---]]]]---

السلامو عليكوم ورحمتو اللهي وبركاتوه

ترى العنوان تمويه بس عشان تدخلونه <=== صريح


انا واعوذ بالله من كلمة انا , قدر الله علي وطلعت على هذه الدنيا نحيف (وراثه يعني)
وحاولت بشتى الطرق وحاولت ولاكن بدوون اي فايده

كل شي يطري على بالكم جربته...حبوب وخلطات ومطاريس ونوادي رياضية وللاسف بدون جدوى... لدرجة اني شربت فنجال زيت عافية =====> يسمع بالسمنه
وكل شي اكلته وشربته مثل ما اختي ندى تشرب الفمتو بس ماتغير شي

وشفت المواضيع المثبته..ولله كلها كويسه وتشكرون علينا بس مافادت معي .
انا بديت اشك اني مب انا ..يعني احس اني نص انسان والنص الثاني في بطن امي ماطلع الى الحين..مدري شكله يتغلى : )

ابقولكم سالفة صارت لي بس خلوني اخلص من شرح معاناتي

وزني 62

وطولي 180
......ايه ايه زارفه داري انكم بتقولونها بس عادي خلاص تعودت عليها : (

المهم ياشباب وياشابات انا داخل على الله ثم عليكم. ابغاكم تعطوني حل للمعانتي لأن بصراحه الدنيا قفلت في وجهي وتأثرت نفسيتي وحالتي حاله

اذا تعرفون (ابر) او شي (كيماوي) ينفخ الجسم او هرمونات يعني اللي له في هالامور لايبخل علي..حتى لو كيروسين تراها مستويه معي ومخربها ومستعد للاعراض حتى لو كانت مدة حياتي 10 سنوات اذا سويت الشي هذا, ماعندي اي مشكله . اهم شي اعوض السنين اللي راحت واشوف نفس بالمرايه واحد دب منتفخ وشحليله

ابي الناس تقولي يادب....اتمنى امنيه يقولون لي يادب تعال.....يادب رح.....يادب جب لي ماء=====> تحمس : |

قبل كم يوم شافني واحد وقال يانحفك..قلت: ياحظك <=== منقهر
قال وهو يتطنز: ليش ماتسوي زي عشتار(امل عرفه) تلبس ملابس وتسمن نفسك بالملابس

وبعد ماقال هالكلمة *سقطت من دموعي العيون*...قصدي من عيوني الدموع

فعلاً الله ياخذ ويعطي والحمدلله على العافية ولاكن نسعى للافضل على ماقال المثل:"المرأة تضحك في كل عرس وتبكي في كل جنازة." <=== ماله دخل بس صدق راعي المثل

اسف طولت عليكم بالكلام ومصختها بس للضروره احكام

والسلام مسك الختام

اخوكم اللي وزنه ثنين وستين وطوله ميه وثمانين...عبدالمجيد