السلام عليكم ورحمة الله وبركاته
بداية أنا عندي ولد اول ابتدائي تحفيظ قران مدرسه المجد مادرسته تمهيدي وكان متحمس بالمره للمدرسه من العام الماضي متى ادرس خرم راسي بالدراسه بس يوم جا الجد صارت علوم الاسبوع الاول المدرسه طلبت الآباء يحضرون مع أطفالهم ويجلسون معهم الى وقت الانصراف بس الاسبوع هذا السبت والأحد سوا الهوايل
يطلع الباص يتسحب
يبكي ويستفرغ كذا مره في المدرسه
يقول يابابا تعال المدرسه بكره خذ لي اجازه أنا ماودي اروح المدرسه خلاص
ويقول تراني ما احس باي متعه في المدرسه
والأولاد يضحكون علي اذا بكيت
وايضا أنا ما احب وقت الفسحه
ويرجع بالسندويشات علما أني أحط له معاها خيار وكيك وعصير وما يشتري اي شي ويوم قلته ليش ما شريت اي شي من المقصف قال شريت مويه وبس لأني مااحس باي متعه
علما انه ما شاء الله تبارك الله ممتاز وذكي وعارف كل شي أنا علمته الحروف والأرقام ويقرا كويس ويعرف يكتب بس ماني عارفه كيف اخليه يندمج وتصير اموره تمام بدون ما يتعقد من المدرسه
السلام عليكم ورحمة الله وبركاته
بداية أنا عندي ولد اول ابتدائي تحفيظ قران مدرسه المجد مادرسته...
اتصلي فيهم بكره والا روحي لهم وخذي الكتب عشان تلحق معاهم