والله الموضوع اكثر من رائع .............................ياليت يتثبت بجد

بنات وينكم يالله كملو

أنا بعدني ما اتزوجت مع إن اسمي ( زوجة سفير ) وحدة متفائلة هههههه .. بس بخبركم عن صديقتي هذي قاعدة جنبي و هي اللي تكتب ..

متى كان زواجك؟
قبل ست شهور ..

في اي مدينة كان زواجك؟
دبي

في اي قاعة ؟
فندق جراند حياة

مالون مكياجك ؟
كان على وردي ..

مانوع العطر الذي استخدمتية؟
دهن عود وتبخرت من راسي لين ساسي .. عطر very sexy .. و عطر ميكاليف من باريس غاليري ..

كيف موديل فستانك ؟
موديله ناعم جدا جدا .. دانتيل .. كم طويل و دانتيل .. ساتر جداً .. بس فخم .. كله فصوص و اتلامع كثير ..

كيف طريقة الطرحة؟
الطرحة طويلة فرنسية ...

ماهي ابتكاراتك لحفل الزواج؟ بماذا تميز حفل زواجك؟
تزيين الطاولات بطريقة فخمة من الورود الطبيعية .... هدايا لللمعازيم ..
الكوشة من الورد الطبيعي .. ريحة القاعة ورد في ورد .. يوم مميز بالفعل ..

هل كنتي راضية عن حفلة زواجك ؟
جدا جدا ولله الحمد ..

ماهو الشيء الذي ندمتي علي انك ما عملتية؟
ما قدرت أوصل كرت العرس لوحدة من صديقاتي و ما حضرت العرس .. الحين زعلانة مني .. ما كنت قاصدة .. وصيت وحدة و ما وصلت الكرت .. الله يسامحها ..

وما هو الشيء الذي ندمتي على انك عملتية؟
ولا شي .. الحمد لله ..

هل بكيت في حفلة زواجك ؟ وماهو السبب؟
عيوني اتدمعت لما سلمت على أمي حياتي ..

متى انتهت الحفلة ؟
الساعة الواحدة ..

ماهو شعورك عندما انفردت مع زوجك في غرفة مغلقة؟
كنت مبتسمة لأني مشتاقة له .. و خايفة .. و أول ما بدا يقترب .. كنت أتمنى الأرض ينشق و يبلعني ..

عندما استيقظت من النوم (الصباحية)كيف كان احساسك؟
نمت بصورة متقطعة .. الصباحية كنت بطير من الفرحة .. الدلع على أصوله ..

ماذا لبستي في الصباحية؟
فستان قصير إلى الركبة .. كات .. لونه وردي فاتح .. مع حزام مخمل ناعم في الخصر .. القطعة من الدانتيل الفخم .. بس رووووعة .. لين الحين و أنا حامل زوجي يقولي لبسيه لأن يذكرني بالصباحية ..

هل اهديت زوجك؟
لا .. هو أهداني ساعة شوبارد ..

هل سافرتي شهر العسل؟أين ؟كم المدة؟
سرت سويسرا .. ثلاث أسابيع .. و أسبوع الرابع رحت باريس ..

هل نسيتي شيء مهم واحتجتيه بشدة وقت السفر؟
لا ..

متى رأيتي أهلك بعد الزواج لاول مرة؟
ثاني يوم .. قبل ما أروح المطار ..

هل احضرتي لهم الهدايا؟
نعم .. من فرنسا ..

ليله العرس .. هي ليلة العمر .. مثل ما يقولون .. حلم ينتهي للحظة .. الزواج حلو ..
الله يرزقكن الأزواج الصالحين .. آميييييييين

بنااااااااااااااااااااااااااااااااااااااات
وينكم

ياريت يابنات الرياض
تكتبون لنا عند مين مصلحين المكياج

متى كان زواجك؟
7\8\1427

في اي مدينة كان زواجك؟
في المدينه الى فيها اهلى واهل زوجي

في اي قاعة ؟
قاعة في نفس الديره بس كان رجال بس
وناديت جدتي وصديقتي للبيت بس

ماهي اغاني زفتك؟
البدر لراشد الماجد

مالون مكياجك ؟
زهر وموف ودرجاتهم

مانوع العطر الذي استخدمتية؟
الووور من شنيل ومعه اللوشن تبعه

كيف موديل فستانك؟
بدون اكمام وسيور كرستال والقماش مرسوم عليه ومرشوش بلون زوهر خفيف مع اوف وايت ومن الخلف من بعد الظهر مفتوح وتحته قماش ساده وجاي مكسر وطالع زي الذيل

كيف طريقة الطرحة؟
طرحتي انا ابتكرت طريقتها اشتريت قماش تل نفس الفستان بس ساده وفيه لمعه خفيفه
وحطيته زي الفرنسيه بس الجهه الى على فوق اطول من الى تحت وبعد ماثبتتها الكوافير على التسريحه اخذت الطبه الطويله وثنيته وجبتها على قدام زي الخليجيه وصارت من وراء طبقتين الاولى قصيره والثانيه اطول بشوي

ماهي ابتكاراتك لحفل الزواج؟ بماذا تميز حفل زواجك؟
ماكان فيه احد فما سويت شي بس جبت دفتر وخليت زوجي يكتب ذاك اليوم وانا كتبت واخواني وعماني
وبعد ماطلعت جو خالاتي وبناتهم وكلهم كتبوي لي وسجلووو لي على شريط كاست
تميز باني كنت هاديه ومو متوتره بالمره الحمدلله
وتهنيت بااهلي ذاك اليوم

هل كنتي راضية عن حفلة زواجك ؟
ايه الحمد لله

ماهو الشيء الذي ندمتي علي انك ما عملتية؟
شعري ماعجني هذاك اليوم مع انه مابين من الطرحه
وندمت اني ماشلت شعري بالليز بس ماكان فيه وقت

وما هو الشيء الذي ندمتي على انك عملتية؟
ان شلت المنطقه الحساسه بالحلاوه

هل بكيت في حفلة زواجك ؟ وماهو السبب؟
بصراحه ولا مابكيت والسبب
1-ان زوجي وابوي جو بسرعه فما ودعت احد من اخواتي وامي مابكيت عندها لاني ماابي اضيق خلقها.
2- لاني كنت بشوفهم بعد يومين قبل مااسافر.
3-لان زوجي واعدني بعد مانرجع من السفربجلس عندهم اسبوع واسبوع لا واذكروو الله

متى انتهت الحفلة ؟
ماادرس بس انا طلعت من بيتنا الساعه 12 ورحت لبيت اهل زوجي وطلعنا الساعه 1

ماهو شعورك عندما انفردت مع زوجك في غرفة مغلقة؟
خوف عدم استيعاب ماادري ارتباك حياء كل شي بس تراه مو شعور شين عشته وانا عارفه انها ماراح تتكر هاللحظات

عندما استيقظت من النوم (الصباحية)كيف كان احساسك؟
حنين لااهلي وشعور كانه حلم

ماذا لبستي في الصباحية؟
فستان قصير تحت الركبه كاروها بني وبيج نفس كاروهات بربري وحطيت شريطه بنيه

هل اهديت زوجك؟
ايه اهديته عطرين وساعه فخمه

هل سافرتي شهر العسل؟أين ؟كم المدة؟
سافرت لجده :( اسبوعين بس ميزتها انها قريبه

هل نسيتي شيء مهم واحتجتيه بشدة وقت السفر؟
بصراحه البندول وانصح كل بنت تاخذ الى تحتاجه بس ماعليها من احتياجات غيرها

متى رأيتي أهلك بعد الزواج لاول مرة؟
بعد يومين من زواجي

هل احضرتي لهم الهدايا؟
ايه الصغار العاب والكبار عطور

نصيحة تقدمينها لأختك العروس

تكثر من الدعاء وقبل الزواج اذا فيه شرط ببالها وتحس انه شي اساسي في شريك العمر لاتتنزل عنه
وترا الموضوع هين