إزيكم يا كل البنوتات... خلص رمضان وخلص العيد وطبعاً كلنا وزننا زاد والشتا على الأبواب والهدوم الشتوى أصلاً بتكون سميكة فيلا يا بنات ريجيم لمدة شهر هننسى الأكل والحلويات وقدامنا هدف واحد إننا وإحنا بنجيب الهدوم الشتوى مش نقف أبداً نتفرج على حاجة ونقول يا سلام لو كنا رفيعين كنا جبناها .. عايزين الكلمه الوحيدة اللى نقولها للبياع هى من فضلك ادينى مقاس small أو Medium
الريجيم
اليوم الأول : زبادى خالى الدسم ( بحد أقصى أربع علب ياليوم)
اليوم الثانى : كوسة مسلوقة ( كمية مفتوحة )
اليوم الثالث: بيض مسلوق ( بحد أقصى أربعة باليوم)
وبعد كدة نكرر من الأول يعنى كل ثلاث أيام نكرر
مسموح بشرب الشاى والقهوة مع سكر دايت ولبن خالى الدسم بحد أقصى ع كوب لبن فى اليوم.
معلش بلاش نوزن مع بداية الريجيم عشان ميجيش إحباط هنوزن بعد أسبوع من البداية بس اللى تحب توزن مش تزعل أياً كانت النتيجة بل تاخدها حافز.
يفضل شرب 3 أكواب شاى أخضر صينى بالليمون لمساعدته فى حرق الدهون
يفضل لعب الرياضة بحد أدنى 3 ساعات أسبوعياً
نبتدى من بكرة إن شاء الله 8/11/2005
يلا بنات مستنياكم معايا إن شاء الله :27: