السلام عليكم ورحمة الله
مساكم الله بالخير
سلمكم الله .. هذا غداي مسويته لأبو العيال < كل يوم تسوي غداء بس هذا غير
طبعا وانا مبيته النيه ..يعني بمصلحه انه يستانس ويرضى ..ويوافق نروح الرياض هالأسبوع
وأجيكم أدخل المطبخ الساعه 10 الصبح ..وأدهر ..وأدهر > على قل سنع
الموهم تفضلوا غداي ...على قل ّ الكلافه
هذا دجاج سلقته ..ثمن تبلته ودهنته بخلطه(ملعقة كتشب + نص ملعقة صغيره خل+ ملعقه صغيره صلصلة ورشستر + وشوية صلصلةطماط)
ودخلت الفرن وشويته
..طبعا بقى شيء بسيط من خلطة المحشي وأزيد عليها رز ...وأسلقها ..وطلع طعمه لذيذ
وهذا .. محشي كوسة
وهذا .. سلطة البطاطس بالذرة الصفراء والبصل الأخضر
تسلقين البطاطس وتهرسينه من وقته وهو حار وتملحينه انتظري يبرد ثمن حطي ذرة + بصل اخضر مقطع + وملعقة كبيرة مايونيز ..وبس لكن طعمها لذيييذ
وهذي سلطة خيار بالزبادي
هذي سلمكم الله طبخة مجهولة الهويه ..عاد يقول المثل الحاجة أم الإختراع ..عبارة عن باذنجان وبطاطس
وبنزل فيها موضوع لوحده لأن شغلتها مو بسيطه
وإن شاء الله يوافق ونروح ...
وشوكرن
