ماشاء الله تبارك الله لاخواتي سكارلت وطيف الاحبه وبنت الغامدي ... الله يبارك لكن في شغلاتكن ماشاءالله ويرزقني بما رزقكن مثلهن بالطيب والاخلاق ... لانهن بصراحه عمله نادرة الوجود ...

اما انا مع خادمتي تلك .. فلم يحالفني الحظ فيها ولا مره باي شغاله تجيني .. سبحان الله وكلهم بنفس الصفات

اندونسيات لكن .... الغيره بالفعل اشوفها تغار مني في كل شيء من لبسي وحياتي وكل شيء حتى مع زوجي اشعر انها تغار مني
لان وجهها ونفسيتها تتغير من يومها حتى تنسى ماحدث ... وتبقى مكشره طول النهار ... شعرت منذ قدومها علي تهالت علي الاحداث الغير طيبه ... حتى مشاكلي احيانا مع زوجي اشعر انها من عينها اعوذ بالله .......
يعني فيها اشياء بسيطه كويسه ..مثل (( وهذه نعمه ولله الحمد لاني عصبيه ( بصراحه ) لا تحمل انها صابره عندما اثير غضبي عليها ... لاترد علي الا فيما ندر ... احيانا الاحظ انها تحن على طفلتي الصغيره بالذات ...يعني ..
اما عيوبها التي تغيضني ... كذوبه بكل شيء عيني عينك ... لا تهتم بمظهرها الا عندما اوبخها وامرها بالنظافه ...عينها طويله وتحب الفضول ... ملقوفه في اشياء لا تخصها ... تناظر كل شيء عندي او عند بناتي ....
كسولة وبليده لا تحب العمل باخلاص )) وماخفي كان اعظم ...
الشغل الله لايوريكم ياوراءها في كل خطوه ومراقبه بعد كل يوم ويوم والا اذا تركتها ياااااااااساااااااااااااتر استرررر
( تطلع الفضائح كلها )

حقوووووده علي مهما فعلت لها تتكلم فيني عند اقرب شغالة تاتي بيتي .........

لكن ايش اللي اجبرك ياغيم على المرّ اقول لها (((( اللي امرّ منه ))) ... استغفرك يالله واتوب اليك اني كنت من الظالمين ...
ربما تسالوني ويش اللي يخليك تجيبين خادمه ؟؟؟
بيتي كبير يانااااااااس تخيلوا ماشاء الله 9 غرف واربعه حمامات وانتم بكرامه ومطبخ كبييييير وخزائن وسطح وحووووش وسيراميك ووووو الخ واطفال وزوج اي تحمل هذا كيف اقدر ان اوفق بين هذه وهذه (( مستحييييييل )) ... وانا دايما اشعر بالتعب والدوار عند اقل مجهود ابذله رغم انني احب العمل ببيتي والحمدلله ...لكن بحدود قدراتي العضليه والنفسيه
لكني لا ادري مالسبب في سرعة ارهاقي وتعبي رغم انني ولله الحمد لا اعتمد عليها في الطبخ بالذات الا بالتحضير ...

وعند كل حمل لي لابد من اجراء عمليه قيصريه ولذلك اجبر بحضور شغاله في وقت قرب ولادتي فبعد كذا لابد من جلوسها معي سنتين او بعد اكثر ...
الان شغالتي تلك بعد شهرين من الان بتسافر بعد مضي ثلاث سنين وخمسه اشهر ((( اووووووف ))) اخيرا الحمدلله ياربي ...
جدا سعيده بذلك رغم التعب اللي بذوقه من بعدها بصراحه من شغل وكرف وتعب .. ولكن لا يهم طالما بارتاح نفسيا ....
ولكن عاهدت نفسي باني لن استقدم خادمه من بعدها حتى يرزقني الله بحمل اخر فعند ذلك ليس بيدي شيء غير الاستسلام ...
لابد من الشر حضورها حتى تساعدني في خدمة بيتي واطفالي وتعينني في تعبي وارهاقي ...
ولكن اتمنى ان يرزقني بواحده ماشاء الله مثل خادمة اخواتي الاخريات سكارلت او طيف او بنت الغامدي
يارب ياسميع الدعوات ارزقني بانسانه تخاف الله في نفسها وفي عيالي وفي بيتي وحياتي كلها يارب يامعين انت القادر على كل شيء..
فاانا اسفه على الاطاله بس والله من قهري ... وشكرا لصاحبة الموضوع ...

وشكرا لكم .. تحياتي ...

موضوع رائع طيووفه ومهم000

انا جربت العيشه بخادمه وبدون خاااااااادمه وفيه فرررروق كثيره بين الحالتين000


مع خادمه000

عدم الاستقرار واخذ الحريه التامه في منزلي 00

عيونها طايررررررره في كل شي يدخل البيت

قله الامانه للبعض وليس اللكل000

الخوف مع جلوسها مع اطفالك وخاصه اذا كنت تعملين000

بدون خادمه000

احساسك بمملكتك وبيتك وزوجك واطفالك00

الراحه النفسيه واللي هي اهم شي000

الاستقرا والجلسه واخذ الراحه في البيت000

لمه اطفالك في حضنك رغم اعمال المنزل وكل ما كانت تقوم به الخادمه عنك

اهووووووون من جلوس خادمه معك تشاركك في حياتك000

والله يكفينا شرهم بس انا جربت العيشه من دونهم لقيتها مريحه لاعصابي

صح اني اقووم باكثر مما تقوم به الان لكن يكفي اني اعيش حريتي والم اطفالي وزوجي حولي000

ويسلموا طيووووووووفه000

وحده من زمااااان عن قرف الشغالات000

موضوع يهبل أختي طيف
أما عنا فبعد مده قررنا أن نجيب شغاله بس قلنا على الأقل يكون لها خبره يعني مشتغله من قبل وأهم شي وحده كبيره شوي مو صغيره ( وأنا همي الأول أنها تكون زينه وأمينه ترى لي حساسيه مع الشغالات دائما أعاملهم مثل خواتي ياما أنقدو علي وقالو لا تصيرين وايد طيبه معاهم قلت هذي انسانه وتبي الحنان والرعايه كافي أنها تاركه أهلها ومغتربه عنهم ويمكن تطول بالغربه ...... بس أقول بعد الأحتياط واجب قبل كل شي )
ولما وصلت ماشاالله عليها قمه في الأخلاق والأمانه الكل أرتاح لها بالبيت وهي لها خبره 5 سنوات بديرة الأمن والأمان والسكينه ( السعودية ) يعني الكل حبها في البيت وصارت وحده منا حتى لو تكلمت عنها ما أقول عنها شغاله أو خادمه دائما أذكرها بأسمها من كثر ما أحترمها

وكانت لنا خادمه قبلها الله لا يبليكم مع أن أحنا مو مقصرين وزينين بالتعامل معاها بس الغلطه الوحيده اللي نتيجتها أن أستغنينا عنها لما زارتها صديقتها ( قبل الزياره كانت خوش وحده ) بس من طلعت من عندنا الله وكيلكم تغيرت الخادمه 180 درجه في معاملتها وقامت تعاند فقلنا ماكو ألا نردها وبعد توبة أحد يزور الخادمه علشان يشوشها علينا

اخ اخ اخ
من الخادمات

والله أعرف قصة حكت لي إيها إمرأة عن نفسها قالت "كان عندي شغالة كانت تحافظ على صلاة وتظهر بأنها أمينة وكل شيء حسن فيها.... وبعدين سرقت لي كل ذهبي لما غفيت قليلا ً بغرفة أخرى.. " والله بعض الشغالات تتظاهر بأنها إنسانة خلوقة وتخاف الله حتى تثقي فيها وهي بداخال لا تطيقيك ولا تحبك... بس اللهم يكفيكم شرهم....
ــــــــــــــــــــــــــــــــ
غيم2000
الله يرزقك الخادمة الأمينة وتخاف الله وحبابة ومريحة...
ــــــــــــــــــــــــــــــ
و ما شاء الله تبارك الله للأخوات سكارلت وطيف الاحبه وبنت الغامدي.. خدامتكم ما في منهم... بس خذوا حذركم...
ـــــــــــــــــــــــــــــــ
والسلام عليكم
ــــــــــــــــــــــــــــــــــ

أختكم أمان

ــــــــــــــــــــــــــــــــ

جيتي على الجرح اختي
اناسالفتي سالفه مع الخدم اول وحده تغار مني الوقت اللي البس فيه واتزين تسوي مثلي على طول مع انها سيرلانكيه تجيب الهم ووسخه بعد بس الغيره الثانيه اندونيسيه من اول يوم جت حطت لنا البلا اللي سوته مع انها ماصارلها الا يومين عندنا وبعد التحقيق اتضح انه الاخت ماتقدر تصبر عن زوجها والى سوته علشان احنا نروح في العسل وهي تدبر نفسها (عينها على زوجي الله ياخذها)
وانا الحين مسويه مقاطعه للخدم(هذا بدل المقاطعه للمنتجات الامريكيه) بس المشكله لما ننقل للبيت الجديد
والله اني شايله هم مدري كيف راح ادبر اموري الله يعين