كوبونات الراقية تسجيل الدخول

باقي فرح
باقي فرح •
**************
الاثنين
نجود
12.30 ليلاً

**************

خلاص الحين لااحد يناديني نجوووود

اسمي الان... حرم فهد..

ااااااااه من هالفهد..

قولوا امين الله يرزق كل من يقرأ باقي فرح من العازبات
زي فهد
يجنن يانااااااااااااس...

من تملكنا..وهو مهبل بي بالاتصالات والمسجات
كله كووووم والهدايا كوووووم ثاني...

عليه حركات غير طبيعية بيخبل بي...

تصدقون مرة ..دق علي الساعة 11 بالليل..وهو بالشرقية..
وسواليف..لحد ماقلت له ..

نجود: حبيبي..خلاص تراك شهيتني...وانا جوعااااااااانة..
ومتعيجزة اسوي شئ اكله...وبي نوووم!!!
فهد: الاولى مقدور عليها بس الثانية..سامحيني ياعيوني....
نجود: ايه هين مقدور عليها...وانت بالشرقية...
فهد: طيب حبيبتي..ولو قلت لك ..مع السلامة..هالحين بس ياويلك تنامين!!!

تدرون وش صار!!!

بعد نص ساعة..دق باب الشارع...راح نواف يفتح








من صاااااااااار!!!
























لا موب فهد!!!
بس شئ من ناحيته

صار طالب لي من المطعم ولا ...وباسم مدام فهد
وعلى حساب نوااااااف...هههههههههههاي
دخل نواف و حط الكيس على الطاولة بالصالة....

نقزت مشاعل ..وفتحت الكيس..
وتشمشم هالريحة.. حول ينشق خشمها..

مشاعل: الله على هالريحة....مشكور يانواف..وش دراك اني جوعانة...
نواف: موب انا..هذا .."ويأشر عليّ"...فهد طالبه مخصوص للهانم...

ولف ورقى الدرج..تارك الكيس بين يدين مشاعل!!!
مشاعل: ياسلام...هالحين رجلك يطلب من الشرقية..واخوي اللي يدفع!!!..
لاوالله ... كريم من مال غيره..عاد مالقى يطلب الا مشاوي ..على هالليل!!!
نجود: لا بعد تتشرطين!! لاتصيرين حاطة عينك عليه..
لا ياحياتي ...فهودي ..مرسلة مخصوص عشاني..
مشاعل: وش هالكلام يانجود..انا ابدا ماتسمح لي مبادئي
اني احشرنفسي بين زوج وزوجته..ابدا..حتى لو تعلق الامر بالبلع..

..وسحبت الكيس..وفتحته ..وبدات تاكل..

نجود: مشاعل ومرّ...هماك مسوية رجيم..
مشاعل: يابنت الحلال..هذي خفايف!!!

قمت..ورقيت ..بعطي نواف قيمة هالطلب..وانا بالدرج..
نجود: مشاعلوه...ياويلك لو خلصتيه...

مشاعل واثمها مليان: لاتخافين..بابقي لك القراطيس..وهالباغة...وقوطي البيبسي..


طنشتها..ورحت لغرفتي واخذت مية ريال..

طقيت غرفة نواف..
فتح الباب وشكله كان نايم..ياعمري ياخوي..قومتك..!!
نجود: اوووه..سوري ..نواف..قومتك!!
نواف: خير..لايصير هالحين ..طالب باسكن روبنز بعد!!
عشان تهضمين!!!ترى مامعي الا هالخمسين ...
وعطيتها راعي المطعم...

استحيت منه..صدق فهد احرجني مع اخوي..
نجود: لا..وتقدمت ودسيت مية ريال في جيب بجامته..
مسك ..يدي..وطلع المية..وحطها بيدي..وطبق عليها بقوووة
نواف: عيب.يانجود...بلا بياخة..والحين ممكن تخليني انام..

وصك الباب بوجهي..
قلت من ورى الباب: تصبح على خير..
ودسيت المية من تحت الباب..ورحت اركض..ونزلت الدرج..

وانا انزل..سمعت صوت مشاعل تولول..
مشاعل: اااااااااي يابطني..اااااااااااي..بموووووووت...الحقوني..

وش بها..انهبلت بهالليول ؟؟؟
ارتعت شفت وجهها احمر..ويصب عرق!!!
نجود: مشاعل وش بك!!

خلود..جاوبتني وهي شايلة كاس شاهي اخضر...وطالعة من المطبخ
خلود: يمكن انها كثرت وبطنها ماتعود..مع هالرجيم!!
ومدت الكاس لها..بس مشاعل بدت تصيح
ياويلي الموضوع جد..جلست جنبها ..وخلود على الجنب الثاني..
مشاعل: قل امين..يعلك ماتربح ..يافهيداااان..
خلود: خوذي اشربي..
مشاعل: ماقدر..ماقدر ياخلود..بطني يخض..تقل غسالة..ااااااااه,,,
ياعلك تموت جوعاااااااان يافهيداااااااااان...

خير ان شاء الله وش ذنبه فهد!!!
احد حلف عليك تلحسين الصحون...

نجود: هيه..انتي..ترى مااسمح لك..تدعين على فهد..من قالك تبلعين!!!

خلود..رفعت عيونها..وناظرتني نظرة غريبة...
كانها تلومني..ياسلام..انا ماسمح لاي احد..يدعي على حبيبي...

خلود بكل حنان: مشاعل..حاولي تشربين شوي..
هذا شاهي اخضر..ومرامية..ويوم شافت مشاعل رافضة..
قالت ..اقوم نواف يوديك المستشفى..؟؟
مشاعل..وهي تصيح بقوووة: لالالالالاء..بيتطنز علي..عارفته..
خلود..ااااااااي...ااااااااااه.....جيبي لي خروع..يمكن يمشي بطني..
بمووووووووت ..
احس هالكباب قاعد بذاا..."واشرت على حلقها"..اااي..
واااااااااااااااااع واااااااااااااااع..
الله يكرمكم ..واستفرغت ..

قرفتني ..اعوذ بالله..
وخلود..مسكت راسها..وهي تسندها على صدرها..
يع..يع ..يع..

الله يحوم كبدك يامشاااااااعل..كنت جوعانة..بس هالحين سديتي نفسي..

خلود بصراخ: نجود..جيبي مااااااااء بسرعة..

جبنا الماء..ومشاعل ارتاحت عقب ماسوتها..
طاحت على الكنب ونامت..ويدها على بطنها..
ياقلبي عليها تكسر الخاطر..
وخلود..جابت بطانية وغطتها..ونظفت المكان..
ماشاء الله عليها..وشلون..ماتحوم كبدها؟؟؟
ووووووووووووووووع

~~~~~~~~~~~

نجود: منيرة حرام عليك والله لو انا اطلبك الجنة...!!!
منيرة: صدقيني من الصبح وانا الج على سلمان عشان يودي هالكتالوجات لك
بس معييّ...يقول مدام الدعوة بها نجود..دقي على فهيدااااااان!!!
نجود: فهيدااااااان بعينك وبعين اخوك..زين..اوريه هالسلمان!!!
منيرة: طيب ارسلي لي شاكر...ياخذهن..
نجود: شاكر مايدل بيتكم الجديد ..هذي المشكلة!!
منيرة: ايه بلاك من كثر ماكسرتي عتبت بابنااااااااا...
حرام عليك يانجود..بتتزوجين وبنتفرق..ومتى عاااااااد نتقابل...
نجود: يالله عااااااد...لاتفتحين لنا مناحة..مصيرنا بنصير سلفات!!!
منيرة : سلفاااااااات!!!!
نجود: ايه سلفات..والا نسيتي فااااااااارس!!!
منيرة: يع يع يع عسى فارس ولد خالي علي..
اعوذ بالله من شر ماخلق...
ايه اخذتي الوسيم وتركتي لي ..
قاطعتها: والله انه وسيم..حرام عليك لاتظلمينه ..
بعدين الرجال ماتنقاس بجمالهااااا...
منيرة: اجل بادليني خوذي فارس وعطيني فهد..
نجود: وجــــــــــــع ياقليلة الادب..صدق بنات الحين ..خطفات الرجال!!!
منيرة: اشوف طلع اللي عندك!! مو توك تقولين الرجال ماتنقاس بشكلها!!!
نجود: يالله عااااااد..انتي حصلي اصلا زي فارس بعدين تعالي تكلمي..
منيرة: هالحين منيرة بنت سليمان ..تتزوج فروووس!!!!
هههههههههه نكتة الموسم ذي!!
نجود: انا اشوف الولد..متبطح عند بابكم ينتظر..نظرة منك..
مشكلة اللي ياخذ بروحه مقلب ... اذا انك مولودة وبثمك ملعقة ذهب
ذيك الساعة احلمي ان فارس يخطبك!!! ههههههههههههههه
منيرة: زين يانجود..خلي اخو رجلك ينفعك..وخليه يعطيك الكتالوجات..
نجود: لالالالالالالالالا منيرة امزززززززززح معك..صدقتي
افاااااااا عليك..اصلا ..فارس يحلم ..
منيرة قاطعتني: تراك حومتي كبدي بهالخايس..
فكينا..الا ماقلتي لي وش بتقصين شعرك..اذكرك معجبتك الفراولة!!!
نجود: اهئ اهئ اهئ ..لافراولة ولابردقااااااااان!!!
منيرة: وشووووووووو
نجود: فهد مارضى اقص شعري!!!
منيرة: وان شاء الله يالخبلة رحتي تطلبين الاذن منه!!!
نجود: لاتنسين انه صاااااااار رجلي...
منيرة عصبت: انتي مابك عقل..اكيد..لحس عقلك هالفهد!!!
توي اكتشف انك دهدرة!! اجل رايحة تشاورينه..وين اللي يسمونه سبرايز!!!
نجود: خلاص منيرة لاتضيقين صدري عاااااااد..
اصلا هو يوم الملكة..مسك خصلة من شعري..
وقالي لي..نجود..امووت لو المقص يلمس شعرك..
ترى اغار عليه حتى من المقص..
منيرة: جعلك للمقص اللي يقص...
نجود: بـــــــــــــــــــــس..ياويلك تكملين!!!
منيرة: طيب ان شاء الله يغار عليه من الصبغة بعد!!!
نجود بياس : مدري!!
منيرة: نجود اكلمك بعدين..صراحة انتي وفهيدانك..
رفعتوا لي ضغطي..
هذا احمد اخوي بيطلع..ابعطيه الكتالوجات..
بعد لايصير يغار على عيونك من الكتالوجات..
نجود: منيرة حراااااام عليك..لاتتنطزين..بكرى لاقالك فارس..اذكرك..
منيرة: الظاهر انتي ماتبين الكتالوجات!!!
نجود: لالالالالالا خلالالالالالاص اتووووووووووووب...مااطري هالفارس ابد...

^
^
^
واخيرا ,,,,وصلتني الكتالوجات بطلعة الروح من منيرة
فورت دمي..يوووه..
ياحليله احمد جابهن الله يجزاه خير..موب مثل هالسلمان العجاز..
باقي فرح
باقي فرح •
*****************

ام سديم
8.30 ليلاً

*****************
((لانك عزيز..وكلمة الحق تنقال.. تدمع عيوني..كل ماضقت منك))

ماتصدقون وشكثر مشاري..
شاااااااااغل بالي...

وين مشاري الاول...
وين الضحك والسواليف...
وين المزح..والتعليق..
وين كلمات الشكر..وعبارات الغزل..والحب..
كل شئ اختفى بلحظة!!!

وماني عارفة ليه؟؟؟...

طبعك تغير ومالقينا له أسباب

ولاني مقصر فيك ولاني بحافي

كانك على فرقاي تفتح لي باب

تقسى علي وماجرى منك كافي

عشيت بناتي..ونومتهن..
دخلت واخذت شور..ولبست ..
بجامة حرير وردية..وتعطرت..
وانا امشط شعري..افكاري...توديني وتجيبيني..
انا حاسة..ان مشاري..وراه شئ يخص حياتنا حنا الاثنين!!!
والا وش اسمي هروبه ...وغيابه عن البيت!!!!

بس لازم..نجلس ونتصارح..اسلوب الهروب..ماينفع ابداً..
حطيت كحل خفيف وماسكرا..وروج وردي..
وخليت شعري..ينساب الى نص ظهري..
انتظرت وانتظرت...
دقت الساعة 12 والرجال ماشرف؟؟؟

قلبي قارصني..اكيد الموضوع فيه شئ؟؟؟

سمعت صوت المفاتيح..قمت ورتبت شكلي..
ورسمت ابتسامة على وجههي
هي ابعد ماتكون عن مشاعري المتضاربة..الخائفة..
عفراء: هلا والله بنووووور البيت...
مشاري..: هلا..وين البنات؟؟
عفراء: نايمات!!! ماتدري ان الساعة 12 الحين!!!
مشاري..لف وتعلقت عيونه بعيوني..
تنهد وهو يقول: كان هذا تلميح..على تاخري..فانا اقولك
اذا عاجبك ..والا الباب ..يوسع جمل...
عفراء: مشاري..وش هالكلام!!!

مشاري..دخل المطبخ..وخلى سؤالي معلق..
كما هي مشاعري..واحاسيسي...

لحقته...
عفراء: مشاري..وش اللي غيرك؟؟؟
مشاري: سبحان اللي يغير ولا يتغير...
عفراء: ليه..وش السبب!!!!
مشاري: كذا..دوام الحال من المحال..بعدين شكلك شبعانة
نووووووووم..وتدورين احد تتفلسفين عليه بهالليل..
وانا تافلن العافية..
تصبحين على خير...

وطلع ..ورقى الدرج..والنار بقلبي تحرقني...

دخلت غرفتي..لقيتها غارقة..بالظلام..ماعدى ضوء هزيل..
ينبعث من ابجورة..في زاوية الغرفة..
ومشاري..قاعد على السرير..
ومتركي على الوسائد...
وراحل في صحراء افكااااره الغامضة....

تقدمت..وجلست..بالقرب منه..لا مو لاصقة..
لاني ابي اواجهه وادري..وش السالفة..

عفراء: مشاري..حنا لازم نتصارح ..
مشاري:.......................................
انتظرت وانتظرت..بس للاسف..مااسمع غير انفاسه...
عفراء: مشاري..تسمعني!!!..
مشاري:.......................................

حطيت يدي على يده..بنعومة..وقلت: مشاري..وش بك!!
توه انتبه لي..وشال يده من يدي..وهو يقول: مابي شئ..
عفراء: حبيبي..انا معك من سبع سنين..
لا تقول مابي شئ..هالكلام مايمشي علي..
مشاري: عفراء انتي ماتفهمين..قلت مابي شئ
بتنامين والا اطلعي وطفي اللمبة ..بنااااااااام..

وشال الوسائد..وجدع راسه...وعطاني ظهره..وتغطى...

تاملته..وترقرت دمعتي بعيني..

وطلعت من غرفتي..جدعت نفسي على
اقرب كنبة وفتحت التلفزيون..
ابي انسى مشاري..

ولكن دموعي..حرمتني..اشوف اي شئ..
حطيت يديني على وجهي..واجهشت بالبكاء..
حسيت بيدين..تحاول..تشيل يديني ..عن وجهي..

فتحت عيوني..وتعلقت بعيون..سديم..
اااااااااه ياصغيرتي...

سديم: يمه..وراك تصيحين..
ابتسمت من بين دموعي..: مابي شئ..بس شوي راسي يوجعني..

طلعت وخلتني...تنهدت..وانا اقول..
تعوذي بالله من الشيطان الرجيم ياعفراء..
هذا ابليس اللي يوسوس بك..
مشاري...مابوه الا العافية..بس اكيد فيه شئ شاغل باله..
ومايبي يزعجني..ويضيق صدري بعد..يابعد قلبي يابو سديم..

امتدت لي يد صغيرة..

سديم..مدت لي بنادول..وكاس مااااااااء..
ياقلبي بنيتي صدقت ان راسي يوجعني..
ياحبيلها..اخذتها..وخميتهاااااااااااااااا

عفراء: قولي امين الله يوفقك يابنيتي..ويرضى عليك.....
ومدري ليه...
تدفقت شلالات من الدمع الحارق على وجنتي...
يوم حضنت فلذة روحي...
باقي فرح
باقي فرح •

***********************

الاربعاء
خلــــــــــود
8.30 مساءاً

*********************

عقب ماتملكت نجود..خلاص ..
جاني احساس ان الفاس طاح بالراس..
وان فهد كان ماضي بحياتي وانتهى...
نزلت....كان البيت هادي..امي وخواتي رايحات للسوق..
بدت نجود تجهز للعرس..من قلبي اقول ..الله يوفقها...
طلعت للحوش..وبيدي كاس نسكافية..
احس بصداااااع فضيع...
اللي مريت فيه الشهر الماضي..
كان جدا مؤلم وصعب..بس خلاص
تجاوزت وتجاوزت كل هذا باذن الله

تذكرت الاسبوع اللي فات ..يوم كلمت هدى..
وقالت لي اني فاضية وادور ضيقة الصدر ..فعلا..فكرت بكلامها ..
وقارنت حالي بحالها..رفعت راسي ..شفت القمر متوسط بين النجوم..
ولمعت بعيوني دمعة..شهدت القمر على كلامي..اني راح انسى فهد من قلبي..وبااااااااااااااالي..ادري صعب ..لكن مو مستحيل...

((بذمتك يا دمع كم لي وانا ابكيك
كم مرة ارجوك تستر جروحي
كم مرة اقسمت في العين اخليك
تشرب زلال الملح من حر بوحي))

مرور فهد ببالي..ذكرني بهيفاء..احس بتانيب الضمير..
تجاهها..حطيت يدي على التعليقة اللي اهدتني اياها..
هالتعليقة هاذي بالذات تعني لي الكثيـــــر...
دمعة ومن هيفاء!!!!

شلت جوالي..
طلعت رقمها..جيت بدق عليها ..بس شئ بقلبي منعني..
خفت ..من ردة فعلها..
لانها كم مرة تدق وانا مطنشتها ...ترسل مسج ولاارد عليها.....
..حرااااام علي اللي سويته فيها؟؟؟

معقول ..كانت علاقتي فيها مبنية على المصالح ..
يعني كنت ابي منها تقربني من فهد...لا مستحيل..
عمر هالهاجس مامر ببالي..اجل ..وش تفسرين تصرفاتك..معها...

وقفت ..لا ..انا ماراح اكلمها ..
انا راح ازورها واعتذر لها...
رقيت لغرفتي..ودقيت على بيتهم ..
رن مرتين ..بعدين ردت هيفاء..
هيفاء: الوووووووووو
..............................."مارديت"
هيفاء: الووووووووووووووووووووووو

حسيت بقلبي يرجف ....مدري ليه..شلت هم ..
وشلون باعتذر منها ..
والله مالي وجه صكيت السماعة بوجهها...

فتحت دولابي ..طلعت بدلة لبستها بسرعة..
مدري ليه ..جايني اليوم طاري اتكشخ..
لازم اتغير..ايه..اغير شكلي..وبتتغير نفسيتي..
..حطيت ذاك المكياااااااااج الناااعم..
استشورت شعري ..وفكيته
طالعت روحي..حسيت بالرضااااا عن شكلي....

دقيت على نواف..عشان يوديني ...لان شاكر مع امي وخواتي...بسوق غرناطة

نواف: هلا خلووووووود..
خلووود: هلا والله ..وينك نواف؟؟
نواف: وش تبين..؟؟
خلود: بعيد انت؟؟
نواف: البعيد يقرب لكم..تبين شئ؟؟
خلود: الله يسلمك..مدري تقدر تجي توديني لبيت عمي علي؟؟
نواف: خير ان شاء الله ...عطيني ربع ساعة وخليك جاهزة..
خلود: قل امين عسااااااا يومي قبل يومك ..
نواف وهو يضحك: اميـــــــــــــــــــــن..

مدري ليه احس اطرافي ترتعش..يوووه ..كل هذا عشان هويف؟؟؟
طاحت عيني على مقالي اللي بينزل للجريدة بكرى..
رفعته وقريته...من جديد..
والله يحتار القلم اذا جاء يوصف شعوري تجاهك

"الى رفيقة طفولتي وصبااااااااااااااااااي

الى من علمتني معنى الصداقة

الى من اجد

في حضنها ملجاأ يحميني

وفي قربها نبع يسقيني

اليك .هـ. ع. مع التحية

ابحكي لك عن الوقت وكيف مـــر من دونك..

ابيك تعرف كيف اموت بكل لحظه من غيابك..

وابشكي لك...

مــن احزاني...

مــن آلامي...

مــن جروحي..

ومــن هموم تهد جبال وساكنه بروحي

ومــن لحظات تمر ثقال من غيرك..

ولاادري ليه لاضاقت بي الدنيا
..
ما أتذكر احد غيرك

وبأني ودي احكي لك ..

******

ابحكي لك دوم ولا اخبي..

مشاعر شوق ....

لوجودك هنا جنبي...

وكيف الروح ولهانه ..

وعليك تصير شفقانه
..
ولأ نـي لـك محتاجه ..

ابيك تصير كل حاجه..

بأيامي واحلامي ..

بساعاتي واوقاتي..

وابيك تكون بلحظاتي..

تشوف شصار ببعادك ...

وتسمعني وأنـــا أحكي لك..
حكاية قلب..نبض بحبك..
وذكرى طفولة ..بها قربك..



باقي فرح

للتواصل: hotmail.com@باقي فرح"




*منقول *

اقروها من فوق لتحت ..العمود الاول بعدين الثاني ***127***



حسيت هالخاطرة طالعة من روحي لروحها..
حسيت مشاعري تعتذر..
ثنيت الورقة باخذها واهديها لها...
ابيها تكون اول شخص يقراها ..
لانها لها..

دق جوالي ..ناظرته ..هذا نواف..
ركبت السيارة..ياحبيله ماعمري طلبته ورفض ..
لو هو بالصين يجيني يركض
اااااااااه ..الله يخليك عزوة لي ياخووووي..


نواف: وش الطاري ...بتروحين لبيت عمي ...
خلود: ابد ...مشتاقة للبناااات..
نواف : ترى ماقدر ارجعك دقي على شاكر لاجابهم من السوق يمرك..
خلود: ليه وانت..؟؟
نواف: بكشت..وبننام بالبر...
خلود: نواف مانتب صاحي وامتحاناتك ..
خلاص مابقى غير اسبوع على الاختبارات..النهائية
نواف: ادري وعشان كذا بطلع..عشان الاسبوع الجاي بنطق ادرس
خلود: حرام عليك مايمديك..تدرس باسبوع..طيب ابوي داري.؟.
نواف : لالالاء...
خلود: حرااااااااام عليك..يانواف..ترى ابوي بيزعل لادرى..
قاطعني: توعيدني انك ماتقولين له..
خلود: هذا موب حل..
نواف: اوووووووف..خلود تكفين..انتي ماتحسين باللي
احسه..ابوي بيدفني وانا حي..

رن جواله..وبسرعة رد عليه...
نواف: هلا ثامر..حيااااااااك الله. ..طيبين..وينكم...زين زين ...ساعة وبلحقكم..
وشو..فحم!!!...طيب ليه ماتجيبون حطب..خلاص..ابشر من عيوني..
تامر امر ياثامر..بامان الله..

تضايقت من نوااااااااف ...ياربيه ..
على كثر ماتصير مشاكل بينه وبين ابووووي ..
الا عنيد بيسوي اللي براسه..
سكت وطلبت منه يمر يشري لي باقة ورد..وعلبة حلاو..

نواف: خلود...انتي متاكدة بتروحين لبيت عمي..
بدا قلبي يرقع...ياويلي لايكون داري بحبي لفهد..ياووووووووويلي..
ويحسب هالورد له..لا مستحيل..والله اني خبلة..على هالافكااار...

قلت بارتباااااك: ايه ..يالله خلصني بسرعة..تاخرت

ماقصر ابو سعود جاب لي احلى بوكت ورد..وعلبة حلاو وش كبرها ..
قبل لانوصل ..فتحت شنطتي وطلعت جوالي ..
وارسلت هالمسج لها ...

صحيح وقتي من الأحباب يســــرقني
عسي الأحبه تقدر سبة غيابي
من كثر مـا الوقت يتعبني ويرهقني
ماودي أجيب همي وازعج احبابي
لاصار وقتي تعيس وحيل خانقني
أحسن لي أغيب واحبابي هم احبابي

وصلت الباب ..بدا قلبي ينتفض من جديد..دقيت...
فتح الباب زيااااااااد..
اخذ البوكيت من يدي..وقال: شكرا ميرسي ميرسي..ياختي..
اخذته من يده بقووة...وقلت : هاته..ورح ناد هيفاء..
زياااااد: هع هع هع هذا لهيفااااااااااااء هههههههههههههههههاي
جيبي لها صرة كراااااااااث وتخب عليها بعد..
لاشعوريا ..خبطت راسه بعلبة الشكولاتة..شكلها تكسرت..
صرخ زيااااااااااااد بقووووووووووة..اااااااااااااااااااااااااي ..
باقي فرح
باقي فرح •
********************

فارس
نفس الوقت

********************
فزيت على صرخة ...بسم الله الرحمن الرحيم..:09: *
حطيت يدي على قلبي اللي بدا يطق
بقوووووووووووة حسبي الله عليك يازيادووه...
قمت وانا مااشوف اللي قدامي من الحمق ..
صرخته جخرت طبلة اذني..خصوصا اني نايم بالملحق
والملحق جنب باب الشارع....يعني كل صرخته باذني..

فتحت الباب..بَصفقه طراااااااااق..ينسيه اسمه ...
بس رجعت وصكيته
فيه حرمة واقفة عند الباب .. متنقبة و شايلة ورد وعلبة حلاو..
شكلها مانتبهت لي ..رجعت وحطيت راسي على الوسادة ..
وصلتني الاصوات بوضوح
البنت: زيااااااااااااد انقلع نادها..
زياااااااااااااد: عطيني علبة الحلاو..واروح..
البنت: مّر يمرك..والله ماتذوقه لما تجي صاحبته..:hahaha:

ضحكت من قلب هههههههههههههههه
والله ياهالزيااااااد انه توووحفة ..بس دار راسي ..
منهي هالبنت ...شكلها تمووووووون على زيااااااااااد..

سمعت صوت هيفاء..

هيفاء: لا مو معقوووووووووووووووول...وش صاااااااااير بالدنيا...
القمر زايرنااااااااااااا..وعلى الباب..ناطرنااااااااااااااااا هلا والله
البنت: هلا والله ..ذبحني اخوك هالعلة له ساعة موقفني عند الباب..
هيفاء: وليه واقفة ..البيت بيتك تفضلي..
قريت المسج وماصدقت انه منك

حكيت راسي..ش السالفة..
منهي هاللي مسوين لها كل هاللجة..:confused:
تعرفون واحد قايم من النوووم..وبصرخة ..
وشاف لغز قدامه ..يعني وش بيسوي...

زيااااااااد: هيفاء عطيني حلاوة ..بطلع بيمرني
احمد ولد عمتي شيخة....الحين

البنت: حتى انت بتروح معهم..حرام عليكم ..والامتحانات..

قعدت على حيلي...اوجعني راسي من التفكير...
يعني البنت تعرفنا..تعرف ابو حميد و...

بس من تكوووووووووون...لا مستحيل تكون منيرة...
اعرف صوتها ..ذيك كنها بسة تصوي ..

هيفاء: لو تموت ماذقته ...عشان مرة ثانية تلطع خلود عند الباب .....

...معقوووووووووول..

هاذي خلوووووووود....:eek:

وانا اقول شكلها تمووووووون بس ليش مادخلت..
وراها واقفة عند الباب...

مامداني اسأل ..الا سبحان الله
سمعت هيفاء تقول: وانتي يالعنز الثانية ليش مادخلتي ..
تحترين عزيمة..

خلود: وشلون ادخل ...اخاف فارس فيه والا فهد...

هيفاء: لاتطمني مابوه احد لافارس ولافهد كلهم طالعين...

ياسلالالالام على كيفك قررتي ياشيخة هيفاء..ايه ..
بعذرها من جيت الظهر ..
دخلت الملحق وناظرت المباراة ..
ونمت مادريت عن عمري..وتحسبني طالع..
طيب ادخلن ابطلع..

حطيت يديني على وجهي..*:09: *

لا ياااااااااااااااااااااربيه..هاذي وش قاعدة تقوووول...

خلود: وش رايك نجلس بالحوووووووش ....
جو شاعري...احلى من الداخل..
هيفاء: شورك وهداية الله..

لا تكفووووووون ابطلع... بس وشلوووووووووون..

خلود: هيفاء...الله يعافيك سكرى باب الشارع بالمزلاج..
عشان لو جوا اخوانك ندري ..اخاف يدخلون علينا وانا ماتغطيت ...

...لا مابقى الا تطردينا من بيتنا ياخت خلووووود...

فركت يديني...متضايق..
حسيت اني محجور...يوووه متى بتطس خلود!!!

فجأة ..

توقف الزمااااااااان والمكاااااااااااااااان

لا مستحيل اللي اسمعه....

اكيد انا اتوهم...والا الى الحين نايم


****************

نهاية الحلقة العاشرة


محبتكم

باقي فرح
أم المملوحات
أم المملوحات •
الله يعطيك العافيه 000
بس بليييييز نزليها كلها والله كل شوي اشيك نزلتي جزء جديد ولا لا