يوم من الماساة!!!!!!! الحلقة الاولى

هده القصة حقيقة
تقول القصة:

تعرفو كيف عيدنا السنة هده؟... كلنا عيدنا في ملابس قديمة.. وابني الصغير لبس ملابس اخوه الكبير القديمة...عارفين السبب مو عشان عايشين في العراق ولا في افغانستان.....لا ....اقولكم السبب:

انا عربية مغتربة في ولاية في امريكا الشمالية بسبب ظروف دراسة زوجي ..... واعيش في ولاية هادئة نوعا ما ....ومدينة صغيرة .......بس جوها متقلب مرة

والتجمع الاسلامي عندنا يتبع السعودية في الاعياد....... يعني العيد عندنا كان الخميس مع انه التجمع الاسلامي في امريكا الشمالية وكندا(إسنا) كان العيد عندهم الجمعة امكن لان الجو كان مغيم مرة خاصة في ولايتنا

يوم الاربعاء قبل الضهر عرفنا انه عيد في معظم الدول العربية وطبعا راح يكون عندنا عيد بالتأكيد......اول ما عرفت الخبر ....اتصلت على زوجي بسرعة صعقته بالخبر وقلتله بسرعة يشتري زكاة الفطر قبل المغرب عشان نلحق نخرجها قبل صلاة العيد......ونزلت بسرعة عشان ارتب البيت .....كنت مزينة الصالة وباقي انظف البيت بشكل عام لاني في رمضان كنت اخدة اجازة من الشغل في البيت عشان الحق اختم ......كنت اطبخ واغسل الصحون بس.....واذا حنيت على نفسي شوية كنست..

وانا في قمة المعمعة ....شفت الدنيا برة شكلها اتغير وبدأ المطر بس مطر متلج :o ...... انا قلبي انقبض وحسيت الدنيا سودت في عيني ....لانه لما ينزل المطر دا يحذرو من الخروج فيه......اتصلت على زوجي عشان اقوله على المطر لقيته مو موجود في المكتب......ورحت اكمل شغل ....الا ينزل تلج ابيض... وهدا اسوأ من المطر.......اتصلت على زوجي عشان اقوله عن التلج قالو انه في الطريق....وكملت شغل في البيت ...وكنت مرة حايسة ومصربعة.......والغسيل عندي اكوام اكوام وكل الملابس وسخة....
طبعا ما طبخت شي ......مافي تركيز ...سويت شربة بس ....

رجع زوجي قبل المغرب بنص ساعة وقال الطرق مرة وضعها سيئ وحوادث والسيارات تتزحلق والدنيا حايسة على الاخر

فطرنا وبعد الفطور نفخنا شوية بلونات للصغار ...مو عيد؟!
وانا كملت شغلي رايحة جاية طلعة نازلة شايلة حاطة ........وزوجي راح يشتغل لانه يوم العيد كان عنده دوام ويوم الاتنين عنده اختبار....

والتلفون ما يسكت الكل يتصل يسال عن صلاة العيد؟ فين راح نصلي ؟ ومتى ؟ الجو مرة ما يسمح اننا نخرج من البيوت بدري...

وصلت الساعة عشرة اخدت الصغار على غرفتهم عشان ينامو ونزلت اكمل شغلي
نظفت الصالة وحطيت شموع ونقاط ندى وبخور ...مو عيد؟!
وعلى روائح البخور كنست الصالة وخلصت ....:43:

بقي انظف المطبخ من حوسة اليوم كاملة عشان يكون البيت جاهز لعيد ابيض متلج....
وانا شغالة في المطبخ اتصلت جارتي تسال عن صلاة العيد......وكانت الساعة 11 عمري ما انساها....وتطفي الكهربا....... :eek:

شفتو ايش سوو فينا الامريكان ......شفتو كيف عيدنا؟!