حمالة الاسى :

السلام على اغلى الصديقات نتمنى تكونو كلكم على الف خير وجمعة مباركة والله يجعل ربي يفرح الجميع وتكون هاد الساعة ساعة اجابة ياربي وانا حاسة قريب غادي نسمع اخبار زوينة وراه جروح دارت الفال الله يجعلو واقع وفال خير ليها وليكم وللجميع ياربي متفائلة اش اخبارك الحبيبةهاديك فكرة مزيتنة انك تكفلي بشي بيبي حيت واحد السيدة كنعرفها تزوجات وتطلقات بسباب الولاد وعاودات تزوجات وجلسات 13 عام ماجابش الله وهي تكفللات ولد وهي تخرج حاملة وغير ولدات حملات تاني وجاب ليها الله 2 بالاضافة لداك قدام الربح اللي ربما ربي كانت الحكمة ديالو فتاخير الحمل عليها انها تبنى داك اليتيم وفاش ربات عليه الكبدة جاب ليها الله من صلبها وهل جزاء الاحسان الا الاحسان الى كنت قادة تكفلي بشي بيبي هاديك احسن حاجة دديريها تنفعك دنيا واخيرة ان شاء الله وحتى انا امنيتي تكفل بشي بيبي فاش تسمح لي الضروف غادي نحقق هاد الامنية ان شاء الله لهلا يحرمنا غير توكلي على الله وديريها وربي غادي يجازيك باللي تمننيتي فقلبك انت وجميع الاخوات جروح ام هبة فافيتا وكل البنات كل واحدة باسمها غير القت ماكيسمحش ندكر كلشي مي كلشي في القلب انا توحشتكوم وديما معاكم بقلبي وعفلي ودعائي وخا نغيب في المنتدى الله يسهل امورنا وييسر حياتنا ويفرج همومنا

السلام على اغلى الصديقات نتمنى تكونو كلكم على الف خير وجمعة مباركة والله يجعل ربي يفرح الجميع...

جروح الوداع :

السلام عليكم ورحمة الله تعالى وبركاته اش خباركم البنات سمحولي ما ساليت باش نجاوب عليكم البارح حيث جاوني ضياف وكانو بايتين عندنا ويلاه مشاو من بعد العصر لمكة الله يسهل عليهم يا رب والبارح كنت مشغولة حيث ما كنت دايرة بحسابهم واصلا كنت كنخمل الكوزينة جاب الله بعدا كملت واحد الجهة منها وتعرفو مع العشاء والروينة ما سليت واليوم الجمعة الله يسهل على جميع يارب المهم اني درتها بيكم ودرت ليكم الفال ما تعرفو تصدق صح وتدخل اي وحدة منا وتفرحنا ان شاء الله بهاذ العواشر يارب غير حبيبة فطنت ليا ولكن غير انا ما حبكتها مزيان كون حتى هي درتها بيها هههههههههه المهم بدلنا شوية الجو وكسرنا الروتين لطيفة : غبور هاذا قلنا صافي نسيتونا الحمد لله الي طمنتينا عليك ازين والعفو اختي ما تشكريني الفضل كله لله عز وجل اما انا غير مجرد سبب ربي حطني في طريقك لا اقل ولا اكثر وانتي بذلتي الاسباب وربي استجاب دعائك ونصرك على من عاداك عيشي حياتك والله يكمل عليك بالخير واهم حاجة ديما حصني دارك وراجلك الزمان راح صعيب والله يكمل عليك بالخير نادية : اهلا اختي غبور هاذا كيف دايرة واش اخبارك الكتكوت الله يكمل عليكم بالخير يارب وما تنساونا ساعة ساعة طلو طمنونا عليكم واعطونا اخباركم الله يفرحنا اجمعين يارب واذا عندك اخبار على هدى طمنينا عليها وسلمي عليها راكيل : فين غابرة ازين بقاي دخلي وشاركينا والله يشفي زوجك يارب ويعوض صبركم خير انه على كل شئ قدير

السلام عليكم ورحمة الله تعالى وبركاته اش خباركم البنات سمحولي ما ساليت باش نجاوب عليكم البارح...

جروح الوداع :

فافيتا : ربي يخليك اختي على الدعوات والله يفرحنا اجمعين يارب في هاذ العواشر يارب شوفي اختي اول حاجة صلي صلاة استخارة والي ارتاح ليها قلبك ديريها ثاني حاجة اختي انا عارفة بان المجتمع ما كيرحم ابدا ومجالس النساء عندنا كيدخلو في كل صغيرة وكبيرة ابسط مثال واش مزال ما خدمتي !!واش مزال ما تخطبتي!! واش مزال ما غادي تتزوجي!! واش مزال ما حاملة !! واذا حملت في الشهور اولى من الزواج غادي يقولو لك مالك زربتي كون عشتي حياتك شوية !! اذا ولدتي غادي يقولو ليك واش مزال ما بغيتي تخاوي ولدك!! واذا تعطلتي غادي يقولو ليك رانك جلست بزااف على ولدك ولدي شي وليداتك محدك صغيرة!!! اما اذا ما حملتي وتعطلتي في الحمل فغادي يبداو اسئلة اش كتسناي مزااال!! واش مشيتي عندك طبيب !! واش راجلك دار تحليلة !!! شربي كذا !! سيري عند فلانة تمسد ليك!! سيري عند دارك طبيبة تيقولو مزيان !!! كيف الى اصلا الي متأخرة عن الحمل حاطة رجل على رجل ومربعة يديها تتسنى المجتمع يوريها اش دير الي بغيت نوصل ليه هو راه كيما ديري غادي توحلي حتى لو كان عندك اولاد ماغادي يرحموك من الاسئلة والنصائح الي ما كتنفع ما تعمري راسك بيكم راه كاين الي اكبر منا وباقي حتى ربي ما كتب ليهم الزواج عاد يفكرو بالحمل من ناحية اخرى انا تنشوف اما انك تنزلي في توقيت من بعد السابع او في نفس اليوم ديال السابع باش تتفادي الحضور اذا ما بغيتي وصراحة بالنسبة ليا يا فافيتا ماغادي تستافدي والو من النزول للطبيبة لانك غادي تمشي بحدك فاذا اصلا اعطاتك ادوية غالبا غادي تركز على تنشيط وانتي راجلك غادي يكون بعيد انا تنشوف تركزي هاذ الايام على تنظيم الدورة من غير منشطات وتاخذي حمض الفوليك وجلوكوفاج وتهتمي بالرياضة واكل الصحي باش ان شاء الله تنزلي في رمضان يكون عواشر وايام مباركة منها التواجد مع العائلة والوناسة غادي تخفف عليك الضغط النفسي وحتى اذا خذيتي علاج يكون على اقل راجلك حداك باش تكوني بدلتي الاسباب طبعا هاذي غير مجرد وجهة نظري ولكن تنرجع وتنقول استخيري ثم استخيري ثم استخيري والي ارتاح ليها قلبك توكلي على الله وديريها الله يكتب لك الي فيه الخير يارب ويفرحك في القريب العاجل

فافيتا : ربي يخليك اختي على الدعوات والله يفرحنا اجمعين يارب في هاذ العواشر يارب شوفي اختي اول...