ياهلا ويا مرحبا ,,
مرحبا بالجميع ..
اليوم مروقه وجالسه اكل بسكويت بالخضار قلت ليش ماانزل لكم موضوع
مادام هاللي يلق متوفر عند قلوووبه اكيد ماراح تبخل فيه علينا << تتمنى تصور مع المميز :icon33: << الا غصب تبغى قلوبه ترحمها
ولأجل أم تأبط << بعدي والله ولبنات الواحه << عادي قولي عشان هاللقلوقي(المميز)
المهم انا بقول لكم سالفة ايام ما كنت طايشه <<( الطيش مأخوذ من الرجه والخباله)
اللي يسمعني يقول هذي عاقله هههههههههه
المهم كنت امووت موووت اني اسوووق وهوايتي المفضله ولازم اذا طلعنا كشتات للثمامه اجلس ازن فوق رأس البابا الا يعطيني السياره << على بالي كفو الله يخلف على أميمتي بس
المهم وكان معنا ذاك اليوم جيب ومع الزنات تكفى يبه ياحبيلك
بس شوي ودي اسوق هاه عشاني ومع اللإلحاح وافق واقوم اناقز من الوناسه واصفق واطق رقبه
واطق اصبع <<<<<<< بسم الله علي وانقز بالمرتبه اللي قدام مسويه نفسي فاهمه المهم ونشغل السياره ومعي اخوي بجنبي وادوووووووووووووووووووس
ياما طرنا فوق رمث يا نطينا فوقه وانا ما تركت البنزين داعسه عليه ما تركته <= ماشافت خير خخخخخخخ
ومن الصراخ خذ وخل واخواني وراء يصفقون يعني انواع الرجه والاستهبال والمسجل مرفوع آخر شيء
حمامٍ جانا مسير ولا سلم عليا
حمام جانا مسير ولا سلم عليا
\
/
\
ومن هالرجه تقولون باص طقاقات ..
ونطلع فوق النفود على بالي أبطعس ههههههههه نازله وطالعه وأمر من عند ناس كاشتين ابي أغيضهم واطلع يدي واقولهم حرررررررره خخخخخخخخخ << طلعت فضايحها
ابقهر بناتهم وأمر من عندهم رايحه وجايه والفلف السياره يمين يسار <<<< اكيد عرفتوا الحركه
واطلع من وراء الناس كان وراهم نفود وجيت نازله عليهم وكان فيه بزران صغار يلعبون وجالسه أطنب يعني وخروا
ولكن مهما الواحد ضحك ومهما نسى نفسه وزاد كل شيء عن حده لازم يتندم الواحد على ما سوى في نفسه
يتبع,,
بس الحمدلله كانت بين الكفرين ونزلت ولا شفتها
وإخواني يصرخون على بالهم دعست البنيه وصرااااااااااااااخ وأهلها جو يركضووون صراخ <<<< مجرمه نمبر 1 :30:
انا انهبلت وإلتفت وراء لقيت أهلها يصرخون واللي تصيح واللي إغمى عليها .. بعدها فهمت ان فيه شيء صاير وتوقعت اني قتلت البنت ودعستها : (
جينا انا واخوي تبادلنا اماكن وجلس هو بمكاني وانا جلست بمكانه
خفت يجون ويلقوني انا اللي داعسه بنتهم << هذا اللي هامها
عاد تخيلوا شكلي مسجونه لا وحرمه تسوق وين حنا فيه ؟؟
آآآآآآآخر زمن !
جيت جلست وعيوني كذا اطالع الناس واحس دمي برد من داخل وعروقي نشفت واعصابي توقفت وشوي ويغمى علي
جاء ابوها وشالها ورأسها كان فيه دم
دوروووني ما تلقوووني (معقوووله ملوووحه تسوي كذا .. وش بتصير حياتي .. حسيت اني ذبحت طفلة بريئه وقدام عيوني .. شلون بعيش ؟
شلون بتهنأ .. شلون راح يصير مصيري .. ولا مصير اخوي لو اتهموه هو اللي دعسها وش راح يكون موقفي ؟؟
أسأله كثيره دارت برأسي وانواع الشهاق والصياح وانا جوى السياره )
جاء أخو البنت ماشاء الله يطمنا وان البنت ما فيها شيء طبعا" جاء لأخوي لأن انا جالسه بمكانه وهو جاء بمكاني يعني كأنه هو اللي صدمها << مسويه نفسي بريئه
وصار اللي بالبنت جرح بسيط برأسها من مكينة السياره اللي تحت .. طبعا لأن البنت كانت منسدحه ونزلت السياره وصارت بين الكفرين وهي رفعت رأسها وقطع رأسها حديد المكينه
المهم ماعدت السالفه على خير رأسها ينزف ومو راضي يوقف طبعا" كان مافيه بالمخيم الا حريم واولاد وما معهم سياره وابوهم مو موجود قالوا لازم انتم تشيلون البنت
وتودونها للمستشفى قلنا معليش بس بنروح لأهلي ونرجع لأن امي وابوي كانوا جالسين ينتظروننا
رحنا لمهم وكانوا قلقين علينا لأننا تأخرنا ما رجعنا وقلنا لهم السالفه انهبلوا ركبنا السياره علطول ورحنا لمهم انا من الخوووف رحنا بآآآخر السياره
وساكته طول الوقت << من الدجه
يتبع ,,
ولا وحده ترد علي مفهوووووووووووم !