المزيونة شكرا على المفاجئة رجعتيني لمرحلة الطفولة وتفكرت ملي كنت كنرجع من المدرسة طايرة باش نتفرج سالي كنت كنحماق عليها وحتى دابا ماشي بزاف تفرجتلا فواحد قناة ديال الاطفال حتى راجلي ملي كتبدا كيقولي وفاء بدات سالي ههههه إوا الله يعطينا العقل وصافي ويرزقنا ربي بالعيال باش نتلهاو ومايبقاشي عندنا الوقت حتى نمشطوا راسنا
سلامي لكن أخواتي الله يفرجا علينا يارب ويفرحنا برؤية وليداتنا في القريب العاجل
ربي لاتدرني فردا وانت خير الوارثين

السلام عليكم البنات كاملين نتمناكم تكونو على خير
بالنسبة لولدي الحمد لله على خير كيبوسكوم كلكم وكيدعي ليكم تفرحو بوليدات بحالو باش يديرو تجمع ديالهم ههههههه ان شاء الله
اما عن حياتي للي سولات عليها متفائلة الحمد لليه من قبل ومن بعد تغيرات ضروري وعمرات علي مايكون عندكوم ياربي ولكن ما نكدبش عليكم راك عارفة واحد لوستي حسبي الله ونعم الوكيل فيها منغصة علي فرحتي وعلى اخوها حيت هي مطلقة ب2 وليدات اللهم لا شماتة ابوها هازهزم مننين كان الصغير عندو 4 شهور وهي فارضة راسها بطريقة مبالغ فيها على دارهوم كلشي ديالها وامها بحال شي خدامة ديالها كتعطيها الاوامر وهي السمع والطاعة تصورو الى ما دارت ليها الحوايج ديالها وديال ولادها في المصبنة وصبنات ونشرات وطواتهوم ماتصبن هي وخا تسافر امها تجمعهوم ليها حتتى تجي والاب مايقدرش يخسر ليها الخاطر حيت مطلقة ماخصش شي حاجة تخسر ليها الخاطر وهادشي كللو على حسابي انا واخوها ماخصناش نكونو متفاهمين كيما قلتي باش هي متغيرش وحنا صابرين والمشكل دابا انه منين ولدت هزات السم حتى مع ولدي خافتو ياخد بلاصت ولادها وانا والله مسالمة وما قادة على هم تصورو ولدي من نهار السبوع ماشفت ولدي ولا باستو وغير كتشوفنا دخل بيتها وتسد حتى نهبط لداري انا بغيت ولدي يكبر مع جددو وجداه ديما كندديه ليهم ولكن المشكل ان ولديها الله يسامحهم سمحو فولدي باش يرضيوها عمرهوم شراو ليه حتى سليب ههههههههههه وفي سبوع ولدي دارت لينا الدراما وجلسات تبكي وشوهاتني مع احبابي كنت خازنة عليهم وخلقات المشاكل مع اخوها الوحيد ونغسات عليه سبوع ولدو للي تسناه 4 سنين انا ما كان فراسي والو حتى داز السبوع حيت ماما حزراتهم ما يكسروش في النفاس مي كسراتو في المهم من تما قطعات معايا الهضرة رغم انني ماعندي دخل وعرفت انها ركبها الشيطان وهززات شوكتها باش تحرر علينا وانا بطبعي ماكنبغيش داك قطيع الكلام كيمرضني ونجحات فعلا في هدفها حرماتني من فرحتي وحرشات وامها وامها بدورها حرششات راجلها للي مايقدش يقولها لا سبحان الله عندو منصب كبير فالدوله كيحكم بزاف ديال البشر وفالدار كيوللي كي الميت قدام غسالو الصمت اللمط كتعيرو وهو كيحدر الرراس ويسكت والمشكل الكبير انهم حتى هما معاها فالضلم ولدي ماكيشوفوه غير بالصدفة وقليل فاش كتجي جداه تبوسوخزنة عليها رغم انهم كانو طايرين بيه فاش كنت فالمصحة الفرحة كانت كتشع من عينهم ولكن دابا اللوسة حكمات وهما كينفدو وكتييييييييير ما نعاود على ضلمهوم لي ولولدهوم ولكن بلا مانمرض قلوبكوم ودابا قالت العجوزة نعزلو عليهم باش بنتها ترتاح وقبل مانولد عشت معاهم 4 سنين عاد جاهم العزيل حتى ولدت انا كنت رافضاه غير باش مانحرمهومش من ولدهوم ودابا هما للي بغاو ماعندي ماندير وراجلي عصبي مفقوص على اختو ديما انا في الرعب ولا يفوت فيها شي دقا ديما تابعاه وحاضياه ايوا احبيبة كندير نفرح الله يشد الحق والحمد لله رغم هادشي وديما انا كنمضغ في الهضرة وكنرد لقلبي الحمد لله كنشوف في ولدي وكيضحك معايا صافي الدنيا كنحس بها ضحكات وكنتناسا شوي مايكون عندكوم ياربي في اقرب وقت وكنتسني الوقت للي يجيو احبابي من الخارج نمشي نفوج خصوصا ان علاقتي مع زوجات اخواني زوينة كيموتو علي وكنموت عليهم الحمد لله عشت معاهم قبل الزواج وخلليت في قلوبهوم غير المحبة والاحسان والخير ولله الحمد ماش بحال هاد اللويسات ديالي الله يهديهم وصافي ايوا حرركتي المزيودة ا حبيبة هادشي للي بغيتي انا تكببيت مابغيت نسكت سمحت حتى فغدايا باش نفش قلبي هههههههههههههههه حيت ما كنشكيش لحبابي باش ما نمرضش قلوبوم غير واحد اختي ومرت اخويا صاااااااااافي قولولي لهلا يزيد اكترهههههههههههههههه ودابا قلت ليكم واحد السطر من مشاكلي كنت نتسسسسسسنا نولد ونسا كاع الهم ودابا خرجات لي هاد السيدة فعودي لا حول ولا قوة الا باللله وهادا هو الانسان بطبعو ما كيرتاحش ديما حياتو مد وجزر والحمد لله على نعمه التي لا تعد ولا تحصى ايوا هادشي اللي كين وانت امتفائلة اكتر واحدة غادي تحس بي حيتعايشة تقريبا بحال الوضع ديالي خاصاك غير لوسة مطلقة الله ينجيك منها ههههههههههههههههه
جروح شتي اختك وجه الهم من هادي لهادي هههههههههههههه وبخصوص دخلاتي هنا لراه غير الوقت مامساعدانيش انا كن لقيت ما نتفارقش معاكم غير الوقت كل واحد فين دداتو ولكن كيما قلت ليكم ديما كنسول لطيفة عليكم فالتليفون وديما في البال الله يجعل ربي يفرحكوم فها د العواشر
فافيتا احبيبة شربي كليكوفاج حتى بالسنين ماتخافيش راه مفيدة فالتكيس انا راه في التكيس اخديتها فعامي التاني ديال الزواج لمدة سنة بلا فايدة ولكن بززاف ديال الناس فادتهوم خديها وخدي المنشطات بنضام واهم شئ الدعوات والاستغفار والله يوفق وباش نحفزك انا راه حملت بالتكيس شديد وبالسمنة وبعدم انتضام الهرمونات لان قدرة الله فوق كل شئ دواك هو الدعاء والاستغفار والرقية
لطيفة الزين ديالي راه انت ماكنش فيك التكيس راه فيك غير اكياس حيدتيهم بالعملية اما التكيس راه ماكيتحيدش يقدر يتكوى ولكن هو اصعب من الاكياس حيت كيلازم المريض الا بامر الله وانا راه بفضل الله حملت به والله يشفي منو كل مريض وينجيك منو

شوفو البنات راه قريت واحد الموضوع واحد السيدة تشافات من التكيس وكسل الغدة وعدم انتضام الدورة غير بالقسط البحري خداتو شهرين وتشافات من كلشي وبززاف ديال الناس حملو بيه توكلو على الله وخدوه معلقة صباح ومعلقة بالليل انا نسالي الرضاعة نبداه حيت باقي في التكيس

حمالت السى راه سبحان الله حتى واحد ما هاني ماشي غير نتي وكلا منين جاتو
الحمد لله ربي رزقك بنور حياتك هاداك هو المهم ومن الاحسن متبقايش ساكنة معاهم وتعزلي يمكن البعاد يحنن قلب جداه فيه

نورس احبيبة راه المشكل ان جداه انا حاسة بها كتموت عليه ولكن ما كتخخافش الله وتعدل بين ولادها سبحان الله ما كتعدلش بين ولادها وكدلك بين احفادها رغم ان ولد بنتها كيشوفها يبدل الطريق هي غير تابعاه وتحزرو ولدي مسكين غير ملاك كيوزع في الابتسامات ما عاطياهش حقو هادشي انا موترني في حياتي حيت انا عمري شفت هاد المنكر كنت ديما كنشوف ماما كتنوض ولاد خوتي من النعاس كتقولهوم فيقو توحشتكوم وهادي كتربي فولد الناس وسامحة فللي هاز اسم العائلة هادشي ماشي مهم انا طالبة غير التعادل صافي
ايوا راك عارفة للي كاين الله يفرحك اختي ويسهل امرك انت والبنات كاملين