والله اني اؤيد كلام بنت الكويت للي عندها اراده وتتبع الحميه عدل والله اني جربت اكثر دكاترة الكويت وانا الحين ماشيه مع دكتور للاسبوع الثاني حتى الدكتوره الهنديه اللي بالصباح رحتلها مولأني ماعندي اراده بالعكس اسوي رجيم واضعف اشوي وبعدين اتركه وهذا غلط المفروض اني استمر لما اصل للوزن المطلوب وكل دكتور واسلوبه وفي دكتور الناس تمدحه بس انا ما ارتحت عليه لأنه وصف لي حبوب اللي اتسد الشهيه وانا ما ابي هالشي لأن الحميه الصحيحه الأكل المتوازن الخفيف وعلى فكره في دكتور بعد امس سمعت عنه ما ادري اذا عندكم فكره او سمعتوا عنه او في وحده راحت له تقول لنا يمدحونه وااايد بس يقولون غالي اشوي (د . يوسف بو عباس ) صديقه لي قالت لي ان خالتها اتراجع عنده واضعفت حيييل اللي سمعت عنه ارجو انها اترد علي مع خالص الشكر

وانت صاجه احنا لو نسد حلجنا راح نضعف بس احنا وايد نخربط
يعني لو التزمتي برجيم عدل مع المشي والحركه والله اكيد راح ننزل عاد من يسمع
الانسان بطبيعته ضعيف نفس ويرغب في الشي الممنوع اهي مو رغبه بالاكل لا اهي لما ينمنع نشتهيه ونبيه اكثر
انا الحين لي شتهيت شي اتذكر شكلي ببدله عروس وانا بالهلوضع
طبعا انا متزوجه بس هذا مجرد تخيل شنو شكلي بشع
عاد اهون اليوم في الدوام وحده من البنات يايبه كيس كاكاو عاد قعدو يعزمون علي عاد انا رفضت بس للامانه كليت جحبه صغيرة عن خاطري ولما بلشو ياكلون وطلعو باقي الكاكاو قالو اكلي خبه حبتين ما تضر انا عاد رديتهم وانا ببالي شكلي اللي قلت لكم
والله طريقه حلوه لمنع نفسنا الضعيفة


زالله يوفق الجميع

مشالله عليه الله يوفقناااااااااا مثل ما وفقه ويعطينا اراده وقوة تحمل .. يارب :D

بصراحة أنا رحت عند الكتورين وعالجت عندهم بالنسبة للكتور طالب عالجت عنده من زمان تقريبا سنة 94م كنت

صغيرة و أمى ودتنى عنده بمستشفى الصباح وبصراحة شهادتى فيه مجروحة مهما أمدحة بس الغلط منى إنى لما نزلت

ما حافظت على وزنى ورجع زاد يمكن لأنها كانت رغبت الوالده الله يحفظها ويطول عمرها إنى أنحف وبالنسبة ليوسف ا
لخضر فهو دكتور زين بعد بس أنا ماراجعت عنده إلا كم مرة و ما كملت بسبب ظروف إن المستشفى بعيد عن بيتنا

وماعندى سيارة فراح على الموعد ومواعيدهم للى يطوفون تطول وما صار لى حظ أنزل و ألحين قاعده أسوي ريجيم

من نفسي أشوف إلى يناسبنى من الأكل و أحسب السعرات على إنها ما تتعدى الألف سعره باليوم .

أذيتكم بهذرتى بس للى تحب تعرف رأي بالدكتوريين الله يوفقهم .

السلام عليكم بنات
عندي سؤال ياريت تجاوبوني
انا ناوية اروح ان شاء الله للدكتور يوسف الخضر وهذي اول مره افكر اروح لاخصائي تغذيه لاني طول عمري كنت افضل اسوي رجيم بنفسي وللاسف ماكو نتيجه
المهم اذا بروحله اهوا يسوي تحاليل قبل كل شيء؟ او مو شرط؟ واالتحاليل هذي كم تكلف ؟ ويصير اسويها بالحكومي واخذها معاي للدكتور؟ ارجو سرعة الرد وهالسؤال هذا موجه للي تعرف عموما ولبنت الكويت خصوصاُ لانها الخبيرة هني مع احترامي للكل وشكرا