش هي ؟.؟
قال : إني أتبادل مع إنسان
قلت : منو ذا الإنسان المجنون اللي يبي يصير عامود لمبه << انتي يالدلخه انكخخخخخخخ
جلس يتوسل فيني ويترجاني ويبكي عاد أنا ماأتحمل أشوف أحد يصيح قدامي
<< امووت ع الحنيه اللي ودتك في داهيه
000000000000000
قلت له : عطني مهله دقايق أفكر وفكرت وقلت في نفسي يابنت
ورا ماتصيرين عامود لمبه على الأقل تسوين مغامره جديده
وقلت له : أنا موافقه بس بشرط شوي ونرجع مثل ماكنا :icon18:
ووافق وسألته كيف أصير لمبه << الأخت مستعجله
قال : انتي امسحي علي 3 مرات << حشا مصباح علاء الدين خخخخخخخخ
0000000000000000
وحطيت يدي ع العمود وأنا خايفه وتوكلت على الله وسميت ومسحت 3 مسحات
وبعدها تحولت لعامود لمبه وهو رجال وش حليله وعيونه الله لايوريكم كنها ماشافت خير
تناظر يمين ويسار وفوق وتحت :rotaeye:
أحسن شي أعجبني فيه صلعته تلمع عشان أشوفه اذارجع
0000000000000000000000000
المهم قال لي : خلاص أنا بروح أتمشى وكان الوقت اللي تحولنا فيه الساعه 9 بالليل
وقال : أنا برجع الساعه 3 الفجر قلت خلاص بس لاتتأخر
وراح العمود وأنا جلست أناظر في شكلي وأضحك
وبعد نص ساعه حسيت بخوف لأن مافيه أحد حولي كل الناس في الجهه الثانيه من الحديقه
وجلست أسلي نفسي وأغني المهم جاا شلة بزران وجلسوا يحفرون في التراب جنبي
وأنا أغني منسجمه وفجأه قاموا البزران يرقصون صدق إنهم أغبياء يرقصون ولايدرون
مين اللي يغني كش عليهم
وبعدها جوا أخوانهم الكباروجابوا حطب وحطوه جنبي
وقاموا يشوون أنا احترقت والنار تلسعني وقمت أصارخ
ياهووه أحرقتوني وجلسوا يناظرون في العامود قلت خير وش فيكم خافوا وراحوا جابوا أهاليهم
وتجمعوا الناس علي واتصلوا على الصحفيين وقعدوا يصورني
قلت في نفسي وأخيرا بطلع في التلفجن << مستانسه بتتشق من الفرح
وأصير مشهووره وجلست أتمايل عشان تطلع الصوره زينه << من زينك يالعامود :tongue:
وبعدها راحوا الناس وتركوني خفت
وشفت واحد يمشي من بعيد
وأقوم أولع اللمبه وأطفيها أبيه يجيني وهو ماجاب خبري وصارت الساعه 3 :icon36:
وانتظرت الولد يجي وماجااا وانتظرت الين أذن الفجر جاا واحد مر من جنبي شكله متضايق
وجلس يطق علي بيده وهو يكلم نفسه عاد أنا رقيقه أتألم على طول<< امحق رقه :biggrin:
ومن شدة طقه طحت طيحه قويه ويوم فتحت عيوني حصلت نفسي طايحه من السرير :eek:
إن شاء الله استمتعتوا بقصتي
طحيـ11طي
حلم عجيب
بس تنفع قصه فيلم
ههههههههههههههههههههه