بصرآحة من زماااان وانا اقول بنزل تقرير رحلتي لماليزيا بس الشغل والبرزورة عاملين عمايل
حبيت اكتب عن سفرتي اللي ماكانت لا ع البال ولا ع الخاطر
ومن يوم ماتزوجت ماتسهلت لنا ولا سفره خارج المملكة والحمدلله على كل حال ويارب يكتبلي سفرة تانية لماليزيا برضو
<<<<<<<<<< ماشبعت منهااا ادعولي اسافر مره تانية
رحلتنا كانت مدتها اسبوعين وعدد البالغين 2 وطفلة 3 سنين تقريبا وكانت ع الخطوط الجوية السعودية
في البداية كنا حاجزين ع الاماراتية بس فيها ترانزيت وماكان في حجز ع الخطوط بعدين شيكنا مره تانية والحمدلله لقينا والحلو تقريبا نفس المبلغ وكمان انها مافيها ترانزيت بس وقفنا ساعة في الدمام وماخرجنا من الطياره لأنو في ركاب نزلوا وركاب دخلوا
خطتنا كانت يومين في صن واي لاقون 3 ايام في بينانق يومين في جينتينق و7ايام في كوالالمبور
بسم الله نبدأ وبليز يابنات اذكروا الله فكل شي (( اجعل لسانك رطبً بذكر الله ))
رحلتنا كانت 10الا ربع الليل من مطار جدة طبعن الحمدلله الاكل كان جيد وحسيت الوقت مر بسرعه وكنت جايبة لبنتي دفتر وألوان وبي اس بي عشان لاتطفش
وانا اخدت معايا الايبود وكنت اسمع قرآن وأناشيد وماحسينا بالووقت الحمدلله مدة الرحلة كانت 9 ساعات
هنا وقت الشروق بعد ماصلينا الفجر في الطيارة
بعد كدا فطرنااا واتفرجنا تي في وبنتي كانت نااايمة الحمدلله ماقروشتني وانا نمت بعد مافطررت الين ماقربنا نوووصل وشوياات الا ووصلنااا واااه شوفوا بس كيف الخضاااار والطبيعه مو احنا خخخخ
والحمدلله وصلنا بالسلامة
واول ماوصلنا اخدنا تاكسي وعلى طول رحنا صن واي لاقون لأنها مهي بعيدة مره من المطاار تقريبا 35 دقيقة
وهي عبارة عن فندقين وفي قسم خاص للفلل الصغيرة ومركز تسووق ومدينة العاب مااائية
والفندق اللي نزلنا فيه اسمو Sunway Lagoon Resort Hotel
وهادي صورة بسيطة للفندق اول ماتدخلي
يتبع ..
ودا السررير << احلفي هع
ودا الله يكررمكم الحماااام ماصورتو كلو << نسيت
الجهه المقابلة البانيو وكرسي الحمام وانتوا بكرامه ..
بكدا خلصت من صورة الرووم
اول ماوصلنا طبعن مهلوووكين وعلى طول صلينا وهاتك يانووووووم
صحينا على الليل ع الساعة 8 ونص ويادوب نلحق ناكل حاجة لأنهم يقفلووو بدررري ولبسنا وكل شي ونزلنا ع المول اللي جمبنا اسمو صن واي براميد
اكلنا من ماكدونالدز طبعن هوا احسن شي عندهم ولا الباقي مو مره وبيتزا هت كمان انا اقصد الفاست فوود اما كنتااكي ياااساتر بس وكمان معاه رز خخخخ
الله يعز النعمة
يتبع ..