فراشة معلم ولدي ماحدد نهائيا اي كلمة باقي ما وصلوا بس نبهه لاحد يبدا بتعليم الطفل كتابة الحروف والكلمات قبل لا ابدا عشان اعلم الطفل طريقة الكتابة الصحيحة لكن بدات معاه كل الكلمات اللي قدر يحفظ شكلها ويقرائها امليه ويكتبها عن ظهر قلب املاء وعارفة انو في شيء خطا ما ركزت في التشكيل واحيانا يبدا كتابة الحرف غلط لكن عشان يدرك طفلي كل اللي تتعلمه من كلمات للقراءة يعني تقرا وتكتب موب مهارة وحدة عرفتي اش لون

مساكم رضى وسرور
ورحمه من رب منان كريم
حبوبات ممكن مساعده ولدى الله يهديه كثير الحركه
واستاذ لغتى كثير متضايق منه
وحاطه فى باله ...اليوم يقول ماما كونت اخرج اشياء من الشنطه والاستاذ يكتب على السبوره
وجاء ومسكنى من يدى ووجعنى ...
وصحح اوراق الاولد كلهم غير انا ...
وشاف كتابهم وهو ببالعاده ينادى واحد واحد ويشوف كتابه ويصحح له ..وولدى اليوم جاء كتابه مو مصحح
فسالته قال هو ما نداءنى وانا ما روحت له خوفت يضربنى
واصلا ياماما هو ما يحبنى ...ويقول بنقل مدرسه تانيه
وانا اصلا مدخلة مدرسه اهليه عشان ولدى حركته كثير وبرضوه حساس
واقول المدارس الاهليه يدلعونهم شوى
ما ادرى اش اسوى لاستاذ مره مقهوره منه
واكيد الاطفال لازم حركتهم كثيره ولازم نصبر عليهم
وولدى شاطر بسم الله عليه ...يعرف يقراء ويكتب املاء غيب اى كلمه مو لازم من اللى اعطاهم
وبرضوه يقراء اى جمله ...لانه مأسس تمام فى التمهيدى ..وحافط قران جزاء ..ما شاء الله
يعنى الحمد الله ما تعبنى ولا تعب استاذه التانين ..وولدى شوى عنده مخارج الحروف خطاء
والباقى الحمد الله

مساء الخيرات
كيفكم يابنات ..؟
معليش اليومين مغلبني النت بطئ مرره الله اعلم ايش السبب من المنتدى والا من الشبكه اللي عندي ..
الماهرات .. انا مستغربه كثير من ردك , فين مااشوف البنات تعدوا بنقاشات خارجه عن موضوع الدراسه ولا يقولوا قصة حياتهم الا فيما يخص اولادنا واحنا جالسين نتعلم من خبرات وتجارب البنات .
مستحيل تلاقي ملف مثالي يتكلم بس بالجديه وبالنقاش الجاد , وانتي قلتي غبتي يومين يعني معروفه حتلاقي ردود كثيره وصفحات اكثر ومع ذلك اشوفها نقاشات واسئله مش خارجه عن الموضوع .. والملف شعله من النشاط ماشاء الله لاقوة الا بالله ..
واذا قصدتي كلامي مع فيفي بخصوص سلفتي وجارتها فهو رد جاء بوقته وانتهى من وقته ماطولنا الكلام فيه ..
وانا كمان تعبت وانا اقرا في الردود بس ماتدخلت في ردود البنات وماراح اتحكم في كل وحده واقلها لاتتكلمين الا فيما يخص الملف فقط مع اني ماشفت شي غريب وخارج عن الموضوع .
معليش على ردي هذا بس وجهة نظر ارجوا تتقبليها بسعة صدر ...

امس المعلم طلب من ولدي دفتر << واخيرا حسيت بالجديه
بس كتب له حرف الميم والباء وولدي غلبني الين ماخلصها وبعد ضرب ومضارب ومساعده مني خلصنا الواجب ولدي مو طايق الضمه مرره مو نازله له من زور مثلت له ان هذي حرف الواو بس هذي بنتها مسكينه ومن هالكلام ومره مو راضي فيها فقلت له خلاص انا بكتب الحركات وانت الحروف ووافق بالعنا يقول انتي اكتبيها كلها .ومو عارف يكتب عالسطر لازم ينزل شوي الا بعدما انقط له عالسطر يعرف بس اخاف اضره اكثر .
انا نفسي افهم ليش ينطوا على حرف الميم والباء ليش مايبداوا زي المسلمين من حرف الالف انقهرررت صراحه .
هذا شي ..؟
والشي الثاني اليوم جاني ولد عمه ويقول انو المعلم يشتكي من شقاوته وانو مشاغب ويضرب الاولاد في الفصل لمن واجهته يقلي هم يضربوني وانا ماالعب الا لمن يخرج المعلم وكلهم كذا .
بنات كيف اخلي ولدي يقول لي عن كل صغيره وكبيره في الفصل لمن اساله مايكثر معايه نقاش بس بحدود السؤال واحس انو يكذب بعد .. كيف ابعده عن الكذب حولت معه بالطيب بالتخويف بالتحذير مانفع تخيلوا لمن نطلع برى البيت وكلما شاف شي غريب ووده ياخذه معاه يقول الاستاذ جيبوا زي كذا واحنا عارفين انه كذب بس كيف انسيه هالصفه ..؟!!
انا اشوف ماشاء الله لاقوة الابالله هنا بالملف وخارج الملف في مجتمعي ان اولادهم يحون لهم كل صغيره وكبيره في اللي يصير في المدرسه بس ولدي لو صار وحكى لن مانصدقه لانه يكذب تكفون ساعدوني اتخلص من هالصفه اللي مسوية لي هم مو طبيعي .

ندوشي ماشاء الله لاقوة الا بالله ..
صيدلانيه فكرة البطايق عجبتني حيل مشكوره يالغلا ..



بنات قصدكم ان كل وحده عندها روابط مفيده عن اي مااده تنزلها ..؟؟

وبالنسبه للتوقيع الازرق للاولاد والوردي للبنات والكل يحطه عادي ..؟؟!!!!!