ضحكت وبين اللولو
انتي وين يا لورا الغرام،،،في نا س يعيشون ب2000 و1000 واقل من الالف بعد،وفي بوظبي اللي ايجاراتها نار بس عايشين ومستورين


دليني على سكن هم عايشين فيه بالف و كيف ياكلون ويشربون و الله ابوظبي نار نار نار ايجاراتهم بشكل موطبيعي

ممممممممممم
موضوع حلوو


حبيباتي مين بيقول الفلوس مو كل شي صحيح هي مو كل شي لكنها شي مهم جدا

انا لما تزوجت كان راتب زوجب 2500 ريال ويروح منهم 2000 ريال ديون
طبعا انا موظفة
لكن والله اول سنتين قدرنا انا نسدد ديون الي كان مفروض تسدد ب 5 سنوات
ايدي هلى ايده

والان الحمد لله السنة راح نشتري بيت
انا مصروف بيتي يكفي 1200 الى 1500 ريال
البيت اسكان من الحكومة ولله الحمد
صبرت مع زوجي وقفت معاه والله اعلم كيف مرت الايام علي والله 3 سنوات ما اشتري ولا اروح للسوق
المهم
انه زوجي ترقى جدا بعمله
ودخله صار ........ مابقول اخاف من العين
وانا غيرت عملي لعمل احسن بضعفين الراتب
وصرت ما رضى الا باحى واغلى شي

يعني الدنيا بدها صبر ومعاونة
ولما انا وزوجي نجلس نتذكر هيدك الايام نجلس نضحك
والله انا احب ذيك الايام فعلا كنا قريبين من بعض اكثر بس الحين هو مشغول دايما بشغله

مشكورين بنات على تفاعلكم

تدرين البنت نفسها تحدد هل تقبل فيه او ترفضه وهذا الشي من حقها

بس بقولج نصيحه اذا البنت مستواها المادي في بيت ابوها اعلى من مستوى زوجها المادي بشي كبير وانها ماراح تتأقلم مع وضعها الجديد فالافضل انها ترفضه لان صدقيني

صعب البنت تفقد شي هي متعوده عليه ولازم يكون تكافؤ في اغلبيه الاشياء علشان ماتصير بينهم مشاكل كبيره

اما اذا البنت مستواها المادي قريب لزوجها وحست انها بتأقلم وياه فالافضل انت تقبل فيه لان المستقبل جدامهم ورزقهم عند الله

مشكورين أخواتي على مشاركاتكم. وياريت تزداد المشاركات ليزداد النفع