صبـــــاح الخير كل ابـوكم 
لاتسألوني ليه راتن هالديك والبعير ..لا الموضوع لايتعدى كونه<<لاحظو اللغة ..لايتعدى كونه مواكبة لبنات الترفيهيه وميولهم لهذا النوع من الحيوانات :05:
تو قريت موضوعن جاز لي بالحيل فقلت يالله نلطشة للغوالي :05:
يالله صباح خير .. الناس تصبح على فطـور وانا مصبحه على لطشه :D
***
المخزي...المخزي... المخزي
طبعا كلكم ماتدرون وشو المخزي
المخزي بقاموس أهل النوبة هو الدخان..وأمي بما إنها مهيب من أهل النوبة فهي تقول
المخزي..يعني بس تحتك
الزبدة أنا عندي رغبة جامحة أشرب دخان من يوم كان أبوي يرسلني للبقالة أجيبله خمس
كروز أبو بس
بس كان اللي مصبرني وقتها هو إن ماكان يشربه إلا الشايب اللي هو ماي داد...بس الوضع الآن تأزم وصار ماينصبر عليه
كلللل مغرب يجتمعون أهلي يشربون شاهي ويدخنون إلا أنا ...ليه يعني على شاني بنت
وفي يوم أغبر أشهب مثل وجه نكبه<< تراه نكهه بس ماودي أحرجة قدام هالصبايا
دخلت علي أمي وأنا ماسكة قلم وأزقر ..لا وحاطة عندي طفاية ...يعني لاعبه الدور صح
من غير كلام وبهدوء أنفقشت الطفاية على راسي<< بيضة مهيب طفاية
وراحت امي تعلّم أبوي ...وبغمضت عين لقيت أبوي فوق راسي والعقال بيده...قال مابقى إلا هي...أنا أصلا كارهك من يومي وحاس إنك بتجيبين لنا البلا
قلت طيب أجدعني للبساسة
قال أقطعي وأخسي ... لكن والله لو تعيدينها إني لا أعلقك بالماصوره اللي بالسطح
قلت طيب أصبر إلى مايطلعن الشبط..الحين برد
قالت أمي أهبي ياهالبنت
قلت بس أنتي...أنتي آخر من يهرج يالحروش
المهم بعد ماسووبي البطيط قال يالله قومي أذلفي جيبيلي بكت دخان من درج السيارة
مير اقوم وأروح للسيارة وأفتح الدرج والقى بكتين دخان
وأنا آخذ الثاني وأغبيه بكشتي وآخذ لأبوي واحد
يوم صليت العشا وأنا أقوم ..قال أبوي وين؟؟
قلت الديار طلبت أهلها بروح انام..قال أذلفي<< واضح إنه حاقد إبن هالحلال
يوم رقيت لغرفتي وأنا أقفل الباب..وأجيب فوطة وأحطها تحت الباب على شان ماتطلع الريحة ... وأولع زقارة وأشربها ..وتقظبني الكحه<< أستشرقت
قلت هالحين أنا بموت محد درى عني...وأقوم أروح لأهلي وتعطيني أمي شي أشربه...قلت سُم؟؟<<< تحسبهم بيذبحونها " اللي في بطنه ريح"...قالت أشربي على شان تروح هالكحه
ويقعدون يسولفون ...قال أبوي يقولون إن فيه سفاح طالع بالخبر يذبح الحريم
وهي تمسكني أم الركب
قال اخوي... إيه يقولون ذبح تسع حريم ...قلت أنا زانت علومكم هالحين ماتزين لكم هالسوالف إلا تالي الليلول أنتم ماتدرون إن هالكلام مهوب زين عند الأطفال...قال أخوي وين الأطفال
يوم التفت وأنا القى أصغر واحد بالمجلس طاقن الخمس وثلاثين<< اللي هي أنا
قلت أنا أقصد أفرض خطم بزر وأنتم تقولون هالكلام
قال أبوي أقطعي وأخسي وقومي جيبيلي الطفاية <<< مايدري إني تعوقلت من الروعه
قلت حاول مرة أخرى
قال أقول قومي ... قلت طيب قم معي قال أقول قومي
يوم وصلت للباب قلت يمّه تعالي شوفي<< على شان تمسكها تروح معها
المهم بعد سهره مادري وش تبي كلن راح ينام .. وعمشا تقلّب بسريرها تخيّل سفاح الخبر
قلت يابنت ياعمشا أنتي فتاة جميلة<< إيه هين
ومؤدبة<< كثري منها
وذكيه<< لا عاد هذي قويه
أكيد سفاح الخبر بيطمعبك قومي بس روحي نامي عند الشيبان
نزلت تحت يوم وصلت لغرفة أبوي وأمي وأنا أدق على أمي ...يوم ردت قلت أفتحيلي الباب<< داقه على التليفون على شان مايقوم أبوها
يوم فتحت قالت خير؟؟
قلت بنام عندكم بس الليلة قسم باللهوإن عدتها مره ثانية علمي أبوي
قالت طيب إدخلي بس إذا أذن الفجر قومي لغرفك قبل مايقوم ابوك...قلت أفلقيني ياشيخة إن طلعت
يوم أنسدحت جنبها ...قالت عمشا وش ريحة هالدخان؟؟
قلت يمّه هذا بخور مهوب دخان<< ماتعرف تصرّف
قالت ياصنهات<<< تراه مهوب أسم أبوي
عاد تخيلوا أبوي وتوه صاحي من النوم ويسمع مثل هالخبر
وعلقوا عمشا بالماصوره اللي بالسطح خمسة أيام
ومن يومها وأنا تاركه الدخان وطايحه بالمعسل:D
تشاو :07:
بس اجديتي يوم حطيتي صورة البعير :05: والديك خليه لمزن وامل هم اللي يحبون الدواجن
خخخخ
امااللطشه حلوة وتستاهل