الموضوع جا بوقته كملوااااا

متى كان زواجك؟
اممم زواجي تقريبا كان قبل شهرين ونص ..


في اي مدينة كان زواجك؟
الدوحة ..قطر


في اي قاعة ؟
قاعة اعراس ..


ماهي اغاني زفتك؟
هب السعد .. ادري قديمة بس انا وايد احبها ..ودخلت عليها شعر باسمي


مالون مكياجك ؟
كان على ماروني وذهبي وشوي اسود


مانوع العطر الذي استخدمتية؟
استخدمت برايفت كولكشن .. دهن عود وتبخرت بالعود ...

كيف موديل فستانك ؟

موديله ناعم جدا جدا مثل موديلات الاجانب ساتر نوعا ما ومافيه شك بس تطريز ومدخله ككريستالات على التطريز

كيف طريقة الطرحة؟
سوت لي تسريحة التايتنك وثبتت الطرحة من تحت شعري :)

ماهي ابتكاراتك لحفل الزواج؟ بماذا تميز حفل زواجك؟
اممممم يمكن الشي المميز اني جبت كابتشينو وعصاير طازجة وهاي نادر ما يسونها ..
توزيعات العرس كانت حلوة
الكوشة ناعمة وعجبت الكل ..
تميز فيني انا .. خخخخخ


هل كنتي راضية عن حفلة زواجك ؟
جدا جدا ولله الحمد كافية ان الكل طلع يمدح فيه وفي وحدة قالت حق وحدة من صديقاتي هاي احلى عروس شفتها - ماشاء الله علي خخخخخ-

ماهو الشيء الذي ندمتي علي انك ما عملتية؟
اممم ولا شي ..ص راحة ما خليت شي بخاطري


وما هو الشيء الذي ندمتي على انك عملتية؟
بعد ولا شي .. الحمد لله على كل حال

هل بكيت في حفلة زواجك ؟ وماهو السبب؟
كنت قوية لين اللحظة اللي بدينا نطلع فيها .. شفت امي من بعيد تصيح وخواتي ماسكين نفسهم بالغصب
هنيه بديت ادمع


متى انتهت الحفلة ؟
امممم تقريبا على الساعة 3 او 2 ونص .. مدري انا طلعت من القاعة على الساعة وحدة الا ربع

ماهو شعورك عندما انفردت مع زوجك في غرفة مغلقة؟
اممممم مدري كان شعور غريب شوي .. لانها اول مرة اقعد معاه بروحنا .. وكنت تعبانة من اليوم بس ما كنت خايفة الا لما بدا يقرب هنيه توترت شوي ..


عندما استيقظت من النوم (الصباحية)كيف كان احساسك؟
ما نمت اصلا ليلتها كان نوم متقطع اخاف انه يغدر فيني ..

ماذا لبستي في الصباحية؟
اول شي جلابية ناعمة وكشخة بنفس الوقت عقب بدلت ولبست فستان ناعم وطلعنا ورحنا الغداء في بيت اهلي

هل اهديت زوجك؟
لا طبعا .. المفروض هو اللي يهديني

هل سافرتي شهر العسل؟أين ؟كم المدة؟
نعم رحت اسسبوعين .. ورحنا سوريا

هل نسيتي شيء مهم واحتجتيه بشدة وقت السفر؟
الفوط الصحية .. مدري شلون نسيتها :(

متى رأيتي أهلك بعد الزواج لاول مرة؟
ثاني يوم على طول ..
هل احضرتي لهم الهدايا؟
نعم

نصيحة تقدمينها لأختك العروس
اول شي تخفف من الثياب .. وتكثر من الذهب والالماس ..
تكون بسيطة في المكياج واللبس لان البساطة هيي الاكشخ
تعمل ميزانية للمصاريف وتحاول ما تعديها

up

مشكورين على المرور بس وين المشاركات

روعة الموضوع ومفيد بنفس الوقت ..

باليت المتزوجات كلهم يشاركون لأنه بجد ممتع ومفيد ..


اموت بالمواضيع الي تكشف جانب حلو بالإنسان أو ذكرى حلوة خصوصا الزواج لانها ليلة العمر ..

وبنفس الوقت كل وحده تشوف الجوانب الي قصروا فيها البنات وتحاول تكملها بزواجها ..

طبعا انا مو متزوجه لا تزوجت ان شاءالله اقول لكم ..