بسم الله الرحمن الرحيم
يوم وقفت على عتبة الأربعين
ما أدري من وين أبدأ ..؟؟ ومن وين أتكلم ؟؟ ووش أشرح لكم ؟؟
أنا دخلت بعمري الحين الأربعين وتحديداُ خلصت واحد وأربعين ...
طبعاُ متزوجة وعندي بنات وولد الله يخليهم لي
ومتزوجة من 18 سنة ...
حياتي الزوجية كانت مشااااااااااااااااااااكل كبيرة وكبيرة جداً لدرجة أعظم من الطلاق
الثمان سنوات الأولى كانت بسبب سكني مع أهله والعشر الباقية بسبب خياناته المتوالية بعد استقلالنا ببيت مستقل
المهم يابنات ...
مضت 18 سنة من عمري أغلبها هم وكدر
الشاهد ‘ني الآن والله يابنات أقولها والله على ما أقول شهيد .. إني كأني صاحية من نوم أو كأن أحد ضربني مع رأسي وفقت من السبات اللي أنا فيه ..
كيف مضت 18 سنة من عمري بذاك الشكل من الأكدار والأحزان والهمموم
وقاعدة أندب حظي على زوج حتى الغيرة ماصار يغار علي ! ( والكلام عن زوجي ونظرته للمرأة وربي لو أقوله يحطم كل امرأة حملت وولدت فزوجي الله يسلمه نظرته للمرأة ‘نها إذا حملت وولدت كم مرة خلاص ماعاد تصلح للفراش ولا تقولون أدوية تضيق وماعارفة ايش ؟؟ هذي نظرته وأفكار زوجي يبي لها مجلد لو بأشرحها وأقولها ما خلصت لكنها كلها تحطيم في تحطيم !
ويشوف إن المرأة اذا وصلت سن الأربعين انتهت من الحياة الزوجية وإنها عجوز وكبيرة ولايمكن أحد يتزوجها لو تطلقت مثلاً ؟؟
أنا تزوجته وكنا بنفس العمر تقريباُ 23 أو 24 وكان دائما يلمز بالكلام وهو يسولف
فلان تزوج بنت عمرها 19
علان تزوج بنت سورية عمرها 15
وكأنه يندب حظه إن اللي تحته عجوز _ طبعاُ من وجهة نظره
فتخيلوا كلامه هذا كله وانا لسا في بدابة الثلاثين معاه فكيف الحين وأنا مبلشة _ على قولة اللبنانيين _ في الأربعين
المهم أقولكم يابنات لما دخلت السن هذي صحيح يابنات إن كلي ألم من نظرة زوجي الذميمة للمراة والمحصورة في الجنس وسن معين !!! لكن والله يابنات _ واللي أنا منزلة الموضوع عشانه _ كلي ألم على عمري اللي راح وأنا ماعشت حياة الطمأنينة والعبادة الحقيقية لربي
ضيعت عمري وين راح ؟؟
ومن تزوج برا _ هذا إذا كان زواج ؟
ومين كلم ؟؟
وأكيد إنه أخذ مسيار ؟؟
ووووو
لما بلغت السن هذي حسيت بالنار تحرق قلبي على أحلى أيام العمر وهي أيام الشباب
تمنينت إنها راحت على شيء ينفعني في ديني من تطوع في صلاة وصوم أو علم ينفعني
أنا ما أقول إني ماكنت أعبد الله !! لا لألألألألألألألأ..
بس مو حق العبادة ولا حق شكر ربي سبحانه
والله يابنات إن العمر أقصرررررررررررررر مما نتخيل
إلى الآن مو مستوعبة إني في الأربعين أبداً أبداً
أنا صحيح من فضل الله مازلت أتمتع بمسحة جمال باقية فيني ولا تبين عمري ! وهذا من كلام مجتمعي خاصة لما أجلس مع اللي في سني ويقارنون بيني وبينهم ومن فضل الله وزني مازاد حتى إن بناتي يلبسون من ملابسي وخلال سنتين طوررررررررررررت من نفسي كثير عن طريق القراءة في تطوير الذات وتحسنت في طريقة التفكير كثثثير
وتحسنت مع في تعاملي مع الآخرين خاصة الخدم وعيالي وبديت ـعامل مع الأمور بأكثر حكمة وصبر
لكن في حلقي غصة يابنات على عمري اللي راح واللي أقوله لكم يابنات من كل قلبي لايضيع عمرك وفترة قوتك وشبابك على ناس أحيانا ماتستاهل تأخذ من تفكيرك ثانية وحدة
مضي عمرك بالذكر والصلاة والصيام لو ثلاثة أيام من كل شهر وركعتي الضحى والعلم النافع اللي يفيدك وينفعك
لأننا لو حسبناه من كل النواحي اللي بقى ماراح يكون مثل ولا كثر اللي راح ولو بقى أكثر ما راح يكون بنكهة الشباب والأقبال على الحياة
أتمنى يابنات ما تفهموني كلامي بنبرة اليأس لا والله ,, بل إني الآن أحسسسسسسسسسسسسسن بكثير من أول بكثير من الشغلات والجوانب يمكن اللي تغير فيني هو ان الكولاجين خف من وجهي عن سن العشرين
لكني مهتمة مررة بستايلي ومايشة مع الزمن وخطوط التقدم بس بضوابط واحتشام
واهتميت أكثر وبشكل أكبر بذاتي وتطوير تفكيري
وعازمة بإذن الله أهتم بالجانب الروحي أكثر لأنو يكفيني قوله تعالى
وَوَصَّيْنَا الإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ 15 
لاحظي كيف اهتم القرآن بها السن وإنها سن النضج والأكتمال من كل الجوانب !
عسى ربي يقبلني ويتقبل مني ومنكم وأعوض اللي راح لأننا ما نعيش العمر مرتين نعيشه مرة وحدة
أتمنى من كل وحدة خوية لي في هالسن تكتب لنا إنطباعاتها ونفسيتها ووضعها
ونسيت شي مهم أنبه عليه وهو قراءة كتب ابن القيم بعد القرآن الكريم والله يابنات إنها دواء لمرضى القلوب وإنه صار سلوتي من كل ألم لقيته من زوجي سواء من خيانة أو إهمال أو تجريح ,,
أنتظركن وأنتظر تجاربكم الجميلة والمفيدة وخلون نفيد بعضنا خاصة على الجانب التعبدي .
فعلا الأنسان يعيش مره وحده .. بس مشكلتنا نكلف نفسنا فوق طااقتها ..
مع إنه إذا تقربنا الى الله بالطاعات .. والذكر .. راح تنحل مشاكلنا .. وراح نعيش براحه نفسيه