مشكورين بنات على ردودكم الجميله وصراحه شي يفرح أن معظم الردود تدل على قناعة المرأه المسلمه وسعيها للستر والزوج الصالح بغض النظر عن أي أعتبارات أخرى..

بنات 5000 ولا 20000 أهم شي التدبير
وأختلف مع اللي قالوا تعيش على الضروريات وتخلي عنها الكماليات
يعني لا تحبطون البنت تحسسونها أنها بتعيش على المحك!!

أول شي إذا الواحد دخله الشهري ألف بيعيش على ألف وإذا دخله عشرين ألف بيعيش على عشرين ألف!!
طبعاً اللي دخله أقل من 3000 يمكن يكون ملتزم بالضروريات فقط إلا في حال أنه عرف يوفر أو يدبر أموره أما الـ 5000 بالنسبة لشخصين شي حلو.

يعني قد ما تاخذ قد ما تعيش.. ومسألة الكماليات أنا أقولكم البنت تقدر تلبس وتتكشخ وترتب بيتها أحلى ترتيب بعد بهالدخل فقط إذا عرفت كيف توازن الأمور..

طبعاً ما بتكلم عن الأشياء الأساسية مثل الأكل والبترول والكهربا والتيلفون لأنها أشياء بديهية والواحد يعرف كيف يوفر فيها (المنتجات الغذائية الواحد دايم يسأل وين أحسن الأسعار) الكهربا (يعود نفسه بعد ما يخلص من شي يطفية يطلع من غرفه يطفي كل الكهربا اللي فيها .. وهكذا... ) ومب معناته الواحد يوفر في هالأشياء أنه عايش مضغوط بالعكس معناته انه يبغي يعيش مرتاح وما يضغط نفسه.


بالنسبة لتزيين البيت في أشياء كثيرة حلوة هالأيام وأسعارها معقولة
الزينة الخضراء مثل الأشجار والورود أسعارها معقولة وتعطي البيت شكل حلو بالإضافة إلى محلات تبيع تحف حلوة أحيان يمكن سعرها يكون 20 إلى 40 بس أهم شي تكون ذويقة وتختار القطع اللي تتناسب مع ترتيب البيت.. يعني ممكن تشتري قطعه غالية بس لأنها ماتناسب تلقون شكلها ياي غلط في البيت، واللوحات بنات!! اللوحة تعتمد على المنظر اللي داخلها مب على سعرها, يعني تقدر تختار لوحات يكون المنظر اللي داخل جذاب مب الإطار, أنا أعرف أماكن تبيع لوحات اللي يشوفها يقول غاليه بس تعرفون بكم؟؟ بعشرين درهم بتقولون ما تنفع أقولكم لوحه راح تتعلق يعني نادر ما راح يأثر عليها شي , تحط خطة استراتيجية أنها كل شهرين أو ثلاثة راح تشتري قطعه أو شي واحد للبيت منها ما تضغط نفسها ومنها تختار على رواقه وتكون عارفه شو اللي ناقص في تزيين بيتها بالضبط

عشان كشختها الخاصة لزوجها أو لطلعتها صوب أهلها هني أنا أحس أنه الأشياء الرخيصة تبين ولاتنفع وايد, عشان هالشي لازم تتعلم قاعدة مهمه وهي المحافظة الجيدة على أغراضها, يعني كيف تحافظ على ملابسها من الغسيل المتكرر كيف تحافظ على النعل بأنها لما ترجع من برا تنظفهم وتحتفظ بكراتينهم عشان تخزنهم عدل, العبايا والشيل كيف تقدر تحافظ عليهم لوقت أطول وبشكل سليم..يعني مثلاً تغسل العبايا بسطل وتخلي إيدين العبايا برا عشان ما تتأثر، الشنط تخصص لهم رف أو مكان ما يكونون مضغوطين تحت أشياء ثقيلها عشان ما يتأثر شكلهم, والجميل أنها بتكون توها عروس يعني عندها كمية من اللبس الحلو بس الأهم تتعلم كيف تحافظ عليه.

ومن مثل هالأفكار البنت بتعيش مرتاحة وزوجها مرتاح..

بس أحذرها من كلام كرروه الأخوات عن المشاكل اللي تصير بين الزوجين بسبب قلة المادة
لأنه هذا اعتقاد وفي الأساس الإختلاف وقع لقلة القناعه أو عدم تفهم الوضع المادي أو النفسي لهذي الأسرة
سواء من الزوجة أو الزوج..

كل شي موجود في داخلنا احنا نختار كيف تكون حياتنا مش ظروفنا المادية أو الاجتماعية..

ودعواتي القلبية لها بزواج سعيد وحياة هانئة..
والله يسخر قلب زوجها لها ويسخر قلبها له

اولا واخيرا اختي القناعه كنز لايفنى
يا ما ناس عندهم الا لآف ومو عاجبتهم عيشتهم ...وناس رواتبهم بالكاد تكفيهم لاخر الشهر والحمد لله راضين ومبسوطين ...
الحمد لله راتبه 5000 جدا ممتاز في زمن تكاد تنعدم فيه الوظائف لجيل الشباب ...اذا ابو 5000 الناس ماقبلت فيه وين يروح الي راتبه 2000 و 3000 ....الشباب الآن مساكين وينرحمون ودهم يتزوجون ويسترون على انفسهم ويأمنون على انفسهم من الفتن لكن مالقوا مجيب ...الي يقولون ال5000 ما تكفي حرام عليكم اعينوا الشاب انه يعف ويستر نفسه ...
وبعدين نجي للمصاريف ......مين قال ان الاناقه والكشخه يبي لها قروش ؟؟؟ الاناقه والله والكشخه يبيلها ذوووووووق وحسن اختيار...والله اعرف لك ناس مكثر الله قروشهم لكن تعالي شوفي لبسهم ..صح الفستان يكلفهم حوالي 5000 احيانا بس والله كلمة خلاقين قليله فيه ..الوان وموديلات اللهم لك الحمد ..وهذا مو راي لحالي بل راي الكثيرين من ربعهم
وفي نفس الوقت اعرف لك ناس كثيييييير حولي اقل من عاديين لكن ربي معطيهم ذوق ما شاء الله ..يلبسون ويكشخون في حدود المعقول ..ومومحتاجين فلوس علشان يبانون كشخه وتعالي شوفيهم في لبسهم وبيتهم ما شاء الله عليهم ما يروحون الا لارخص الاسواق لكن علشان ربي معطيهم ذوق يعرفون الزين اذا شافوووه ....
وترا عقدة الماركات والمحلات الغاليه صارت قديمه وما يفكر فيها الا الي عنده احساس بالنقص !
وعلى فكره ترا اعرف لك واحده من عائله تعتبر من {اغنى} عائلات السعوديه واسمهم اشهر من نار على علم ..عاشرتها ودخلت بيتها ما لقيتها تروح الا لارخص الاسواق وتروح لاماكن والله العظيم احنا الناس العاديين استحقر اروحها ...لاتظنون عن بخل بالعكس ما فيه اكرم منها بس تقول ليش اسمح للمحلات الغاليه يضحكون علي وياخذون فلوسي ..الفلوس متعوب عليها ..ما شاء الله عليها لبسها روعه ..بيتها يهبللل ..ومواعينها تحففف والله وكل من يدخل بيتها يغتر باسم عايلتهم ويحسب كل الي عندهم من برا ...
معليش ترا كثرت الهذره وطلعت عن الموضوع ....
المهم اختي صاحبة المشكلة استخيري الله واخلصي نيتك ..ان شاء الله ربي يعينك ..وبالنسبه للبس والهدايا وغيره اقترح عليك ان يكون لك بعد الزواج مصروف شهري لك انت مخصص للبسك وتقدرين توفرين منه مبلغ للهدايا وخلافه ..وهذه طريقتي مع زوجي والحمد لله ازين ما اقعد كل شوي عنده ابي هديه لفلانه وعلانه (زوجي مو مكلف بخلق الله )


وسلامتكم

ياجماعة القناعة كنز لا يفنى

خذوا فقراء يغنيكم الله

تزوجت زوجي راتبه 500 ديناروموظف عادي في البنك وشوي شوي زاد

والآن بعد 13 سنة زواج صار مدير عاااااااااااااااام بجهده وصار راتبه أكثر من .. مابقول بالضبط بس ماشاءالله تبارك الرحمن يفوق ال 1800 دينار قلت يفووووووووووق

مع هذي أسرار ولكن أبي أوضح ان ال5000 ريال تكفي وخاصة زوجي ماحرمني من شي ولبست أحسن لبس واذا ماعنده أصبر الى ان الله يفرجها هذي مافيها شي والا وش رايكم ؟؟؟؟

أي على طاري محلات الماركات الغاليه

أتذكر مره أشتريت جينز ماركه ب 470 ريال وبعد أسبوع رحت نفس المحل وكان مسوي خصومات ومعروض ب 90 ريال طبعا أنا من القهر شريت أثنين بس ألوانهم مختلفه