اللهم اقضى لمن احب فيك اربعا
لا يتسع لها الا كرمك :
سلامة يقوى بها على طاعتك
وعبادة يستحق بها مثوبتك
وسعة رزق تكفيه بها عن خلقك
وبسطة في العمر يزيد بها في عمل الخيرات
:27:
صباح الخير
ومساء الخير
وأيام وليال الخير
وحياة كلها خير
لأغلا أخوات وأحب صاحبات وأصدق صديقات من المشرق الإسلامي إلى المغرب الإسلامي
:27:
فطووم :
كيف حالك يالغالية والله يعطيك الصحة والعافيه حبيبتي
الإكسسوار سويته بالليل وأعطته أبلتها الصباح ماجاء على بالي أصوره
ام ذكرى :
الحمدلله أولادك بخير وننتظر إنجازاتك يالغلا
شمووسه :
أعانكم الله ياحبيبتي وإن شاء الله ترجع الأمور تهدأ وتنعمون بالأمن
والله وحشتينا ووحشنا نشاطك ماشاء الله عليك
اليوم :
من الصباح نجهز للرحله
راح تكون العصر
اشتريت صحنين بقلاوه
وسويت بليلة أهل الحجاز ( بليلة بللوك وبالخل خللوك )
وإن شاء الله بكره لفضيت أنزلكم الصور
طبعا أخواتي كل وحده عليها شيء
والعشاء راح يكون ذبيحه مندي
وسلامتكم يالغاليات
ولنا لقاء بإذن الله
:27:
فطووم :
سلميلي على أخواتك الصبايا وعلى الوالده
:)
اللهم اقضى لمن احب فيك اربعا
لا يتسع لها الا كرمك :
سلامة يقوى بها على طاعتك
وعبادة يستحق بها...
وشكلك ياثمار زهقانه تري مالنا غير ملفنا يتحملنا مااكثر ماعلينا من اعباء يالموظفات دوام وبيت ومذاكرة عيال فهذا اللي يخلي الملف شوي نايم ... انا اليومين هذي متفرغة علشان عندي اجازة والا اذا رجعت للدوام ماتشوفين الا غباري :). لا تصدقين امزح معاك والله انكم اغلى اخوات يارب يسعدكم ويهنيكم جميع .....
الا وين فطوم والله لها وحشة يارب المانع خير ويطمنا عليها ...
ووين ريم الفلا والملكة الناعمة سلامات ياهوه ترا بنفذ تهديدنا انا وثمار ....
اهلين بشموخ الغاليه منورة الملف والله ........ حياك الله بين اخواتك حبيبتي انا مو معلمة انا بشتغل في وزارة الصحة ودوامنا من 7،30 الصباح الى 4،30 العصر مااوصل بيتي الا وانا منحولة وناسية عنوان بيتي بس ربنا يسهلها انا قدمت تقاعد ابغى ارتاح خلاص تعبت وجالس زوجي يجري لي في المعامله ....
شموسة حبيبتي وحشتينا والله يارب يسهل لكم امركم يارب ويولي عليكم من يخاف الله فيكم ويحسن احوالكم واحوالنا اللهم امين يارب.....
بالنسبة ليومياتي مع اذان الفجر صحيت صليت وصحيت بناتي صلوا وجهزتهم للمدارس وفطرتهم وراحوا المدرسة كنست البيت ومسحت الارضيات وهي اصلا نظيفة من امس بس لان يوم الاربعاء اللي فات جانا غبار شديد واحس البيت يبغى له تمسيح يوميا لان لسه بيطلع شوي غبار ... وبعدها نظفت المطبخ ومافيه شغل كثير وعجنت عجينه فطاير على مزاجي وسويت منها تميس بعضها طلع تمام وبعضها لا بس طلعت لذيذة وعملت عدس وحطيت جبن كاسات مع التميس وسويت شاي وفطرنا انا وزوجي وبنتي وولدي وبعدها دخلت على غرفة بناتي وتنظيف سحبت سررهم وكنست تحتها ومسحت الارضيه.وغيرت مفارش سررهم وغسلت القديمة ماخلصت الا الظهر وانا منتهيه من التعب وماسويت غدا كان فيه بواقي بالثلاجة سخنتها لهم على الغدا ونمت بعدها حتى صلاة العصر صليت ولبست وجهزت القهوة والشاي كان بيجيني ضيوف وراحوا من عندي العشا عشيت عيالي وناموا وجلست انظف البيت واشطب على المطبخ وهذني مريحة وجالسة اسطر لكم يومياتي .....
يالله باقي يومياتكم ...
مشكورة شموسة على كتاباتك الرائعة مثلك .....