السلام عليكم
بما ان الاجواء اختباريه برديه<<<مطلعتها من القاموس
وكلن فاتح خشته يذاكر
والي مايذاكر قاعد يذاكر لعياله
وبما ان خواتي نسفوني وماعاد نادوني منشغلين بعيالهم
قعدت اتذكر ايام الاختبارت الله لايعيدها كانت رعب مو مثل الحين يعطونهم ملزمه ويقولون ادرسوها
ومدرس الماده يجي يدرس بالبيت
اول 70%الممتاز هو الي يجيبها لانه قاطع قلبه عليها
مو الحين لين جاب 89% استحى يعلم الناس وصار كسلان
سقا الله ايام اول كل شي زين فيه
والمدرسات ومادراك مالمدرسات حشى مو مدرسات الله يسامحهم مسوين لنا فيلم رعب ياحظ ويسعاده الطالبه الي تخليها المدرسه تشيل الدفاتر حقتها كنها بنغاليه توديها لغرفه المعلمات خخخخخخخخخ
والا عاد الغش كله كوم والغش كوم كان منتشر بطريقه رهيبه
بس محدثتكم الي هناا اكبر خوافه على وجه الارض
مرتن من المرارير المره
كان علي اختبار وكنت باول ثانوي يعني منيب بزر مره ولين ذاك البرد الي يكسر العظم وانا طبعي كنت اواصل الليل وانام بالنهار
وكان علي اختبار كيميا قلت لامي صحيني الساعه 6 عشان يمديني ادرس الكيميا صعبه
المهم صحيت على مابلعت على ماتفرجت على المسلسل<<<يازينه ايام الاختبارات
وكلمت كم صديقه قعدت اخطط جت الساعه عشر مير اصك علي الغرفه واشغل الدفايه والبس فروه ابوي
قبل مايطيحون في فروات الحريم خخخخخخخ
ليني انوود عجزت اقرا شي فيني نوم قلت ابنام شوي واركد الساعه الخراش<<ماضن احد بيعرفها الا مس قدها وقدود خخخخخخ
واحطها نومه ماوعيت بنفسي الا امي تطق الباب تقول تاخرتي الامتحان لايفوتك
مير الحمد لله القلب فضيخه لاصحت ولاضاق صدري
قلت مابدهااش مالي الا الغش مادرست ولا شي
وعاد انا اكبر خوافه في الارض عندي رعب من المعلمات شي غريب على اني شاطره بس ماش مسببين لي عقده
وافتح كف يدي واكتب فيه رؤس اقلام
شفتو اكبر من كذا دلاخه لو اني كتبت شوي تحت الكم ابرك
المهم يوم دخلت القاعه وانا ينقلب وجهي اصفر كانه ترنجه
وشفايفي صارت زرقا
وبدت النفافيض واحاول اسكر يدي عجزت تنتفض احطها على الطاوله قامت الطاوله تنتفض معي امسكها بيدي الثانيه قامت تنتفض الثانيه معا
شوي حسيت بدوخه من الخوف قلت اقول مالتس الا سعابيلتس ياطخومه هي الحلل الوحيد مير اسعبل في يدي وامسح في المريول خخخخخخخخخخ ادري حومت كبدكم بس هذا لزوم الامانه القصصيه:09:
ومغير الحس هاليد وامسح انقلبت براطمي وخشتي زرقا من الحبر كله في سبيل اني مانكشف في الغش
ومرتن ثانيه كان علينا اختبار رياضيات اختبار شهري وكنت غايبه
وقالت لي المدرسه تعالي اختبرك في الفصل الثاني
والفصل هذا كلهم اعرفهم ويحبوني الله لايعيدها من محبه وهم كان عندهم درس المدرسه نقلتني الاسئله وقعدت تشرح لهم الدرس
وتجيهم الفزعه معي ويحلون بعض الاسئله ويكتبونها في منديل ويرمونه علي خخخخخخخخ
انا كنت عارفه الاجوبه بس من شفت هالمنديل حط على طاولتي وتطير المعلومات كلها
والمدرسه مركزه علي عشان انا الوحيده الي اختبر والمنديله بلشت فيها خخخخخخخخ اذا مسكتها عودت علي النفاضه الي انتم خابرين خخخخخخخخخ
وحست المدرسه بربكتي وربكه البنات مير تشك فيني وتعطيني نظره تروع ولا نظره امنا الغوله
قلت ياطخومه مابدهااش مالك الا تاكلين هالمنديل خخخخخخخ وابدء انتف على قطعه قطعه عشان ماغص وماتنتبه لي:09: خخخخخخخخخخخ الا قالت لي المدرسه ارمي العلكه الي في فمك تحسبها علك:42:
مير ادربي المنديل كله في فمي وابلعه
خلص الوقت لا انا الي حليت زين ولا انا الي غشيت ولا انا الي سلمت من هالفزعات الي ماله سنع
انتبهو يابنات من الغش ربي ماحرمه الا بحكمه والله تطير المعلومات من الخوف:eek:
وقال صلى الله عليه وسلم
((من غشنا فليس منا))
المهم ياحلوات سؤال متلحف ببطانيه مورا ويسدح نفسه لكم
الي عمرها غشت وانفضحت او صار لها من هالمواقف تسدح لنا قصتها عشان اخذ العضه والعبره
طخومه @tkhomh
محررة ماسية
يلزم عليك تسجيل الدخول أولًا لكتابة تعليق.
مير الحمد لله القلب فضيخه لاصحت ولاضاق صدري <<<<< مانتب صااااااحية هههههههههههه
يا زينك ويا زين سوالفك ..
اما بالنسبة للغش فانا يا رب لك الحمد والشكر من اعدائه
ولانيب ذيك الدافورة اللي اذاكر لين تبقق عيوني
لا والله اذا جا الامتحان سويت حفلة تعارف مع المنهج
ادرس اللي احب من الدروس واللي ما احبه اسفهه في قلعته
بس مرة وحدة الله لا يعيدها في سادس غشيت في امتحان التاريخ
بالله مرت عليكم احد يغش في تاريخ <<< والله من الرخامة
عاد خويتي الله يذكرها بالخير غششتني تاريخ المعركة
والمشكلة انها تكتب رقم اثنين بسنتين زي اذا كتبنا الثلاثة اننا بسنتين
الزبدة ان الاجابة طلعت غللللللللللللللللط << مسويه فيها فيلم بوليسي ونظارات شمسية
على تاريخ وبسادس ههههههه وبعدها تبت الى الله وصرت يا اجاوب واعتمد على فهاوتي يا اموت عالورق ما اغش
وصدق من قال ( من غشنا فليس منا )
ما عندي اي استعداد رسولي وحبيبي يتبرأ مني عشان انجح
هذي سالفتي مع الغشة <<< لانها غشة وحده يتيمة
يا زينك ويا زين سوالفك ..
اما بالنسبة للغش فانا يا رب لك الحمد والشكر من اعدائه
ولانيب ذيك الدافورة اللي اذاكر لين تبقق عيوني
لا والله اذا جا الامتحان سويت حفلة تعارف مع المنهج
ادرس اللي احب من الدروس واللي ما احبه اسفهه في قلعته
بس مرة وحدة الله لا يعيدها في سادس غشيت في امتحان التاريخ
بالله مرت عليكم احد يغش في تاريخ <<< والله من الرخامة
عاد خويتي الله يذكرها بالخير غششتني تاريخ المعركة
والمشكلة انها تكتب رقم اثنين بسنتين زي اذا كتبنا الثلاثة اننا بسنتين
الزبدة ان الاجابة طلعت غللللللللللللللللط << مسويه فيها فيلم بوليسي ونظارات شمسية
على تاريخ وبسادس ههههههه وبعدها تبت الى الله وصرت يا اجاوب واعتمد على فهاوتي يا اموت عالورق ما اغش
وصدق من قال ( من غشنا فليس منا )
ما عندي اي استعداد رسولي وحبيبي يتبرأ مني عشان انجح
هذي سالفتي مع الغشة <<< لانها غشة وحده يتيمة
سبحان الله شفت اسمك بلوحة التحكم تبعي ( موضوع لك مشاركه انا فيه)
وضغطت على اسمك بشوف نزلتي مواضيع جديده (بالصدفه):42:
ماتصدقين وش كثر فرحت لما شفت جديدك يالدبا
لي رجعه
وهذا انا احلف بالله سالفتي بالغش ماسواها احد ولاتطري على احد وانتم احكمو لما اقولها لكم:eek::eek:
راجعه واقرا موضوعك على رواقه
<<<<<<<<<< مجرمه منذو الصغري ههههههههههههههههههه
وضغطت على اسمك بشوف نزلتي مواضيع جديده (بالصدفه):42:
ماتصدقين وش كثر فرحت لما شفت جديدك يالدبا
لي رجعه
وهذا انا احلف بالله سالفتي بالغش ماسواها احد ولاتطري على احد وانتم احكمو لما اقولها لكم:eek::eek:
راجعه واقرا موضوعك على رواقه
<<<<<<<<<< مجرمه منذو الصغري ههههههههههههههههههه
يا حبيلتس يا طخومه انتي و سواليفك
المهم على سالفة الغش
يوم اني بثاني ثانوي
كان عندنا اختبار حاسب و يا كرهيلها هالماده احسها خبله ما لامها داعي
و مدرستنا عاد حوله الله لا يبلنا
و مسكينه تعور القلب
طلعت قبل فتره ليست بالقصيره <<< قلبت عربي
المهم
طلعت مساطر من حديد و لا مدري وشو معدن كذا
و الاختبار غبي يعني تحفظين السؤال و الجواب لاااااااااازم تنجحي ما يبيلها غش
المهم و صديقاتي وش يسوووووووووووون
من زود الفلاحه اللي فيهم
يكتبون تعريف الحاسب على هالمسطره
و يتناقلونها
و جا دوري اللي هي انا و ارتبك و احوس
و اخاااااااااااااااااااف لاني ما اعرف اغش
يا قلبي علي
و توقف على راسي المدرسه
و احترت وين ارمي هالنشبه اللي نشبوني فيها و ما الاقيلك الا اللي جنبي تقوللي دخليها بكم الجاكيت
و اسمع كلامها و اسويها !!!!!!!!!!!!
و راحت المدرسه و عجزت احل
اخر شيء طلعتها و جاوبت
مع اني كنت عارفه الاجابه
بس على قولتهم
مع الخيل يا شقرا
و مره ثانيه عاد هذه فيها دلاخه على تناحه على فصل اسلاك و تضاربهم معا تضارب عكسي ادى الى التناحه ايضا
كنت بثالث ثانوي
و اختبارات نهائيه و حاله ما يعلم بها الا الله
و علينا اختبار نحو و صرف
و انا من طبعي ايام الاختبارات ما انام اواصل و ارجع انا م
خلاص
المهم و اجيك دارسه و اقول المنهج الحمد لله اتوقعته صعب و يقاللي حافظه
و تجيك عاصفة التناحه الثلجيه و عجزت اجاوب على بعض الاسئله
و المشكله انه الاسئله اللي صابتني فيها التناحه هي الاسئله السهله !!!!!!
و الممهم و اجيك حايسه بسؤال من فقرة اختاري مدري هو استنتجي مدري استخرجي من القطعه
المهم مدري وش كان و السؤال له 4 اجابات بهالقطعه الله لا يحولنا اجل احد يحط اربع اجابات لسؤال واحد
يعني هم الغلطانين <<<<< يقال لها تبرر موقفها
المهم و اكتب الجواب و اقول
تسني شاكه بالجواب و ارجع اسولف على نفسي و اشر على القطعه و حاطه خط تحت السؤال
و تجي المشرفه من الررئاسه الله يسعدها و تقوللي عندك مشكله بورقتك و اقولها لا بس فيه سؤالن شاكه باجابته
قالت وينه قلتلها هذا
قالت وش جاوبتي انتي
قلت كذا و اشرت على الكلمه من القطعه
قالت متاكده انها مهيب ذي
قلت مدري
^^^^^^ هنا صابتني التناحه
قلت يعني ايش ؟؟؟
قالت يعني انتي متاكده انه هذه مهي هذه
قلت مدري يمكن
اظن
الا متاكده
لا مدري
يلعن ابو ابليسي
ما فهمت
بالاخير توصلت اسلاك مخي مع مخيخي و فهمت انها تقوللي يا حولههههه الاجابه غلط و هذه الصح
و جاوبت اللي قالت عليه
و يوم اني طلعت من القاعه و يقولوا صديقاتي انه السؤال له اربع اجابات و هذه الاجابه اصح وحده ( اللي قالتلي عليها المشرفه الله يجزاها الخير )
و توته توته خلص الحدوته
ههههههه طولت عليكم
المهم على سالفة الغش
يوم اني بثاني ثانوي
كان عندنا اختبار حاسب و يا كرهيلها هالماده احسها خبله ما لامها داعي
و مدرستنا عاد حوله الله لا يبلنا
و مسكينه تعور القلب
طلعت قبل فتره ليست بالقصيره <<< قلبت عربي
المهم
طلعت مساطر من حديد و لا مدري وشو معدن كذا
و الاختبار غبي يعني تحفظين السؤال و الجواب لاااااااااازم تنجحي ما يبيلها غش
المهم و صديقاتي وش يسوووووووووووون
من زود الفلاحه اللي فيهم
يكتبون تعريف الحاسب على هالمسطره
و يتناقلونها
و جا دوري اللي هي انا و ارتبك و احوس
و اخاااااااااااااااااااف لاني ما اعرف اغش
يا قلبي علي
و توقف على راسي المدرسه
و احترت وين ارمي هالنشبه اللي نشبوني فيها و ما الاقيلك الا اللي جنبي تقوللي دخليها بكم الجاكيت
و اسمع كلامها و اسويها !!!!!!!!!!!!
و راحت المدرسه و عجزت احل
اخر شيء طلعتها و جاوبت
مع اني كنت عارفه الاجابه
بس على قولتهم
مع الخيل يا شقرا
و مره ثانيه عاد هذه فيها دلاخه على تناحه على فصل اسلاك و تضاربهم معا تضارب عكسي ادى الى التناحه ايضا
كنت بثالث ثانوي
و اختبارات نهائيه و حاله ما يعلم بها الا الله
و علينا اختبار نحو و صرف
و انا من طبعي ايام الاختبارات ما انام اواصل و ارجع انا م
خلاص
المهم و اجيك دارسه و اقول المنهج الحمد لله اتوقعته صعب و يقاللي حافظه
و تجيك عاصفة التناحه الثلجيه و عجزت اجاوب على بعض الاسئله
و المشكله انه الاسئله اللي صابتني فيها التناحه هي الاسئله السهله !!!!!!
و الممهم و اجيك حايسه بسؤال من فقرة اختاري مدري هو استنتجي مدري استخرجي من القطعه
المهم مدري وش كان و السؤال له 4 اجابات بهالقطعه الله لا يحولنا اجل احد يحط اربع اجابات لسؤال واحد
يعني هم الغلطانين <<<<< يقال لها تبرر موقفها
المهم و اكتب الجواب و اقول
تسني شاكه بالجواب و ارجع اسولف على نفسي و اشر على القطعه و حاطه خط تحت السؤال
و تجي المشرفه من الررئاسه الله يسعدها و تقوللي عندك مشكله بورقتك و اقولها لا بس فيه سؤالن شاكه باجابته
قالت وينه قلتلها هذا
قالت وش جاوبتي انتي
قلت كذا و اشرت على الكلمه من القطعه
قالت متاكده انها مهيب ذي
قلت مدري
^^^^^^ هنا صابتني التناحه
قلت يعني ايش ؟؟؟
قالت يعني انتي متاكده انه هذه مهي هذه
قلت مدري يمكن
اظن
الا متاكده
لا مدري
يلعن ابو ابليسي
ما فهمت
بالاخير توصلت اسلاك مخي مع مخيخي و فهمت انها تقوللي يا حولههههه الاجابه غلط و هذه الصح
و جاوبت اللي قالت عليه
و يوم اني طلعت من القاعه و يقولوا صديقاتي انه السؤال له اربع اجابات و هذه الاجابه اصح وحده ( اللي قالتلي عليها المشرفه الله يجزاها الخير )
و توته توته خلص الحدوته
ههههههه طولت عليكم
ماذكر اني غشيت بلاني مثلك ذروووووق واذا حاولت اغش فضحت عمري فكذا مريحة :)
بس اذكر اني في الكليه طلبت مني وحده اني اغششها وهي جالسه قدامي تبيني اهرج عند اذنها !!تخيلي قاعه فيها 10 مراقبات وكل شوي تطق بالقلم
المشكله اني لا عرفت أحل ولا غششتها ضعت بطوشة :(
بس موقفك رررررررررررهيبه :)
بس اذكر اني في الكليه طلبت مني وحده اني اغششها وهي جالسه قدامي تبيني اهرج عند اذنها !!تخيلي قاعه فيها 10 مراقبات وكل شوي تطق بالقلم
المشكله اني لا عرفت أحل ولا غششتها ضعت بطوشة :(
بس موقفك رررررررررررهيبه :)
الصفحة الأخيرة
لكن انا اذا شفت احد يغش ما عااد الا يغمى علي من الخوف
وينشف ريقي والله ما عاد فيني ولا سعبوله
مع اني شاطره وامشي جنب الحيطه خخخ الا اني خووووافه درجه اولى
يمكن عاد لو اني شايفتك تغشين وتتنافضين مت في كرسيي