ღ.¸¸. مميز حلى بروفيترول فرنسي 100% من أبداعات الشيف مرايم سلمت أناملها.¸¸.ღ

بنات حواء كيفكم

عجبني حلى طير عقلي من حلاته يشرفك عند ضيوفك من ناحية الطعم والشكل طريقته سهله






جربته ومشكلتي ما صورته لكم بس بنزل لكم اللي عملته وسوته وبأبداعهااا المتألق أعجبني

وأتشكرهااا كثير لانه فعلا حلى يشرف شكرا لك يالشيف مرايم

بس أتمنى حاجه وحده بس انه هالموضوع ما ينحذف او يتقفل علشان منقول بس انا حبيت

انزله علشان حبيباتي بنات عالم حواء وما نزلته الا لما ذكرت مصدره علشان ابري ذمتي

وكمان علشان البنات يستفيدوااا أكثر مثل ما أستفدت من الشيف مرايم

وراح أحط لكم مثل ما قالت بالضبط واللي كتبته علشان تآخذواا معلومات أكثر عن الحلى

نبدأ
بداية الفعالية احترت احترت احترت من قلبي ايش اختار طبق ؟؟!


و كان صعب علي اختار الوصفات ,, بسبب تنوعها ..


حتى فكرت اسوي تصويت بكم طبق احب اسويهم و اوزعهم على ملفات البنات خخخ ..


وبعدين فكرت وفكرت ورسيت على وصفة اهلي يحبونها مووت

غير ان صعب تحصلونها في المنتديات العربيه ,,
سويت Search بقوقل وما حصلت شي وقلت الحمدلله ..


حتى في المواقع الاجنبيه ما قد شفت شرح يبرد القلب ..


انزين بما انه الدقيق خلصت فوايده خخخ فانا ابي احكي لكم قصتي مع هالسويت ..



اول شي تراه سويت اصولة فرنسية >> تحب الفرنسيين


تعود الوصفة للقرن ال16 عشر ,, لكن محد متاكد من هالمعلومه .
حتى الاسم مش عارفين ايش معناه بالضبط ...!
لكن يقولون انه هالسويت اخترع لملك من ملوك فرنسا خصيصا وكان ما ياكله الا الامراء ..



...............................................


انا هالوصفه دوختني السبع دوخات

جربتها وانا خبرتي كانت قليله بالمطبخ


وما حصلت اي حد يدلني باي معلومه //


اول شي جربت وصفة من كتاب انجليزي ..
خرااابيط طلعت مب حلوة ونااعمه بزياده وما انتفخت عدل واول ما طلعتها من الفرن فششششت

تحبطت احباط الله لا يوريكم , وتركتها فحالها لما رحنا مرة مطعم فدبي مول وكليتها هناك وجاتني
غيره حميده هههه وقلت يا انا يا هالوصفه


وشريت كتاب ثاني انا اثق بالكاتبه ووصفاتها تظبط ..


وقلت بشتري كل الادوات وشريت الصحن , والبايبنج باق , وقريييت واااايد
وخذيت من كل مكان نصيحه وجمعتها كلها بالوصفة وظبطت ,,


عشان كيذا هالوصفة مكانها المناسب هالفعاليه .. حبيت اقدم لكم اكثر وصفة تعبتني ودوختني ..
واسردها لكم بالتفصيل الاكثر من ممل , حتى كل بنت مبتداه وحابة تسوي البروفترول ما تتعب مثلي ..


,’


سويت حلو , وراقي , ومدهش بحشواته ينفع { للعزايم والبوفيهات ...
ويعطيج فرصة تبدعين بالحشوات والتوبينج

ممكن تكون يا سويت يا {مالح } تكون بحشوة دجاج بالكاري مثلا
او البصل المكرمل Caramelized Onion مع جبن فيتا يا سلااااام

بس لظيق الوقت اخترت السويت //



يا الله نبدا الجد ..




حتى ما تتشتتون قسمت الوصفه لعدة اقسام :


1- Choux Pastry // عجينة البرفترول


2- Filling // الحشوات


3- Profiterol Tour // برج البرفترول


4- Caramel Hair + Sauce // صوص وخيوط الكراميل


5- Toasted Hazelnuts // البندق المحمص


.....



بكون صريحه معاكم مو سهلة تظبطين العجينه ,, جربتها بفرن غاز وما ضبطت ,
يمكن فرنا ما يوزع الحراره عدل .. ؟؟


سويتها بفرن كهربه ظبطت بسهوله ,, بس يبي لج تتحكمين بالوقت ..



.....................................



مقادير العجينه // Choux Pastry
(100 حبة تقريبا









* 10 بيضات

* كوبين ونص طحين ابيض

*كوبين ونص ماي
*200 غرام زبده غير مملحه






ملاحظة : اذا تبين تسوين 10 حبات تقريبا

اقسمي المقادير على 10





( بيظة + ربع كوب طحين + ربع كوب ماي + 20 غرام زبده )



.......



step 1: نسخن الفرن على حراره 220 c



step 2 : في جدر عميق غير قابل للالتصاق , نظيف الماي مع الزبده على نار متوسطة







step 3 : لما يغلي الماي غليه خفيفه نظيف الطحين كله و نحرك بملعقه خشبيه لين تتكور
العجينه و تفك عن اطراف الجدر .. ما ياخذ وقت مجرد 3 دقايق






step 4 : ننقل العجينه صحن الكيك ,, ونخلطة شوي بالخلاط الكهربائي .. ونظيف البيض بالتدريج

وحده ورى الثانية ,, ونخلط لين تختفي الاولى ونظيف اللي بعدها ..










هالصورة وانا توني ما حطيت الا نص كمية البيض


يتبع