يوم كان عندنا بقرة سودا >>>>> سالفه لاتفوتكم

خلينا نبدا السالفه
بس قبل لابدا بقصة بقرتنا لازم اعلمكم اسلوب حياتنا علشان تعيشون معنا نفس الاحساس>>>>>> احلى يالاحساس :42:
حنا يابنياتي فلاليح واللي مايعرف وشو معناته يروح للقاموس الفهيم في كلام اهل القصيم >>>>>> عاد دوروه :laugh2:
وطبعا ابوي الله يغفر له ويرحمه ويدخله فسيح جناته والدينا والديكم
يشتغل بالفلاحه وكان عنده بقر في فلاحته
وكان يزرع ويحصد ويطعم هالبقر
وطبعا الفلاحه كان فيها نخل من كل شكل ولون وفيها بعض الاشجار مثل التين :33:
اللي كنا نرقى على شجرته ونقطع من هالتين وناكل لانغسله ولا شي >>>>>>> الله خير حافظ
عاد حنا في بيتنا بعد فيه بقره ناخذ منها الحليب >>>>>>> احلفي
والبقره هذي كانت سودااااااا سواد الليل بس حبوبه ماتخوف :27:
والبقره هذي ماشاء الله كان حليبه يسد ديره قولوا ماشاء >>>>>>>> صحيح انه ماتت بس ولو قولو ماشاء الله
وكانت امي الله يديم عليه الصحه والعافيه >>>>>>>>>> ياحبيلك ياميمتي >>> لاتشرهون ولهه على امي :(
كانت هي اللي تحلب البقره وتاخذ حليبه وتسوي لنا منه حليب >>>>>> احلفي
وبعضه يسوى منه لبن
وشي يسوى جبن
ولا بقل ولا قشطه بس مهب المراعي
ولا قشطه الخفق >>>>>>> لايكثر
والباقي نخليه حليب بودر >>>>>>>> تراي منب انصب ابد :D
وكانوا اهلي مدللين هالبقره كثيييييييييير من كثر الدلال يعطونه قشور الجح >>>>> امحق دلال :07:
بس هاه لازم يقطع له القشور صغار علشان ماتتعب بعلكه
وتسوي لها امي مدوده من كثر مااشوف امي تحوك بهالمدوده ه اشتهيت اذوقه هههههههههههههههه >>>>>>> وععععععع :09:
المهم ان البقره هذي غالية عندنا كلنا ياحبيله بقرتنا
مابي اطول عليكم >>>>>> اكثر من كذا
في يوم من الايام قامت البقره تثغي وتثغي صجت روسنا من ثغيانه وطبعا انا لاني صغيره كنت مدري وش اللي به بس اهلي كانو عارفين ليش تثغي
اتاريها عاوزه تتجوز وطول الليل وهي تصيح وتنيح عاوزه اتقوز قبل لاعنس :icon28:
ابوي قالها اصبري لما نلقى نلقى ولد الحلال قصدي ثور الحلال اللي يسعدك ويهنيك بس هي به مغاط جابر عجل مهب صابر >>>>>>>> هذا مثل له قصه
فجاء ابوي اخذها معه يوديها علشان تشوف زوج المستقبل وطبعا وهي ماشيه كانت تتمايل من الفرحه وشوي وترقص مايستحن هالبني اوووه قصدي هالبقر وطبعا وهي تتمايل كل شي فيها كان يتمايل مما جذب الانظار اليها >>>>>>> ابوووك ياللغة :7_5_131:
يتبع

فكان احد الماره الله يهديه حاط باله عليها ومنتبه لها :o
فعطاها عين ماصلت على النبي اللهم صلي وسلم على رسول الله
ومارجعت بقيرتنا من هالمشوار الا البقره متغيره مهب البقره اللي خابرينه نشاط وحيويه :10_8_11:

بس ساكته ماتتكلم ولا تاكل ولا تشرب ابد اصتصامت >>>> طبعا الشرح بالقاموس السابق
اهلي بالاول يحسبونه يطخطخه الفرث :icon28:
بس يوم بتلت على حالته ضاق صدره ابوي عليه :16:
عجز ابوي معه يحاول يفهم وش اللي به قاله الرجل ماجاز لك قصدي الثور مااعجبك عادي ندور غيره اهم ماعلينا رضاك وراحتك :)
تبين نبكر بالعرس هم بعد معليه نقول لاهل المعرس يستعجلون
وكله واحد البقره ماهب راضيه ترد ولا بكلمه ولاثغية وحده :(
طبعا ابوي ماقدر يصبر على حالته راح جاب له دختور :cool:
ووصف لها دوا لو تشوفون ابوي وعمي وشلون يسقونه الدوا
اتذكر عيالي اذا بغيت اعطيهم الدوا وهم صغار ولا يبونه لازم تربطينهم برجلينك وافتح اثمك ولا تفتح وحاله ونص الدوا يتكبب منا ومناك :07:

عاد هي اهلي وشلون يعالجونه جايبن محقان وشابكين فيه لي وطبعا هذا مهب من انفسهم الدختور اللي قايل لهم >>>>> امحق دختر
وبعدين يحطون اللي باثم البقره ويصبون الدوا بالمحقان
كنت ارحمه وانا اشوفهم يسوون فيها كذا :( بس هذا العلاج الشكوى لله وليته نفع
البقره عقب هالحادث >>>>>>>> ترى مهب حادث سياره
ماعاشت الامدة بسيطه بعدها انتقلت الى رحمة الله :
عاد تعالو شوفونا حنا يالمبزره قعدنا نصييييييح عليه تقولون اقرب قريب لنا
icon33: :icon33: :icon33: :icon33:
عاد ابوي وعمي شالوه بالددسن علشان يودونه للمقبره
قلنا حنا الانبي نروح معكم نودعها الوداع الاخير >>>>>>> شوفو الوفا
عاد ركبونا معه بالحوض حق الددسن >>>>>>>>>> قبل لايصير ممنوع الركوب بالحوض
حنا وبقرتنا العزيزه :(
ومشينا لما وصلنا البر
اهلي اخذو البقره وجدعوه بالبر >>>>>>>>>> عقب الدلال جدعت بالبر :29:
حنا طارت عيوننا وشلون كذا وين الوفاء على الاقل ادفنوه
قالو لا خلي يجن الذياب ياكلنه :eek:
انصدمنا من طريقة اهلنا في تعاملهم مع بقرتنا اللي خدمتنا سنوات طويله
رجعنا للبيت وحنا نشعر بخيبة الامل من اهلنا :44:
اهلي مااخذوا لهم كم يوم الا هم جايبين لنا بقره ثانية
البقره الثانيه عاد لونه عادي مهب اسود نفس لون البقر اللي على برتقالي او احمر او اصفر اخلطوهن جميع يطلع لون بقرتنا الثانية
وهالبقره به طبع شين مهب مثل الاوليه الحليله الله يرحمه قولو امين

كانت ترضع نفسه مدري وشلون تطول تشرب حليبه الله يحوم كبده :11:
واذا جت امي تحلبه مالقت به حليب واجد
علشان كذا صارت امي ماتسوي لنا كريمة الخفق لان الحليب مايكفي ولا قشطه >>>>> اقول لايكثر :D
اهلي احتارو وش يسوون ببقرتنا هذي علشان ماتشرب حليبه وتخلصه عنا
قعدو يفكرون ويفكرون ويفكرون الى ان خطرت لهم فكرة جهنمية :30: >>>>> مقتبسته من قصه كد قريته
تدرون وش سوو ؟
اتحداكم تعرفون هعهعهعهعهعهعهع
جابو تنكة كليجا من التنك الكبير وطبعا فاضيه مافيها كليجا وفتحوها من الجهتين ودخلوها في راس البقره صارت البقره ماتقدر تلف راسه وبكذا افتكو من شربه الحليب قبلنا خخخخخخخخخخخخخخخخخخخ
بس ولو مهب مثل البقره الاوليه :27:
وصدق اللي قال وما الحب الا للحبيب الاولي :39:
امي كل ماطق حصاة بعود قالت ياسفابك يابقيرتنا
وهكذا انتهت حقبة من حقبات حياتي مع بقرتنا الحلوب الله يحلله ويبيحه ولا تسالونن وش معنى اخر كلامي لاني قريته وجازلي وكتبته لكم

عاد بالاخير اتمنى ان سالفتي تنال اعجابكم واللي ماتجوزله الله يستر عليه
واللي تجوزله الله يسهل امره وان بغى يعلق ولا بسلامته >>>>>>>> ماتقدر تغصبكم تردون لانه مهب ترد كثير على المواضيع يعني ماله وجه يواجه

الله يرحمهااا بقرتكم ويعضوكم خير عن هالمشفوحه

بالله فيه بقره ترضع نفسها خخخخخخخ

وحركه التنكه رووووووووعه هع هع

متخيله شكلهااا وهي بلشاانه فيها

الله يستر لايجي يوم تتلوون صدرهاا وتحرمونها منه خخخخخخخ

طيب مس مس جربو حليب البعارين وش بتخسروون بلا تنكه بلا هم ..

بس لاترفست ببطونكم مالي شغل خخخخخخخخخخخ

تسلمين ع الموضوع الظريف.. اسعدنا تواجدك ..