صيدلانية سنفورة :

اذا هو هادي زيادة .. خلي والده يكلم الاستاذ اجمالا .. الأسابيع الأولى صعب الحكم فيها لكن المدرس يحاول يتعرف على مستوى الطلاب لو عددهم كبير بيكون نصيب ابنك يمكن مرة في الحصة الماهرات ... من كلامك حسبتها مدرسة حكومية الافضل ما تتركي لبنتك هذا النوع من المشاكل تحلها .. لأنهم بيستفردوا فيها الاحسن تروحي وتشوفي الموضوع .. او على الاقل بالتليفون حتى يعرفوا انكم مهتمين مو زي كلامهم ما تهاوشيهم لأنهم بيدافعوا عن نفسهم وما راح يعترفوا بالخطأ وممكن فعلا وزعوا الكتب وحد أخذ الكتب بالغلط صارت مع بنت اختي كتاب الانجليزي اسابيع مختفي والمدرسة تقول هذا اهمالكم وفي النهاية لقوه مع بنت .. عاد لما صحيت امها واكتشفت وردته .. !!!! وصار مع ولدي لقيت كتاب صاحبه بالغلط لكن الحمد لله شفته على طول كمان ما في دليل انهم ما سلموها بالعكس كل البنات معهم فالأفضل تروحيلهم بهدوء وتتفاهمي معهم لأن الكتب تكون محدودة بالعدد وان شاء الله تتسهل .. تحاول تأثر عليك وتستدر عطفك ... قوليلها حتى انا احبك واحب اشوفك شاطرة بالمدرسة عشان تعرفي تقرئي لماما قصة .. من هالكلام وكثري البهارات بنتي لسى ما داومت .. لكن ابني يعطوه خطة اسبوعية فيها كل مادة الدروس والواجبات أظن هذا اللي يقصده المدرس

اذا هو هادي زيادة .. خلي والده يكلم الاستاذ اجمالا .. الأسابيع الأولى صعب الحكم فيها لكن المدرس...

بثـينة :

ولدي البجر دش صف أول هالسنه الله يحفظه و يوفقه يا رب .. طبعا نحن في مدارسنا يكرفووووون الأم قبل الطفل ... عطوهم الأسبوع اللي طاف الكتب و نصيبه كان 16 كتاب ☻ >> ما أدري في الثانويه جم كتاب بيعطونهم اذا أول جي >< مسكين راجع و ظهره منكسر و قلت له حبيبي مره ثانيه لا تشيل الشنطه على ظهرك افتح الجاري ( التواير ) و اسحبها .. و طبعا يااااااا الله جلدوا الكتب و اعتفسي يا أم و باقي الأسبوع كان مجرد لعب و مسابقات و تعريف بالمعلمات و المدرسه والنظام فيها و مرافقها و يتعرفون على بعض وعلى المناهج اللي بيدرسونها .. وهالأسبوع بدا الجد .. دراسه في دراسه و طبعا لا تخلو الدراسه من ملفات انجاز و أوراق عمل و خرابيط وكلها الأم اللي بتسويها ما أدري شو الحكمه منها اذا الطالب ما يفهم في هالسالفه ولا يدري شي عن الملف ولا يعرف يسوي ملف أصلا فليش يكرفون الأم !!!!!! بس القهر انه تقييم الطالب يعتمد على هالملف و ان شاء الله من باجر ببدا أنجز في الملف بس بسير أول أدور لي على ملف فيه فواصل علشان الأقسام اللي بيدرسونها في كل وحده ☻ وهاي بعض تجهيزات ولدي للمدرسه ..

ولدي البجر دش صف أول هالسنه الله يحفظه و يوفقه يا رب .. طبعا نحن في مدارسنا يكرفووووون الأم قبل...