تذت الجدول ناسبني بشترك
وتحياتي

السلام عليكم ورحمه الله وبركاته

هلا اخواتي اعتذر اولاً لاني خليتكم تنتظرون بس والله كله عشان ارتب الجدول .. الجدول راح احطه اليوم وتبدون فيه وقت ما تحبوا اليوم ولا يوم السبت براحتكم بس انا بحطه االيوم لان الاسبوع الجاي اختبارات يعني يمكن ما بلحق اخش بس راح استمر بالجدول حتى ولو ما خشيت ونهايه الاسبوع الجاي كل وحده تخش وتقول وش تحس انه تغير فيها اوكي ؟؟

اولاً بالنسبه للريجيم ..
انا عن نفسي متبعه ريجيم للاخت جوردن وهو مو ريجيم هو تنظيم الاكل اليومي وبجد انا مرتاحه فيه كثيررر ..
نزلي من وزنك عشره كيلووو بس وبسهوله "مجرب"
ولو احد منكم ما ناسبه ممكن تاخذ ريجيم لمدة شهر والريجيمات ماشاء الله مليانه المنتدى اوكي ..

ثانياً بشره الوجه .. يومياً
تنظيف الوجه والرقبه ثلاث مرات يومياً..لبرنامج اليومي لتنظيف البشرة عبارة عن جل منظف وتونك وكريم مرطب ومغذي ..
ولازم كمان يومياً وضع قناع واحد او اثنين بشرط انك تستمرين عليه طول الشهر انا عن نفسي راح استخدم قناعين بالعصر قناع الورس مع الزبادي ..
وقبل النوم دقيق اسمر + حليب نيدو + شويه ماء ..<< هذي الخلطه انا مجربتها روووعه من جد روووعه .. وعمل حمام بخاري للوجه مره بالاسبوع بالطريقه اللي تحبيها ..

ثالثاً العيون ..
راح نسوي عشبه البابونج قبل النوم لمدة نصف ساعه وطريقه عمل البابونج هي غلي عشبه البابونج ومن ثم اخذ المويه المغليه ونصفي العشبه منها ونحطه بالثلاجه حتى يبرد وناخذ قطعه قطن ونبلله بمويه البابونج ونحطه على العين قبل النوم نص ساعه بس .. ويحفظ بقيه المويه بقاروره وتوضع بالثلاجه ..

رابعاً .. الشفايف ..
قبل النوم يفرك بالليمون وبعدها نحط مسحه عسل على الشفايف تصير بجد رووووعه

خامساً الرقبه ..
نفس الخلطات اللي بتسويها لوجهك سويها لرقبتك واحرصي على ترطيبها دائماًً ركزي على داااااااااااااااائماً ..

سادساً الصدر
في المنتتدى خلطات كثيره لتكبير او تصغير الصدر بس انا عن نفسي مقتنعه بصدري وعشان كذا انا اسوي خلطه تحافظ على نعومه وبياض الصدر وشده بطريقه حلوووه جداً الخلطه هي مكعبات الخيار المثلجه تمرر على الصدر قبل النوم ..

سابعاً الجسم
انا عن نفسي مو مقتنعه بخلطات تبييض الجسم بس أكيد فيه مواضع سوداء بالجسم لازم تتصفى وتصير مثل بقيه الجسم ..
بس اولاً الكل مننا يعاني من ترهل الجسم فعشان كذا راح اسوي بجسمي خل التفاح وفيه خلطات كثيره حق الشد بس انا عن نفسي ارتحت للخل وان شاء الله راح اداوم عليه ليلاً ولكم حريه الاختيار لان فيه بنات كثير ما يحبووون ريحة الخل :01:
وكمان لازم حمام البخار الاسبوعي للجسم سواء حمام مغربي او حمام بخاري عادي براحتك يعني ..

ثامناً..الخطوط البيضاء ..
انا اعاني من الخطوط اسفل ظهري وعلى اكتافي واستعمل لها كريم انا كاتبه عنه تلقونه موجود بتوقيعي ..

تاسعاً .. الركب والاكواع واليدين والاقدام ..
قبل النوم يفركوا بالليمون ولما ينشف الليمون نضع كريم جليسوليد عليها ونلبس لبس ثقيل عشان يترشح وفي الصبح يقشر بأي مقشر تفضليه بس الاحسن مقشر الملح والليمون ومن ثم يغسل ..

عاشراً الشعر
انا بصراحه شعري مافيه اي خلل غير التقصف ومالقيت له حل غير قصه شهرياً والمنتدى فيه خلطات كثيره حق الشعر اللي ينعم واللي يطول واللي واللي ...
بس انا راح استخدم لشعري حمام زيت بالفواكه عند كل استحمام ..

................................................................

كذا اكتملنا من المفردات والاشياء اللي راح نستخدمها والترتيب اي نعم مو محدد بس انتي حددي براحتك ورتبي بحيث يتناسب مع جدولك اليومي ..

واي سؤال واي استفسار اسئلي وانا تحت الخدمه وراح احاول ادش حق ربع ساعه ارد واطلع بسرعه ..

ولو اي وحده كمان عندها اقتراح او ماعجبها شي بالجدول تقول

واللي ماناسبها خلطات الوجه ممكن تستبدلين غيرها باللي يناسبك ..

اختكم في الله

روان

ادعوووووووووووووووولي يابنات

لسلام عليكم
انا معكم
بالنسبه لجسمى ادهمه يوم ورا يوم جلسرين سايل مع ليمون وشوية مسك عشان ما يتعفن احطه في الليل واغسله النهار لما اصحا بس صراحه وجهىما حطيت خايفه ؟؟؟

وبعض الأحيان اعمل حمام مغربي وخلطة الاخت شسالفه ؟
الشعر بديت استخدم زيت برشوت

وبالنسبه للوجه ودى اجرب الزبادي مع الورس ولا ايش رايكم زبادى مع ليمون ما دري ايش الي تتوقعون يعطى بياض اكثر

يعيطك العافية حبيبتي الغلى على الجدول الحلو:26:

هلا اختي الله يعطيك الف عافيه على هالمجهود وانا معج ابتداء من اليوم ان شاء الله :27:

جدولك حلو بالنسبه للريجيم

هذي الطريقه متبعتنها من زمان لكن للاسف مانزلت مني ولا كيلو مادري ليش بعدها اكتشفت انه عندي خلل بسيط في حرق الدهون فاستعملت نوعيه من الحبوب ساعدت انه ينزل وزني 5 كيلو بالشهر هذا لاني ماكنت امشي لكن الحين بديت امشي ساعه في اليوم وان شاء الله بوصل للوزن الي يناسبني قريب ...

وعن الصدر استخدمت وصفة سيدة الوسط عن عصير تفاحه وماكنت متوقعه نتائجها بهذي السرعه صدري شويه انشد ولونه صار قريب من لون جسمي واحلى بعد ...

والجسم كنت استخدم الخل احط فنجان قهوه منه في الماي بس توقفت عنه لو كانت طريقتك مثل طريقتي او تختلف ياليت تخبريني علشان امشي بطريقتك

الخطوط لله الحمد كنت اعاني من خطوط الولاده بس خفت بشكل ملحوظ حتى جسمي وبطني واكتافي وصدري انشدوا وكله بسبب زيت السمسم ...

اليدين والارجل والركب والاكواع نفس طريقتك

بس شعري اعاني من تساقط وتقصف وتعباااااااااااااااان جدا لكن بعد استخدام عدة وصفات استخدمها تضبط الحمد لله

كل جمعه استخدم حنه +بيضه+بقدونس +جرجير+ زيت زيتون ومااغسل شعري الا بماي وثاني يوم بشامبو

وكل ثلاثاء الافوكادو بالخروع

واذا ماكان معي افوكادو احط موز + بيضه + زيت زيتون

ونفس الشئ مااغسل شعري الا بماي وثاني يوم شامبو حمام زيت بعد كل عملية غسيل

بشامبو واستخدم فاشكول بزيت الحيه والحمد لله النتيجه مريحتني بقوه