الجسم




مشاكله ..

1- حبوب واثارها + اماكن غامقة

2- جفاف

3- شعر تحت الجلد

حل كباقي الجسم ..




تقشير + ترطيب + حمامات بخار ..




حمامات البخار .. كل اسبوعين مره .. وانصح بخيمه السونا


"


مرآ رحت لأهلي ولقيت خواتي مسوين حمله بخار .. والخيمة جاهزة وكل شيء

وقلت يلا معاااكم بسوووي

طبعا انا ما اتحمل البخار يكتمني عشان صدري ..

المهم جلست فيه بس يمكن 10 دقايق او اقل ..

وبس خرجت منه وتحممت ورطبت جسمي وخلاص ..

وربي يااااااااابنات النعووومه جلست اسبووووع كامل

بدون كريمات ولاشيء .. حتى زوجي لاحظ ,, تخيلوو وانا دخلت خيمه السونا بدون خلطات او تقشير ولاشيء ..

لان المسامات تفتحت ولما تحممت غسلت كل الشوائب المتراكمه بالمسامات ونِعم الجسم

طبعا سويتها مره وحده وقلت بشتري خيمه خاصة فيني وليومكم هذا ما اشتريت ..

"




الحمام المغربي



المقادير



صابون مغربي + كريم كاب مقشر + زيت اللوز المر

من كل شيء ملعقتين

ونخلطهم

ندخل تحت الدش مويا قريبه للحار

ونحاول نمرر المويا الدافئ لكل اجزاء الجسم عشان تتفتح المسامات




نحط الخلطة ع الجسم




واذا قربت تنشف .. نأخذ الليفه المغربية .. ونفرك الجسم من إلى بحركات دائرية عكس عقارب الساعة .. وحذاري من الوجة لا تفركية بالليفة لانها قوية عليه افركيه بنعومة بيدك

وخذي وقتك بالفرك عشان تشيلي كل الجلد الميت ..

تشطفي واغسلي جسمك بجل الإستحمام

ورطبي جسمك ..




(لوشن فازلين بزبدة الكاكاو .. لوشن جليسوليد .. لوشن بالمسك .. لوشنات بودي شوب تهبل روائحها .. وخاصة الياسمين @_@ )




اختاري اللي تبي .. وافضل لوشن الجلسوليد < لوشن وليس كريم .. او زيت الأطفال .. يعطي نعومه بعد التقشير رهيييبه





ومن فتره وفتره رطبي بالكريم اللي سويتيه قبل للايدي لانه يفتح الجسم مرآآآآآآ



المهم ترطب الجسم بعد الإستحمام لانه لو سويتي تقشير وما رطبتي راح تفقدي لك النتائج ويصير العكس ويزيد الجفاف

وكمان المويا تزيل الطبقة الدهنية من الجلد .. ولازم ترطبي عشان تعوضيها ..

....





مع الاستمرار راح يصفى جسمك من اثار الحبوب ويخف السمار كثير ويتوحد اللون ..

الشعر








شعر المرأة تاج ع راسها

وكلنا نعرف ان الشعر الناعم المنسدل ع

الوجه يظهر المرأة بمظهر الناعمة اللطيفة

والشعر المجعد المتعب المتقصف يعكس خشونه واهمال المرأة لنفسها




مشاكل الشعر



جاف

متساقط

خفيف

متقصف

راح اتكلم عن كل مشكلة بحسب اللي جربته لشعري

نوعية شعري







الجفاف





مافيه افضل من حمامات الزيت وحمامات الكريم

للشعر

وافضل زيت جربته للجفاف





زيت نباتي ( عافية بالذرة ) + كوب حلبه مطحون

ونضعه داخل علبه العافية ( الحجم الكبير )

ونتركه اسبوع يتفاعل ونرجه كل يوم

ونبدا نستخدمة بعد اسبوع




يعطي الشعر طراوة وليونه رهيبه مع الاستمرار

وحتى لما تستشوري شعرك بسرعه ينعم ويطول الاستشوار بشعرگ



طريقة تزييت الشعر




اول شيء زيتي شعرك

ثم اعملي مساج لمدة 10 دقايق

البسي القبعة النايلون










واذا ماعندك كيس حق البقالة اربطية زين حول راسك..

خليه نص ساعة بالكثير ,,

وبعدين نزلي الكيس

واتركي الزيت ع شعرك

مالايقل عن ساعتين ولا اكثر من ست ساعات ..

اول ما تتحممي غسلي شعرك قبل كل شيء

اقلبي راسك تحت الدش < عشان التساقط

وغسليه كووويس بالشامبو



{ وانصح بشامبو جونسون للأطفال ( مو نونو لا جونسون ) }

افضل شامبو للشعر




بعد ما تغسليه ..

حطي حمام الكريم

عندك انواع كثيره




افضلها ( فاشكول بالثوم _ فاتيكا _ حمام الكريم بالطحالب البحرية )




ولفي شعرك فوق راسك ..

وكملي استحماااااااام

وبعد ما تخلصي

غسلي رأسك ونضفيه كوووويس من حمام الكريم

فقط بالماء الدافي .. ثم آخر شطفه بالماء البارد ..

عشان يسكر المسام ويقل التساقط ..




هذا بالنسبة لحمامات الزيت ..








وفيه شيء مهم كمان

اللي هو





ماسكات الشعر



افضل شيء للشعر الجاف ماسك المايونيز وصفار البيض



حسب طول شعرك

ملعقتين من المايونيز + صفار بيض +

زيت جنين القمح ملعقة فقط + ملعقة خميرة بيرة مذوبه بشويه مويا

وملعقتين من زيتك الخاص لشعرك





( زيت جنين القمح يعطي لمعة تبان من اول استخدام

وخميرة البيرة تغذي الشعر وهذا نصيحة خبيرة لبنت عمي )





ونفس طريقة وضع وغسيل الزيت تستخدمي هالماسك ..








التساقط




التساقط لو فكرتي فيه

هو مشكلة مو بالشعر نفسه .. لا ..

هذي مشكلة بفروة راسك

وغالبا ما تكون من سبب داخلي



اما ضغوط نفسية او سوء تغذية او فقر الدم




لذا

يا حبيبتي اول شيء شيكي ع فقر الدم عندك

لانه اشد اعداء جمال الشعر

واهتمي بالغذاء ..

وفيه حبوب نصح فيها جابر القحطاني للشعر

ملئية بالزنك والحديد وكل الفيتامين الخاصة بالشعر

وانا استخدمتها للتساقط

ما اقولكم راح بنسبة كبيرة لا بس خف



وسبب التساقط كآن فقر دم + حبوب منع الحمل :@



وبعد استخدامي لحبوب منع الحمل والله كان يتساقط مو شعرات

لا والله خصل تنزل بيدي

لدرجة اني كنت اخاف امشطه ..

وغيرت نوع الحبوب + استخدمت الفيتامينات وماشاء الله قل التساقط

الحبوب هي




حبوب هردال للشعر








اخذتها بسعر

76 ريال من صيدليات النهدي ..

واللي لاحظته انها فتحت شهيتي للأكل وزدت كيلو ونص عليها

وفيه كثير يقولو ما زادتهم

وكل وحده تجرب وتشوف اذا يزيد وزنها او لا ..

استخدام الحبوب

حبة كل يوم

وفيها 60 حبة يعني شهرين كاملة تجلس معاك ..







قله الشعر بالمقدمة < من اثار التساقط




وبصراحة إلى الآن اعاااني من هالشيء ..

وزمان قبل لا اتزوج كنت استخدم الثوم مع الزيت اخلطة واضعه ع شعري

وكان يكثر الشعر

لكن اللحين بعد الزواج صعب جداً استخدام هالشيء ..

ولي كم يوم قرأت بالنت طريقة حلوة

اللي هي بعد ما تزيتي شعرك او تحطي الماسك
تمسكي فص ثوم وتفركي اماكن الشعر الخفيف



وهذا اقتباس للنص من النت




.





وانا لسا بس جربتها لمره وحده وراح استمر واشوف وياارب تجيب نتيجة ..






التقصف





والحل الوحيد للتقصف قص اطراف الشعر كل 3 اشهر

استخدام المشط الخشب .. وتجنب البلاستيك لانه يسبب شحنات تؤدي لتفرقة بين الشعر ( تقصف )







مظهر شعرك كأنثى

اللي شعرها ناعم

تتدلع فيه ولا تلفه فوق راسهآ كل يوم

لا تغيير فيه وتستخدم بكلات الشعر وزين الشعر

..

واللي شعرها خشن وجاف

مع العناية راح يصير طري وهاجد وتقدري تتفنني فيه

اذا تعرفو تبنيس الشعر او ( جعله كالطاقية )

تسويها بعد الحمام وتحطي البندانه او المنديل عشان ما يصير يجف بالهواء

وراح تكون نتائجها مثل الإستشوار ..

والشعر الجاف مع الإهتمام يصير كيرلي مرتب

تقدري بعد ما تخرجي من الحمام

تأخذي شوي من كريم الشعر ( بعد الإستحمام )









وتعبي شعرك منه

وتمشي شعرك بأطراف اصابعك

وليس بالمشط ..

وتخليه يجف لحاله

راح يأخذ شكل مموج وكيرلي بس مرتب مو منفوش

وتستشوري الغرة من قدآم

والشعر الكيرلي ترفعي نصه ببكله بوسط راسك

والباقي نازل ع كتوفك

وخلاص تصيري امزز شيء

مع روج ومسكرا خفيفه وبلشر وشويا عطر

أحلى زووووجة بالدنيا ^_*

وأهم شيء الرضى التااااااااام عن شعرك

لاتقولي ما احبه ابيه ناعم

ترآ حتى اللي ناعمه شعورهم يبغو كيرلي

محد مقتنع بشيء < بنى أدم ما يعجبه شيء ..






وهذا كل ما في جعبتي من عناية

وأحب اقوولكم اذا حطيتي جسدك ونفسك ضمن اولوياتك

راح يصير اهتمامك بنفسك شيء روتيني

وهذا الجدول اللي راح نمشيء علية




السبت

الأيدي ( بديكير مناكير )

الأحد

قناع للوجة

الإثنين

ماسك للشعر المايونيز

الثلاثاء

الأرجل ( بديكير منايكير )

الاربعاء

راحة

الخميس

راحة

الجمعة

الجسم ( حمام مغربي + زيت للشعر + تقشير الوجه + ترطيب الجسم )




الاشياء اليومية

ترطيب يديك ورجولك من الكريم اللي سويناه

بشكل مستمر

( زجاجة مويا ورد + حبتين فيتامين سي فوار )
واحفظيها بالثلاجة


تمسحي فيها وجهك وعيونك يوميا بعد ما تخصلي شغل المطبخ ..

خليها روتين لك ,, انا توي بادية فيها..







مثل حبوب هردال اللي تحتاجها تحطها لجدولهآ ]






ويااااارب اكون افدتكم

وربي عاد ترآ تعبت مرآ فيه

وياويلكم ما تستمرو وتتشجعو معاي

ولكم مني كل الحب والإحترام

قهر بعض الصور ما طلعت :(

انفلق ظهري وانا جالسه انسق فيه ..

يلا عااد بناااات ترا كله كتاااابة انااااملي

ونبغى نشوووف موظفات حلوات مهماااات بأنفسهم ..



راح نبدأ الإسبوع الجاي بإذن الله .. مو هالاسبوع والكل يجمع المقادير هالإسبوع عشان نبدأ ..
خصوصا الإشياء اللي لازم نلتزم فيها



ويلا برررررررررررررب للبيت ..

اللهم صلى وسلم على سيدنا محمد وعلى آل محمد كما صليت على إبراهيم وعلى آل إبراهيم إنك حميد مجيد
وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد