شكرا اختي عرموطة على تفاعلج معاي واشكرج على طيبتج واتمنى اني استفيد من هالكريم في هالفترة لان هالطبيبن الي رحت لهم كانوا فعلا من اشهر اطباء الجلد في القاهرة وواحد منهم ينسب الى ام كلثوم من عائلتها

واذا رحت بريطانيا ان شاء الله يكون عندي وقت وفرصة بس الدواء الي من ليراك شسمه الي يعالج الحبوب . ومجموعة لابريري اتمنى انه احصل على الاسامي من الي كاتبته قبل
بس من كلامك انك عالجت حبوب الي بوجهك بليراك اولا بعدين قعدت تهتمي ببشرتك بهالمجموعة لابريري يعني ماستخدمتيها كعلاج ؟؟؟بالبداية


شكرا اختي واااايد

هلا فيج يرناقه ,العفو ,احنا كلنا بنات واهم شي عندنا ويوهنا ,استخدمت ليراك بالبدايه لأاني ماكنت أعرف لا بريري ...وراحو الحبوب فعلا والبقع البنيه وبعدين رجعوا لي مره ثانيه فدورت على أحسن شي الين لقيت لابريري وعالجت بيها الحبوب والبقع وكان عندي بعد مسام وسيعه عالخدين هم الحمد لله راحوا,,شوفي حبيبتي ,أنتي استخدمي هالكريمات لي مدحوا لج ايه الأطبا , أنزين وتالي ان مايابوا وياج نتيجه , استخدمي لابريري ..انا قبل تعقدت من ويهي لدرجه أني قمت ألبس برقع ,وايد تحطمت نفسيا وماكنت أحب احد يزورني ..فلمن اسمع عن احد عنده حبوب أو بقع , أحاول كثر ماأقدر اني اساعده وانصحه من الشغلات لي جربتهم شخصيا, عشاني مريت من نفس المرحله ..فلا شكر على واجب وحياج الله حبيبتي ..تحياتي

شكرا واايد اختي عرموطة واتمنى تعطيني اسم المجموعة الي استخدمتيها من لابريري وساعدت على شفائش من حب الشباب شنو استخدمتي بالضبط عشان لين رحت بريطانيا اشتريها

واتمنى لج الصحة والعافية
وان شاء الله تيبين لنه توأم المرة الجاية
ويتربون الأولاد في عزج.
واشكرك واااايد على طيبتج يالطيبة والله يعطيج العافية وبظل ادعيلج في صلاتي ان شاء الله

هلا فيج أختي الله يسلمج ..يا معوده مابي توأم ,انا يايبه عيال ورا بعض ..فمبتلشه بعمري ..هالدور أجيب توأم ..والله أتدهور ..المهم أنتي قولي لي شنو نوع بشرتج دهنيه زي حالاتي ولا مختلطه ولا ايش القصه .

ههههه
الله يحفظج لأولادج قولي آمين
انا يااختي بشرتي بيضاء ومختلطة مايلة للذهنية
شكلج بتفحصيني ؟؟؟هههه
وشكرا لج وااايد على اهتمامج .....آنا منكسفة