شاركي في النقاش

سجلي الدخول لإضافة تعليق.

التعليقات

62
  1. @ordh_korshyh

    صاحبة الموضوع
    ايوه وين وصلنا ايه المهم ياعمه فلان حلف وانا والله ماودي يزعل واالله العظيم ماودي انه يزعل مني ولا يقول اني ابعانده السالفه ناديت كوافيره الظاهر ياعمه انها شيعيه شوفي كيف قصته وانا قلت لها تشيل بس التقصف طبعا منظر شعري يخلي الواحد يصدق ان الي قصني كان يتعاطى هروين المهم تفاعلت والله وتاثرت ودعت على الي قص شعري يوه يابنتي والله مافي قلبها خوف من الله عطبت شعرك الله يعطب يمنيها المهم وياعمه تكفين ابيك تجلسين لين يجي فلان خايفه من رده فعله قالت ولا يهمك يابنتي شعرك بيطول ولا عليك خلاف ونتي لاتخافين ماهو صاير الا كل خير وانا بخليه يرجعني لبيتي وابكلمه والله ويمر الوقت طويل مقطوع نفسي متى بيجي وانا كل شوي بلحمام متى بيدق الباب والله وجات الساعه المكتوبه تشك تشك تشك صوت مفتاح بالباب هنا انا تحولت براد تحفه ملعقه قدر المهم انقطع نفسي واقوم وانا امط شعري ودي يطول شوي براطمي نشفت اكسجين مافيه والله ويروح ولدي بابا جدتي هنا والله واطلع وجه بدون ملامح الملامح مختفيه هلا والله يالله ان تحيه اسفرت وانورت يامرحبا تخيلو ماقال شي ولا بان عليه شي والله ودخل سلم على امه وجلس يسولف وطبيعي وتعشينا وانا كني تطمنت والله وتقوم عمتي يلا يافلان قوم وصلني قال ابشري عرفت انها تبي تكلمه وراحت نص ساعه وجاء
  2. @ordh_korshyh

    صاحبة الموضوع
    المهم سمعت الباب انفتح واشرد المطبخ علاساس اني انظف مستحيه مالي وجهه لو القصه طلعت تجمل اشوا لاكن في ذمتي اني اطالع المرايه اتفشل والله واقعد نص ساعه وهو ماله حس قلت يابنت خمد واروح الصاله سمعني نادني هلا امرني قال تعالي ابيك طبعا براطمي هنا تيبست هلا ياعمري طبعا اخر مره قلت له عمري قبل يمكن سبع سنين قال اجلسي علميني وش تبين قلت سلامتك واطقها ضحك هنا حسيت ان المقلط عند اهلي ينتظرني وهو يطالع في شعري وساكت انا قاعده اطرقع اصابعي قالت اسمعني عارفه اني كسرت كلمتك لاكن ولي يخلي لي اولادي ماقصدي كان قصدي اسوي شي يعجبك قال وانتي راضيه عن نفسك قلت لا ماطلعت القصه مثل مابي لعبت الكوافير بشعري لاني لو قلت جارتي بيسوي عرضه في البيت وياحبيبي قلت لها بس تواسيه وربي مو قصدي الي صار ولا قصدي اكسر كلمتك ولا ازعلك طبعا العاده صوتي يوصل حفر الباطن هلمره غير والله وينزل فيه جلد انتي شفتي وجهك شفتي شعرك كنه شعر تيس انتي ماخجلتي من امي المهم تكلم لين ورمت بلاعيمه وانا ولا كلمه يوم خلص واقوم احب على راسه يابن الحلال والله اخر مره وعارفه اني اخطيت وعاد ابشر بلي يرضيك وانا عصاك الي متعصاك واستاهل كل الي يجيني هنا حسيت انه استحى على نفسه وحس انه سي السيد وصاحب الكلمه حسيت انه رحمني المهم قاعد يحلف ساعه لولا امي لافعل وافعل طيب وانا الي نشفت براطمي من ظهر بس يلا اهم شي عدت على خير يالله له الحمد