هذا شرح مفصل لحياتي الأسريه أبي أبديها من أول يوم عرسي الين عتا علي الزمن....
في حواري أيام زمان مثل السباله وشارع عسير والجراديه ودخنه والمقيبره
في فترة الثمانيات نزحت شعوباً من قرايا نجد للرياض ترزق ربها .... الا انهم نزحوا من باب انه ماتهون عليهم العشره , مع ماعتادو عليه من غنم ودبش حتى ان بعضهم من قل العيشه كان يسوي البن ( بلك الأولين) بيده ويبني بيته هو وأفراد العائله .. المهم
بطلة السالفه هي خالتي رزقها الله سعد وحمد وعبدالله.. عاد أم سعد اللي هي خالتي كانت تعز الغنم وبنت لهم سويت خاص في بيتها في حاره اسمها دخنه وما كان الوضع مستنكر لانه تقريباً كل البيوت كان هذا وضعها وكانت متعصبه جداً لقوميتها يعني راس مالها عيالها والغنم وتجاكر الجيران بهم حتى حريم عيالها ماكان لهم ذاك الوزن ....
عاد الناس تطوروا ووصلوا الي العليا في الشمال فجمع سعد واخيانه جعلهم يسلمون قريشات وبنوا ذيك الفله اللي ماودكم تصدون عنها من زينها يعني في التسعينات وبر في أميمتهم نقلوا معها الغنم والمجرشه والمقرصه وسنعوا زاويه في الحوش ( الساحه ) وسكنوا الغنم فيها جنب دريشة غرفتها في الدور الأرضي واذا سمعوها الغنم قايمه الصبح تهلل وتسبح يعرفونها ويقومون يباعون يبون وجبة الأفطار( القت والتبن الله يعزكم )
ومع صوت هالغنم يقومن حريم العيال يتطامرن لشغل البيت دروا ان خالتهم قامت... وهن ياعيني مقصوعات مالهن دبره وبنت امها اللي تدلي بدلوها ولاتنوي تقول رايها في شي اذ ان الأمرو بيد الخاله فقط
الا أن الحرب البارده موجوده بين الحريم ومن ضمنهم الخاله ولكن بصمت وينظفون بصمت ويطبخن بصمت وكل وحده تعض سنونها بس بصمت .
كان عبد الله جارنا وقريبنا اللي هو أصغر الأولاد مابعد أعرس جعله يسلم وأنا أختكم مخططه عليه وأراقبه كل ماأقفى وأقبل لبيت أهله وكان عمري 11 سنه وتعالوا بس أسمعوا خفقان القلب والآه اللي تطلع منه 00000
وانا اذا حطيت في بالي شي الله لايوريكم أحوس الدنيا الين أحصل عليه أو أيأس منه....
للقصه بقيه ان كانكم تبونها ردو علي ولا الماريه الغفله والوجه من الوجه أبيض
كبسوله @kbsolh
محررة
يلزم عليك تسجيل الدخول أولًا لكتابة تعليق.
الصفحة الأخيرة
كملي ..وأنا متابعه معك ....
وتسلمين ..