يوم نصحتها...كانت هذي ردة فعلها!!!!!!

بسم الله الرحمن الرحيم....
السلام عليكم ورحمة الله وبركاته...
يا بنات فيه موضوع كان ودي أكتبه هنا من زمان ..لكن ما تيسر لي هذا إلا الحين..والله هذا الموضوع شاغل بالي وأبي أحد يساعدني فيه وما لقيت إلا أنتم يا بنات عالم حواء علشان تردون علي...والله يجزل لكم أجر مساعدتي....
بنات موضوعي عن النصيحة...وأقصد فيها نصيحة من حوالينا لما نشوفهم على خطأ ..وأحب أوضح أكثر وأقول نصيحة أي وحدة ما تعرفينها شفتيها في مشغل ولا سوق ولا حتى في مصلى نسائي سواء في مسجد مستقل أو حتى تابع لأي مكان للنساء..المهم وشلون راح تنصحينها ؟؟ إيش الأمور اللي تنتبهين لها قبل ما تبدين في النصيحة ؟؟هل تترددين؟؟ وإيش هو في نظرك سبب ترددك ؟؟وهل هالتردد في محله؟؟ولما تطلعين وأنت مانصحت هاللي شفتيها على خطأ ضميرك يكون مرتاح؟؟ولا ..لا؟؟وياليت يا بنات لو أي وحده صار لها تجربة في نصح غيرها تكتبها وتكتب بعد إيش هو ردة فعل المنصوحة ( سواء ردة فعل سلبية أو إيجابية)..ولو كانت ردة الفعل مش ولا بد ياترى ليش هل هو تقصير منك في اتخاذ الأسلوب المناسب؟؟(نبي الصراحة)!!
تنبيه مهم يالغاليات:
هذا الموضوع الهدف منه هو معرفة الخبرات أو الطرق اللي سواها البعض منا لما حب إنه ينصح غيره لوجه الله وتبرئة لذمته أمام الله ..ومش الغرض منه هو تصيد أخطاء الناصحات (يعني مش المقصود تيجي وحدة وتكتب رد عن مدى قلة أدب اللي نصحتها!! وأسلوبها الهمجي و...و...!! لا يا بنات الموضوع فقط علشان نستفيد من تجارب بعضنا الناجحة (ولو بس في الإيجابية بإبداء النصيحة وعدم الخوف أو الترددوإحنا ما علينا لو تقبلتها وعملت فيها ولا ..لا لأن (( إنك لا تهدي من أحببت ولكن الله يهدي من يشاء))..)..
ويالله علشان أشجعكم راح أبدأ :
حدث لي موقفين موقف كان حلو وموقف كنت أنا فيه الغلطانه((بصراحة أعترف ))..
الموقف الأول:
لما كنا في الكلية (في إحدى السنوات الماضية) كانت تركب معنا وحده ما تلبس الشراب (يعني رجولها باينه) وبصراحة أقدامها طالعة حلوة مع الجزم الأنيقة اللي تلبسها(الجزم فيها ألون و.. و )..بصراحة نعم كانت بجد ملفته للنظر وكانت بعد تمر من أمام الباص والسواق يطالع..(طبعا نيتها طيبة وأنا متأكدة إنها ماكان غرضها لفت انتباهه لأن الأصل في الظن بالمسلم الظن الحسن وهذا راح تعرفونه لما تقرون بقية الموقف)..ففكرت يوم إني ألفت نظرها لهل الأمر وجاء يوم ركبت الباص زي كل يوم وشاء الله إنها تقعد بجنبي تمام فحسيت إنه خلاص لازم علي نصحها..فقلت لها بأسلوب جميل لو سمحت ممكن أقول لك على شيء إنت مانتي منتبهة له..( وكلام ما أذكره الحين... لكن مفاده إنه أنت مسويه حاجة أنا متيقنه إنك مش قاصدتها ولا انتبهت لها) ..وحابه أنبهك عليها ..وجيتها من ناحية إنه أنت تملكين أقدام حلوة وملفته للنظر ماشاء الله عليك لكن بصراحة السواق يطالع وهذا شيء مايجوز ..(وأرجع أقول لها إنه أعلم تمام العلم إنك مانتي قاصدة لكن هذا اللي حاصل ومالاحظت هذا الشيء بنفسك لأنك همك تركبين وتلاقين مكان تجلسين فيه ..وبس ...ما جاء في بالك إنه ممكن السواق يتأمل في ( رجولك )!!!!!!!
المهم البنت الله يرزقها شكرتني بأسلوب لطيف .. وبصراحة اليوم الثاني ما لبست شراب يعني ما سمعت لكلامي لكني ارتحت إنه علمتها الحكم ..ولفت نظرها لنظر السواق فيها..وأقول الله يجزاها خير ويهديها يوم إنها ردت بأسلوب لطيف ..
أما الموقف الثاني :
كنا مرة في السوق وفي حمام النساء(وأنتم بكرامة) شفت وحده متكحله ومتعدله ولابسه عباية كتف وحاطه شال صوف ملون فوق عبايتها بحيث إنها لفتت نظر كل من شافها سواء رجل أو إمرأة!!!!!!وبعدين جيت عند المغاسل جنبها وماكان أحد قريب مننا وقلت لها ممكن أقولك حاجة..وطبعا قالت وهي مستغربة أيوه إيش فيه..وهنا حصل الخطأ اللي وقعت فيه وأنا ندمانه عليه كثييير وكتبته علشان ما تطيحون فيه مثلي..قلت لها: ( ممكن أعرف ليش هالزينه هذي كلها؟؟) بعدين المره عطتني نظرة استياء وراحت وتركتني مع العلم إنه ما أحد سمعنا لأني حرصت على هذا علشان ما أحرجها.. لكن والله يا بنات إني ندمانه لأن أسلوبي هنا كان غلط في غلط وأنا أستغفر الله منه..لكن كتبته علشان تنتبهون...
أخيرا.....
أعذروني طولت عليكم كثير لكني ما عرف أختصر...وبعدين سامحوني على أسلوبي لو كان ما عجبكم لأنه هذي أول مرة أنزل موضوع في المنتدى....
أتمنى من كل قلبي يا بنات إنه نفيد بعضنا بتجاربنا ونناقش أخطائنا اللي وقعنا فيها في مجال النصح وعلى فكرة لا تقول وحده يووووه ترى أنا ماني مستقيمةولا ملتزمه فهذا الأمر ما يعنيني لأنه حتى لو كان عليك بعض الأخطاء على الأقل بري ذمتك من الأخطاء اللي وقع فيها غيرك وأنت ماتسوينها......
يالله يا بنات وروني همتكم..وأنتظر ردودكم يالغاليات......