الســلام عليكم ورحمة الله ..
عاملين ايه يابنانيت
والله وماعليكم علي حلف انه مو هين علي انزل موضوع بدون مقدمه ..
ومو هاين علي اشوفكم تترقبون سواليف ولا اسولف <<ام الثقه
شوفوا يابنات ياحـلوات ..
في مرتن من المرات ..قلنا خلينا نسوي حلا مع القهوه ..
مع العلم اننا مو راعين حلا واشياء تسمن ..
<<بدون مااقول اكيد انتم ملاحظين الجفاف اللي فيني
واقوم انا واخيتي ياحبي لها ..
قالت وش بتسوين ..قلت مالك دخل <<لاني حسيت اني بامتحان والمفروض مااغشش احد
قالت احسن اصلا انا مذاكره زين ..ومير اهون جيت ابغششها ..لاني خفت مااعرف شئ واتورط فيه
قمت للمطبخ الساعه 5 وربع ..وقدمته 6 وربع ..يعني بساعه صار الحلا جاهز ..
وهـ بس لبى قلوبنا كلنا ..قولبن من هنا الى بيتنا
وابشرك النتيجه ترفع الرأس ..
والخطآب ترسوا البيت ..ورفضتهم .. *_*
اجل يجون عشاني اعرف اسوي حلا ..معصي ..
<<مشكله الحماس
بنات سؤال اخير ..
مو كني قلت ماعندي سواليف ..بسم الله علي ..الله يكفيني شر العيون ..
دوكم الحلآ ..
الحلآ الابيض اللي على جنب ..اللي كنه مايع ..<<توصف بيتهم الاخت
طريقته ..
1- جيبي قراطيس الحلآ العاديه ..انا افضل تكون كبيره الحجم احلى ..واهم شئ تكون ثلاث قراطيس فوق بعض ..حتى الحلآ مايسيل من جهه الى جهه ويخرب عليك المنظر ..
2- حطي في القراطيس ملعقه نوتيلا ..تكون ذايبه على حراره المطبخ ..
3- حطي فوقه بسكـوت نبيل المالح ..الدوائر ..معروف ..ولو مو عندكم استبدليه باي بسكون دايري الشكل مالح ..
اضغطي على النوتيلا بخفيف عشان يتداخل مع البسكوت ..
4- في الخلاط نصف علبه نستله ..5 حبات كيري ..وصبيهن فوق البسكوت ..
5- صفيهن في صينيه ..ودخليهن الفرن يكون من تحت لين يتماسك الخليط ..وزيني الوجه بالفليك او الجالكسي المبشور ..
وبعد مايطلع دخليه الثلاجه اقل شئ لمده ربع ساعه ..لانه النوتيلا ذابت وهي بالفرن ..
وكل ماتاخر صارت النتيجه احلى بكثير ..وتماسك اكثر ..وشكل رهيب ..بس انا تراني استعجلت عليه وماجمد مااره ..والا كم مره اسويه ويهبل ..
...
هذا الله يسلكم اول شئ نحتاج الى قوالب مثل اللي تحت ..لاتقولون وين نلقاها ..تلقونها بكل مكان ..
بكل مكان ..يمكن بالصيدليه بعد يبعونها <<اسم الله على اللطافه اليوم
بعدين ..نسوين العجينه حقتها ..
1- كاس طحين ..نصف اصبع زبده ذايبه على حراره الغرفه ..نصف فنجال ماء ..
فنجال سكر ..2 حبه جبن كيري ..تعجن مع بعض لين تتماسك لو احتجتي الى ماء زيدي ..انا اضفت تقريبا الى فنجال ..
ملاحظه : العجينه حسيت فيها نقص بالطعم ..حسيتها تحتاج الى نكهه قويه ..والمره الجايه باذن الله ابضيف ملعقه صغيره ليمون وبرتقال ..حلو الطعم اللاذع مع الحلا ..
2- تفرد العجينه ..وتقطع وتشكل وتدهن القوالب بالزيت ونرض فيها الشكل ..لين تخلص كل القوالب ..
حاولي العجينه في القالب ماتكون ثقيله حتى ماتخرب عليك ..ومايكون لها اي طعم ..
3- في الخلآط ..نصف علبه نستله و4 حبات كيري ..وبعدين صبيهن فوق القوالب ..لاتعبنها ..لانه لسه باقي خلطه ..
تقريبا الثلاث ارباع ..
4- دخليه الفرن لين تزين العجينه ..ويتماسك الخليط السائل ..اذا زانت من تحت ..شغلي عليها من فوق تتحمر شوي ..
5- لما تطلع من الفرن وهي حاره حطي عليها ملعقه نوتيلا ذايبه ..او جالكسي مذوب بحمام مائي ..
حاولي تحركينه وتوزعينه بخفيف عشان مايخرب عليك المنظر ..
6- زيني الوجه باللوز المبشور ..وجوز الهند ..
7- ..دخليه الثلاجه تبرد طبقه الشوكولاته ..
وبالعافيه ..
صوره ثانيه اخاف نستوا شكله ..
..