3 مشاكل في ولدي مأرقتني حيييل مين مرت فيها؟؟

السلام عليكم ياامهات

بصراحه انا لي فتره منقطعه عن المنتدى من بعد ماجبت ولدي الصغير وعمره الحين 7 شهور

اذكر كان معاي بنفس فترة حملي العضوات طال صبري و بنت نجد وايمي هذول اللي اذكرهم بس بغيت اسلم عليهم

بدخلكم بالموضوع على طول

ولدي هذا بصراحه متعبني كل شوي الاحظ فيه شي غريب واوسوس وابوه من النوع اللي مايحب المستشفيات بكثره

بداية المشاكل في فترة النفاس لاحظنا ان راسه مايل جههة اليمين يعني الجزء اليسار بارز واليمين داخل
قالولي امي وخواتي انتي تنومينه عاليمين وراسه مويه عشان كذا دخل على جوا مع اني ماكنت انومه عاليمين كنت انومه عاليسار بس عدلت الوضع وصرت انومه على ظهره بس الوضع ماتعدل الى الان كل من شافه يقولون وش في راسه مختبص:44: هذولي المؤدبييين مررره يقولون كذا
اما الغير مؤدبييين على طول ضحك او يتمقلون فيه كانه مخلوق غريب>>ووجع ان شالله
طبعا الاطباء مايعترفون بهالشي وكل ماوريتهم ولدي قاسو محيط الراس وقالو خلاص ضمن المعدل الطبيعي طيب والميلان؟؟؟؟ لأ لأ لأ مفيش مشكله دا طبيعي اووووي

الشي الثاني والاهم مره وديته مستشفى خاص ياخذ تطعيمه ال4 شهور وزيادة فسقه قلت للدكتور افحصلي راسه قام يلمس فيه وقال يبيله اشعه يمكن الغاذيه=== اليافوخ مقفله ومفروض ماتقفل بهالسن طبعا انا خفت واللي اعرفه ان اليافوخ الغرض منه يسمح للدماغ بالنمو>>وفهمكم كفايه

رحت لطبيب ثاني للاسف زميله بنفس المستشفى سوا من الحبه قبه قال لازم تخدير واشعه مقطعيه مو عاديه واذا كانت مقفله يبيله عمليه بسيطه نفتحها له وانا:icon33::icon33:

طبعا :arb:هزأني قال انتي تتعبثين فيه والمستشفيات كذابين و و و و و

وعشان يسكتني وداني سعد التخصصي ورحنا استشاري اسمه سرارا محمود>>مين تعرفه هو سوداني
اول ماشافه قال الولد طبيعي يكفي انه يضحك ويسولف ويعرف امه واذا تبغون تتطمنون نسويله اشعه عاديه مايحتاج مقطعيه سوينا اشعه قال هي مو واضحه الفتحه بس يمكن تكون نازله اهم شي يضحك ويسولف >>>وهالكلام قالته لنا مختصه شعبيه بالجبيل كلمتها بالتليفون وقالت لاتتعبثين بولدك مرت على حالات كذا واهم شي انه يسولف لو فيه شي من اللي يقولون ماعاش لين 4 شهور>>>سمالله عليه


الشي الثالث ولدي نحييييف مرررررررره وطووويل والدكاتره يقولون صحته تمام ووزنه طبيعي بس تعرفون حلاة البيبي متختخ وغير كذا الناس انواع التريقه عليه

والله مسيكين حشيت فيه حشش الحين يمكن تتخيلون شكله شين لاوالله يهبل ومسمسم وملامحه ملامح بنيه بس عيبه النحف والراس المايل الله يصلحه
ولا الباقي الحمدلله تمام الحمدلله عالعافيه



الزبده طولت عليكم واكيد قاعدين تقولون وشتبي هاذي

1 مين راس ولدها مايل وتعدل الكل يقولي بيتعدل بس الحين عمره 7 شهور ولسا واضح؟؟
2 مين مرت عليها سالفة تقفيل اليافوخ او تقفل يافوخ ولدها بعمر ولدي رغم ان الدكتور طمني بس بصراحه كان ودي اخذ براي اكثر من دكتور بس :arb:رافض
3مين تعرف د.سرارا محمود بسعد؟؟وهل هو كويس يعني اطمن لكلامه :arb:مؤمن بالسودانيين يقول اكثر العرب ثقافه وعلم السوداني مع اني تحطمت يوم شفته

4ايش الحل مع نحف ولدي برايكم مع اني بديت اوكله بس لسا عصاقيل


واللي ماعندها جواب على اسئلتي مو مشكله اهم شي اني فضفضت لاني مررره احاتيه ومااحب احد يستغرب منه او يتكلم بشكله الله يسامحهم اللي ماعندهم ذوووق:22: