:
:
:
سلامتكم بس فيني كحة شوي .. :dozey:
يالله حيّــــهم..
يالله ان لا تصبحهم الا بكل خير وصحة وعافية ..
أخباركم ؟؟ ووشلونكم مع ذا البرد؟؟
وأخبار الإمتحانات وهالحواقين؟؟
يابنات الحلال ان كانكم مثلي تجيبون العيد في كل امتحان وسعوا صدوركم ترى الدنيا فانيه وترى تاليتنا العلاقي الاخضر بالدرج >>اعرف احطم والله
المهم اني فيني مشاعر صرقعه مكبوتة ودجة غااائصه في أعماق نفسي الفاهيه لابد ان تظهر على ضفاف الحقيقة الجرادء امام أعينكم
^
^
حاولوا وكافحوا تفهمون ذا السطرين ترى انا نفسي مدري وشلون كتبتهن :icon20:
^
^
^
^
السطور القابعه اعلاة لاتمت للموضوع باي صله بس هي مقدمة بسيطه للموضوع>>>تسمعين بالمقدمات والله
بابربر لكم عن روما نجد واسمعوني لا بكف >>اسلوب 2006
وأول حاقة روما نجد للي يجهلها هي شقرااء وماجاورها "وشيقر " >>احلفي بقوة :biggrin:
~~نووووبذة عن روما نجد ~~
>>> +موسيقي تصويريه هع
هي إحدى مدن نجد الواقعه في نجد >>لاياشيخه
والتي تقع في المملكة العربية السعودية
يرطن سكانها بالغه العربية الام ولايخلو الامر من الاضافات والبهارات اللي حاست أم اللغه شأنها في ذلك شأن بقية المناطق في ربوع مملكتنا الحبيبة
مناخها حار أشهبن ألهبن صيفاً... بارد مزكم صرايم (على قولة الشقراويين ) شتاءً
تبعد عن العاصمة مسافة مدري كم كيلوا المهم انها ساعتين لاتدققون انتم عاد
ويحدها شمالا ...>>>هييييييييي يالعمة منب في حصة جغرافيا ترى
عالعموم وحرصاً على أنه لايكثر للإستزادة راجعي كتاب الجغرافيا للصف الخامس جيم صفحه 33 السطر الثالث
عاااد أقولكم حنّا في ثالث العيد شلينا شلايلنا وضفينا عفشنا وهجينا يم الديار اللي ذبحنا غلاها >>اللي ملت من كثر ماتقرا هالبيت تغمض موب لازم تشوفة :biggrin:
تصدقون عاد اننا بغينا نضيع فيذاك
ونسونا أهلنا في منطقة مجهولة وبغينا نصير طعام للأسود المتوحشة والذئاب الشقراوية >>ألحين شقراء فيها أسود يالمعفنهتوني مابعد بديت مير ذا قام ينافخ يقول ياكثر بربرتس خخخخخخ
وتونا جايين من بران ودنيا ومتدربين في هالنفود لييييين قلنا بس
الموهيييييم إن اختي وبعض من المبزره اللطيفين قاموا يحلطمون اللي يبي فشار واللي يبي بيبسي واللي يبي مدري وشو
قمت انا بافزع انا ووجهي قلت خلاص بروح اجيب لكم من البقاله بس عساها موب بعيده عن مكانا اللي حنا فيه
قالت بنت خالتي المدهره لا ابد قريبه والله.... ياله بس خل نروح وباروح معك >>قاطة :biggrin:
قلت ياله اجل مشينا >>مسويه زعيمه هع
وتشوفني امي باروح قالت تعالي ياعذيب خذي اختك معك وشوفي وش تبي
قلت ابشري
وآخذ ذا البزير معي انا وبنات خالاتي الأربع جوجو وسوسو وهوهو دربك دربك دربك >>هذا صوتنا وحنا نمشي >>حشى موب أوادم ذولي
والله ونمشي نمشي نمشي نمشي نمشي نمشي >>طيب متى بتخلصين :biggrin:
قلت لجوجو ماتلاحظين انها بعيده انتي وخشتك هذا اللي موب مبعدين !!
قالت لا لا خلاص شوي ونوصل >>>مسويه تدل هي كشرتها
والله ونوصل لبقالة الغفله وإلا مافيها الا هندي وشاب سعودي جاي يشتري ومعه بزرين مدري ثلاثه وحنا بسسسسسس :unhappy: >>قسم ارتعنا روعه الله لايعيدها :crap:
قلت بسرعه الله ياخذكم اخلصوا خذوا اللي تبون وانجزوا خلّ نحط رجولنا
وتقعد اختي الصغيره تشهوى بنت الحلال ابي حلاوة قطن ابي ذره ابي مدري وشو لين بغيت اصفقها بس مافيني حيل ركبي تصافق >>ليه بتصفقينها بركبك :biggrin: هع
واتلها واقول للهندي عطني لها فشار وببسي واتلفت والى البنات جحدوني وطلعوا ينتظرون عند الباب من الروعه هونوا ماعاد يبون شئ
واحاسب الهندي واحط رجلي الا خالتي تدق علينا
خالتي : عذيب جوجو معكم
أنا : ايه
خالتي : يعني ركبت معكم اكيد؟
أنا : وش ركبت معنا ؟؟ حنّا في البقالة الحين
خالتي : وجعن يوجعكم وش موديكم ؟؟ ترانا مشينا عنكم
انا : خير ان شاء الله وش مشيتوا وش ذا الجحده ؟؟
خالتي : ياله طيب بسرعه تعالوا اركبوا
انا : طيب خلاص لاتنافخين .. بعدين اصبروا لنا لاتمشون
ماخلصت السالفه دحدروا بعد لاهنتوووو