جروح الوداع :

اهلا اختي راكيل اول حاجة كنشكرك على ثقة ديالك فيا والاهتمام بردي ويارب نقدر نفيدك اولا كون تشوفيني كي قريت الرد ديالها شهقت من الصدمة :ohmy: الله يحفظك اختي ما تاخذي الكينة الله يطول بعمرك انا صح اختي ماشي طبيبة وماعندي حق باش نطلب منك تديري عكس ما قالت لك طبيبة غير كيما تيقول المثل سول المجرب ما تسول طبيب شوفي اختي ما كاين حتى طبيب في الدنيا توصف للمراة حبوب منع الحمل من بعد الاجهاض مباشرة الكل تيقول لك خوذي المانع من بعد ما تجيك الدورة الي بعد الاجهاض ويمكن تستمري على مانع الطبيعي العزل ولكن بدون حبوب المانع للمراة العادية كيسبب مضاعفات وثار جانبية فما بالك هي اعطاتك حبوب ستيديريل وهي معروفة مجهدة وقوية وسولي اي واحد جربها اصلا اغلب اطباء كيوصفوها فقط ملي تيكون المراة عندها مشاكل بحال النزيف او عندها اكياس وهي مزيانة لحالات تكيس مبايض لانها قوية وانتي يا اختي حمد لله ماعندك حتى مشكل علاش تعطيك حبوب منع حمل ؟؟؟؟ نفترضو ان المبايض ديالك فيها اكياس اكيد غادي تكون نزلت مع الاجهاض واذا ما نزلت غادي يكون الحجم ديالها تقلص وغادي تنزل بالدورة القادمة !!!!!!! الهدرة الي قالت لك الرحم ترخى هاذي هدرة غير علمية ومافهمت هي كيفاش داير تشخيص ديالها اولا الرحم دابا ماشي مرخي رحم ضعيف لان بطانة الرحم ضعيفة واكيد نزلت مع بقايا الجنين وشئ طبيعي تكون ضعيفة وتدريجيا البطانة ترجع لطبيعتها مع الدورة القادمة واذا هي فعلا باغية تقوي بطانة الرحم عندك خاصها تعطيك هرمونات تعويضية تشربيها في النص الثاني للدورة لان حبوب منع الحمل غادي دير لك لخبطة في الهرمونات صح غادي تجيك الدورة من بعدها ولكن من بعد الدورة غادي تعذبك هرمونات حتى تستقر لطبيعتها وانتي ماعندك مشاكل فلا داعي دخلي راسك لمشاكل انتي في غنى عنها انا تنصحك ما تاخذيها وخوذي دوفاستون في اليوم 16 للدورة زوج كينات في النهار لمدة 10 ايام وملي تقطعيه كاقصى حد اسبوع تجيك الدورة وبهاذ طريقة تكوني قويتي بطانة الرحم والرحم ارجع لطبيعة ديالها وانتي تهلاي في راسك وما تهزي ثقيل باش ما تنزل لك الوالدة واذا لقيتي شي مرة كتداوي النساء خليها تمسد لك في الدورة القادمة الوالدة باش ترجعها لبلاصتها وحاجة اخيرة بما ان هاذ الطبيبة ديالك مابانش ليا فيها جاوبيني اختي واش اعطاتك مضادات حيوية وادوية من بعد الاجهاض او لا ؟؟؟ لان لازم تكون عطاتك باش ما يحصل لك التهابات او فطريات بالرحم الله ينجيك سمحيلي طولت عليك غير والله ما بغيت لك غير الخير وانتي استخيري وربي يكمل عليك بالخير

اهلا اختي راكيل اول حاجة كنشكرك على ثقة ديالك فيا والاهتمام بردي ويارب نقدر نفيدك اولا كون...