http://www.bioderma-cz.com/default.asp?strankaID=4&menuID=3&submenuID=1

هذا الموقع بصراحة مافهمت شي من الكلام لان كله فرنسي الي تفهم فرنسي ترجم لنا هههههه
يمكن اذا شفتوا الصورة تعرفون عن الكريم ؟؟؟؟
انتظر ردودكم

هلا فيكم خواتي .يرناقه انا دخلت عالسايت بس مو فرنسي مادري باي لغه مكتوب اعتقد الماني ...انا البارحه تذكرت هالماركه لاني اسنخدمتها مره يوم كان عمري 14 سنهطلعت لي حبوب فجأه بس مني وطريج...ورحت للمتوصف ووصفت لي اياها.. بس كنت دايخه حدي وماكتبت لج عنها ..بس تراها حيل عاديه يعني مو حق المشاكل العويصه لي عندنا الحين بعد مانضجنا وكبرنا وتعرضنا لعوامل التعريه اشي حمال اشي رضاعه ..الله يكون بعونا ..شوفي اذا تبين بشرتج تصير مخمليه مالج الا لابريري ..بالنسبه حق البنات لي اسألو شنو استخدمت من لابريري ..قولو شلي استخدمته ..تقريبا كل شي .عندهم سيروم اسمه بوستر هذا شي عجيب يعيد ترتيب الدهون بويهج تصدقين ,,واستخدمت سيؤوم فيتامين c يقضي عالبق البنيه الي بالويه ..وبعد ماولدت اخر مره كانت بشرتي وايد تعبانه خصوصا اني والده قيصريه ..قمت حطيت من عندهم ماسك كافيار للنضاره واو منه تنهبلين بعد ماتغسلين ويهج ,,فعلا يعطيج اشراقه ونضاره تحسين بشرتج تلق واذا بحط كل شي بروحه ماراح اخلص لي باجر ..وعندهم شغله ثانيه فضيييييعه ..كريم التقشير الكريستالي هذا سعره 71 دينار من الجمعيه بقسم التجميل طبعا ..لمن كنت حامل اخر مره ..مو انا قطوه كل سنه حامل ههههه المهم طلع لي نمش فخديت ننهم هالكريم العجيب اول ماتستخدمينه تسوينه يوم وترك لمدة ثلاث ايام ,وتالي تسوينه مره كل اسبوع والله العظيم يابنات والله على مااقول شاهد بعد الكورس مال بو ثلاث ايام خف النمش الى 50 بالميه ..انهبلت عليه بس لازم يكون بالشتا لانه تقشير وتحطين معاه كريم واقي ..اياني وياكم تستخدمونه بالصيف لانه تقشير هذا بدل ماتروحين للصالون وياخذون منج بكل جلسه الشيء الفلاني وشوف النتيجه تبين ولا لا ..هذا بروفيشنال وطريقته وايد سهله نفس طريقة السنفره بس شي مو طبيعي ..امي مسكينه كان فيها كلف صار لها سنين تعاني منه ووديت لها اياه مشالله بس من بعد الثلاث خف الكلف لي النص .. انا لايمكن اهدها لان لازم نعتني ببشرتنا قبل لا اطيح علينا ونبتلش .. اوكي غاليه بس موادهم اتم معاج فتره طويله ..واهم شي النتيجه المبهره لي تحصلين عليها وانا اكلمكم عن تجربة شخصيه ..اتمنى اكون افدتك ودمتم سالمين

همس الشفايف اذا بغيتي تاخذين من هالماركه وتاخذين الشي لي يناسبج روحي لجمعية المنصوريه ,بتلقين وحده فلبينيه بس مو جذابه ,تعطيج بالظبط لي تحتاجينه لأني مره رحت دبنهامز وكانو مسوين خصم عليها 10 بالميه وينيت لان هالماركه مايحطون خصم الا نادرا.. مادري شفيهم فقر..فلقيت وحده لبنانيه وقصت علي وعطتني كريم حق البشره لي حيل ناشفه وانا بشرتي دهنيه ..نخيلي بس ..وطلع لي حبوب ..فرحت لعند هذي لولو لي بالجمعيه وانا حدي بغيت اقاطع الماركه .. قلت لها شوفي شصار فيني ومومعقوله اخذ فوق فلوسي حبوب ..جان تشرح لي ..وعرفت اني انا لي مقصه ..وهني عاد قالت لي ..ان الجمعيه ارخص ب 10 بالميه من دبنهامز .. حبيت افيدج بس

الكلام لج اختي عيون الظبي .. خطأ مطبعي كان .. لانج من الكويت دليتج عالمكان.

كنت فرحانة لاني طبيبين مشهورين وصفوه لي واكثر من صيدلي مدحوه واشتريت لي كمية منه
وبعدين مايعطي نتيجة؟؟؟
أأه كله خسارة
هل انتي جربتي هذا الكريم بالذات ولاعطاج نتيجة ؟؟؟
انا بعدي بنت تقريبا على 20 سنة بس وايد احب اهتم في روحي لكن دايما الى الأسوأ
ياريت اقدر اشتري هالماركة الي تقولي عنها
المشكلة احنة راح نسافر بريطانيا نزور اهلنا واخوي يدرس هناك .ولاراح يصير عندي وقت
انا متحطمة بصراحة