ي امهات طلوا في موضوعي شوي

مرحبا اخواتي

انا محتاجه احد يسمعني حتى لو محد جاوب ابي افضفض محتاجه مساحه اعبر فيها

انا عند بنت عمرها سنه وتسع شهور

بسم الله عليها كانت تناغي من هي في النفاس وانقلبت وحبت ومشت في العمر المححدد الحمدلله

مشكلتي معها بدت معها من مشت صارت شيطونه تخرب وتحوس بششششكل ومزعجه وشقيه

امثاله

( السلبيات)
تجي عند البراده ترصص فيها

تولع وتطفي في الانوار

ترقى فوق الكنب تلعب تناقز

تحوس في الدروج فيها لقفافه تقهرني

اذا رحنا عند الناس تستحي شوي ثمن تمون عليهم وتاخذ من الحلا وعند القهوه تبهذلني وفيها لقفافه عادي تدخل جوا بيت الناس

في السياره كانت تجلس في الكرسي وش زينها لين عمر سنه ونص الحين تطب منها والا اذا ركبنا ع طول ماما يعني قدام عند ماما

تعشق ابوها عشق تموت من الغيره اذا شافتني جالسه جنبه

احسها موب اجتماعيه يعني تلعب معي انا مع ابوها مع الاطفال اللي متعوده تلعب معهم ام الاطفال الباقين لا مره جتني صديقتي ومعها بنتها ثلاث سنين مالعبت معها ولا انبسطت ابد

في السوق اذا طلعنا تجلس ب العربيه حول ساعه او ساعه ونص ثمن تمل وتطفش واذا نزلها ماتبي تجلس تبي تتمشى والله مغير نلاحق فيها

لدرجه ابوها يقول صرت اشيل هم الطلعه معكم

تهبل بي اذا جيت اغير لها البامبرز وملابسها ملاحق بس حماره تضحك ع اساس اني العب معها

تقهرني في شي اذا شافت مع احد المبزره شي تحن الا تبيه واذا رفضت تروح تاخذه منه وتجي تتخبى عندي اهاوشها اقول حق فلان تصييييح

تحب الاماكن الواسعه مثلا الحوش اذا مالقيتها ع طول القها في الحوش

تحب الالعاب الحركيه مثل السباق هي والاطفال ام الالعاب الثانيه ماننجذب لها

اقولها لا تسوين كيذا واذا شافتني منيب حولها تناظرني وترجع تسويه واذا هاوشتها صاحت

عندها سكيل تلعب فيه شوي ثمن تقعد تشيل اللصقات اللي عليه تنتفها لين تخلص ثمن ترتاح احسها

تحب التسلق تجيب معناز وترقى فوقه وتطل من الشباك


(الايجابيات)

انها الحمدلله تغذيتها زينه

تفهم علي مثل الاوامر حطي الالعاب في السله ، جيبي المناديل ، ارمي بامبرز في الزباله

تتكلم الحمدلله بس موب مره بس الحمدلله زين اهم شي اني افهم عليها

اذا بغت شي تقولي ماما ننه او ماما واو او ماما فكي

الحمدلله تعرف 6 اجزاء من جسمها يعني اسالها وين خشمك وتاشر ع خشمها وكيذا

بعض الاحيان اذا انقهرت منها اسوي نفسي اصيح وتجي عندي ولا اعطيها وجه تقوم تخمني تقول حبيبي

اسالها عن اسمها تجاوب ب اسم الدلع حقها

بسم الله عليها تميز مثلا وانا ارتب الملابس حقتها تقول حق حنو وحقت ابوها تقول حق بابا وانا حق ماما

حريصه ع اغراضي واغراضها تجيبها عندي عشان محد ياخذها اذا كنا في عزيمه مثلا

تفرح ب اللبس الجديد وتروح للمرايا تشوف نفسها وتاخذ العطر تحط لها خخخ

تموت في خدامه اهلي تخمها وتعرفها وتناديها

الحمدلله ماتحب التلفزيون مره لو جلست عليها خمس دقايق وتقوم

تشرب من نفسها الماء او العصير

البطاطس اعطيها الكيس وتاكل بنفسها ام الاكل الجامد انا اوكلها بنفسي مثل الرز وكيذا

نومها زين الحمدلله تنام مثلا 10 الليل تصحى 10 الصباح او قبل بساعه

تحب المكياج وتموت فيه ولعبت في ارواجي

تخاف من الاشياء الحاره شاهي مكواه

اذا بغت الشي تاشر عليه اذا صارت ماتعرف تنطقه


هذي اغلب الاشياء عنها وش افسر حالتها الله يصلحها تعبت منها ششششقيه حيل خاصه انها بكري ولاعندي غيرها وانا مااعرف في الامومه حيل