🙋

والله قعدت اختكم لسا.عه عشر ماطب عينها النوم واجيك اتصل على الوليف ياوليف وينك طبعا بصوت ناعم تتغدا معنا قال لا العصر ابحرك والعشاء وانا عندكم انت متوكد قال ايه قلت يلا انتبه على نفسك من الخط وفي قلبي استعد للفضيحه والله واطقها نومه قلت خل اشبع نوم عشان انصفق وانا مصحصحه المهم صحيت الظهر ياخي ليته قد جا وصفقني الف كف وارتحت ولا المذله الي انا فيها يابنت اواجهه واسوي نفسي قويه والشعر شعري بس هو محرم يعني بياخذ الشغله عناد وهو انسان مغسول وجهه بماجي منتهي الصلاحيه مواجهته مثل سيارتين تصادمت وجه لوجه يابنت قولي غاز بق في شعرك بس بيحلفني والشغله ماتسوى احلف كذب وش الحل واخذ الجوال وادق على ام زوجي واعزمها عصريه ياعمه تعالي ابيك بموضوع ولا ينفع بتليفون سمعت قلبها يوم انخرش بسروالها خير يابنتي قلت مايصلح لزوم فيس لفيس والله واقفل واتصل على المروحه الي قصت شعري قلت ابغا كيكه تكفرين فيه عن العار الي سويتي بشعري قالت ابشري والله واجي اشغل البقره في البيت قلت بتطير الشياطين وتدخل الملايكه لعل وعسا والله وتجي عمتي علساعه اربع ووجهها فيه الف سؤال طبعا الله لايوريكم عيونها فيني والشعر وحياه بقعاء وتعطيني ذاك الابتسامه كنها تقول الله يشرهك والقصه والله ياهو انقص وجهي وهي تطالع شعري المهم كلمتها قهوويتها وهي قربعه القهوه بحلقها اخلصي وش عندك قلت ياعمه العلم سلامتك وانا ماخذه وضعيه المسكينه والي ماترفع عينها بزوجها المهم ياعمه فلان حرم علي ماقص شعري وربي شاهد ان مانويت ازعله ____يتبع