ريم الفلا27 :

صبااااااااااااااااااااااااااااااح البرد

صبااااااااااااااااااااااااااااااح البرد

عقد_الياسمين :

السلام عليكم ورحمة الله مشكورين على ردودكم الحلوه بصراحه شغل البيت بعد الدوام اقل تعبير له انه مأساه ...........يارب تسهل امورنا و تعوضني بشغاله احسن من اللي راحت امس وصلت البيت على الساعه 3 طلعت دجاج وهاتك يا تقطيع ، وغسلت الصحون والمواعين اول باول بعدها تغديت على اربع ونص جلست شوي مع البنات ونومت الصغيره ويادوب دشيت الحمام وانتوا بكرامه غسلته واستحميت وحصلت المحروسه ناهضه والكبيره نايمه هههههههه الحين الكبيره اذا نامت مشكله بس ما قدرت عليها تنهض قلت خليها نايمه احسن والصغيره حطيتها جنبي وانا اصلي المغرب (حوسه الله يحفظها عمرها قرب 11 شهر وتوها تزحف وتحوس السجاده تقترب مني :) بعد الصلاه مسكت الملابس وحطيتهم بالغساله (وان شاء الله اليوم اكوي ) وجاء وقت حوسة العشا ابو البنات :) قال ماله نفس متغدي متاخر بس خاطره هو والاميره بنودلز وعاد دشيت المطبخ وعملت شوربه للصغيره غسلت المواعين بقى بس اللي راح ناكل فيهم رحت اتعشى شوي الا والصغيره تتقيأ الله يشفيها متعبها البلغم والكبيره ما ادري شو صار لها عملتها بملابسها انا ذاك الوقت انفلتت اعصابي عن جد تعبانه وعصبت وصارخت عليها ، اصلا احنا مش ذاك الزود البرد عندنا الجو فيه بروده بس عاديه عشان اقول استبردت ما فيه عذر ابد غيرت لهم وبدأ صراع النوم معاهم الكبيره تقول ما ابي انام والصغيره تبكي لحد ما ارتفع ضغطي وزوجي معصب ههههههههه يقول لا عاد تطبخي مره ثانيه انا ما استحمل امسكهم رفعوا ضغطي :( وهيك خلص يومي برفع ضغط وبالليل قامت الصغيره مرتفعه حرارتها حطيت لها تحميله والكبيره كل شوي وتقوم والصبح بعد هي ارتفعت حرارتها انا اليوم مدوامه وجسمي متكسر ووراي كواي وغسيل :( صدعتكم صح استحملوني :) ، بكره اجازه وباذن الله رايحه لامي زمان ما رحت عندهم عاد هم يسكنوا بعيد عني

السلام عليكم ورحمة الله مشكورين على ردودكم الحلوه بصراحه شغل البيت بعد الدوام اقل تعبير...

ام ذكرى :

ياعمري عليك ولو احنا اخوات وبنتحمل بعض وربنا يسهل لك امرك حياتي وصدقيني مع تنظيم الشغل والوقت ماعاد تحسي بتعب الشغل حاولي غداك تكوني مجهزته من بدري من بالليل اوالصبح لو صحيتي بدري علشان لما ترجعي يادوبك تسخني وتحطي ، وبعدها تجلسي مع الصغار . حاولي قد ماتقدري ماينامو كثير بالنهار علشان بالليل يناموا بدري وانتي ترتاحي وتلاقي وقت لشغلك ولنفسك حاولي تنظفي الغرف اللي ماتحتاجيها وتسكرينها يصير الشغل عليك يادوب في الاماكن اللي تجلسون فيها وبكذا يخف الشغل عليك الملابس حاولي يكون مرة اومرتين بالاسبوع ولوعندك المجفف الحراري ترتاحي من الكوي بس تطلعين الهدوم وتطبقينها وعلى الدولاب .. الاكل اذا صرتي تجهزي حاولي تزودي الكميه وتقسميها وحطي وحدة بالفريزر وبكذا تلاقي عندك اكثر من صنف شايلاهم بالثلاجة .. والصواني كثري منها اللي بلخضار واللي بالدجاج ومكرونة باشميل وحطي بالفريزر ، كمان المعجنات فرزني منها ... وشوربة الخضار فرزني منها بكذا يخف عليك الطبيخ ووقفة المطبخ . والتنظيف الحمامات اللي تستخدميها خلي يوم بالاسلوع التنظيف العميق لها وباقي الايام يادوب تنظيف المغسلة وكرسي الحمام وانتي بكرامة وخلي عندك في بخاخ شوية فيري مع ديتول وكلوركس والعملاق الاخضر بس بخي منها وامسحي على اي مكان نظافة وريحة وتعقيم انا حتى السيراميك امسح فيها وتخليه يلمع بعد . خلي شغلك اول باول ولا تراكمين الشغل ترتاحي وتلاقي نفسك عندك وقت فراغ كبير وربنا يكون في عونك وعون كل موظفة يارب. هذا اللي افتكرته الحين والبنات ماراح يقصروا معاك بأراأهم.. 

ياعمري عليك ولو احنا اخوات وبنتحمل بعض وربنا يسهل لك امرك حياتي وصدقيني مع تنظيم الشغل والوقت...