مساؤكم وصباحكم ذكرى... لاتنسى
اهلااا بالصبايا اللى هوون
كيفكم شخباركم ان شاء الله طيبين
انا الحمدلله تمام >>> بلاهـ
اكيد بتقولون وش تحسين فية على ذا العنوان
يؤيؤيؤ تذكرت جدتي الله يرحمها ويرحم جداتكم وجدات المسلمين
يوم كنت اقعد اسولف معها و تحازيني وتلعبني
ياما لعبنا الغميضة واقولها دورج ي جدتي غمضي عيوناتك وهى مسكينة لاحول ولاقوة لها
وتبدا بالعد خخخ تذكرت ما كانت تعد 1 2 3 لا كانت دايم تقول
دلول من حلاها ضفايرها وراها جة الخطاب يخطبها وابوها ما عطاها
وحدة مستعجلة ع الزواج خخخواذا خلصت وانا بعدني ما لقيت مكان اقولها عيدي ي جدتي وتعيدين وكل مرة تقول غير
دلول من تمر ي احلى قمر يعزل بو حلاوة يبسط بو تمر خخخخ
ومن عقب الغميضة امسكها من ايدها وركض ع الديرفة اللى بالحوش
وانا اقعد وهى تدفني تدفني واطيــــــــــــــر
كنت موريتها نجوم الليل بعز النهار بس على قلبها عسل
ما كانت ترضى احد يزعلني ولة احد يهاوشني وين ما كانت تروح كنت وراها وراها
اجر بعباتيها وما اناام الا بحضنها اما احلى موقف كل ما تذكرة اضحك وانا كنت وقتها
دموعي اربع اربع يوم قضت اذوني ( ثقب)
كان حلقي بو خيط ابيض ولووووووول شخبارة حلق بو خيط تهئ تهئ تهئ كنت ابجي ما ابي ابيض
اصريت الا تحط لى خيط احمر وتنفدت اوامري ههآآآي >>> مجرمة
واذا صارت العصاري نقعد بالحوش تسولف علي وسوالفهم القديمة عن اعراسهم وعزايمهم
ولما تزين الله يا سلاااام عليها تطلع قمر بليلة بدر
تتكحل وتتبخر وتتزين بها الطيب
وهذى نفس الشغلات
اللى كانت تستخدمهم وتزين فيهم
اضغطي هنا لمشاهدة الصورة بحجمها الأصلي
هذا المشط ايام زمااااااااااان
وهذا الكريم لا ما يسمونة جيدى اممممممم دهن لشعربو وردة حمرة
وهذا الطيب والرش وماء الورد ومكحلتها وبخورها
يازين ريحتها تفوح حنة وزيت وحمرة الديرم نشوفها من بعيد
بلا عطر فرنسي بلا هم ترا لحين ما طاح سوقة ي بنات كلش موجود بس يبيلها فرفرة على ما تلقين طلبك
وهذا اللى ما تعرف شنو يعني ديرم
اما كلة كووم وها الرووج توووحفة كووم بصراحة اتعب واقول مبدع اللى اخترعة ياما
انطقيت بسبتة خخخخ والكذب خيبة امي كانت تجيبة
وهذى نفس تسريحة جدتي وجداتكم يا زينها والله رغم البساطة وقلة الحيلة الا انهم كانوا تهتمون
وعندهم من ادوات الزينة انواااع واشكال
اضغطي هنا لمشاهدة الصورة بحجمها الأصلي
>>>جدتي
لو أكتب أحساسي بالأشعار وأبديه ..!
فيك المشاعر كيف بس أخـتصرها ؟..
قدرك كبير ويعجز الشعر يوفيــه ..
كل القصايـد فيـك يبنبض بحرها ..
أرفع يديني وأســأل الله وأرجيه..
يغفر لك ويغمد روحك الجنة ...
الله يغفر لـ جدتي وجداتكم ويرحمهم ويسكنهم فسيح جنآته ..
حبيت شويات اعبر عن حبي وشوقي لها واذكر زمانهم الطيب رغم البساطة الا انة تفوح منة الطهارة والكرم والطيبة
اشكر أختي الغالية >> (المسافرة مشرفة منتديات الطبخ) على رحابة صدرها
وتصمينها الرائع
