التجمع (١٤٢)للمقبلات على عمليات أطفال الأنابيب والحقن المجهري ​

بنات انا اول مره اسوي حقن مجهري ... وماعندي اي فكره وخلفيه عن هالشي
لكن دكتوري ماشاءالله عليه جداً دقيييق وشاططر تبارك الله
سبحان الله اول ما رحت المستشفى عندهم كنت عند دكتور ثاني راجعته اسبوعين بس وبعدها سافر وحولوني عند هاذا اللي اقول لكم عنه شاطر ودقيقق جداً .. تركيزه ودقته وخبرته الف ماشاءالله .. مش مستعجل. اهم شي يعطي نتيجه .. انا بديت تنشيط معاه وطلعت بويضات كثير وقالي ارتاحي شهر وبعدها نرجع لك يوم الترجيع هو والطاقم مشغلين قران ويدعون لي قبل العمليه
والحمدلله هو سبب من بعد رب العالمين
دكتور مازن في الامارات / الشارقة / مستشفى نيوهوب للاخصاب ..
والان انا ف الاسبوع الرابع و ٥ ايام.

واعراضي بعد الترجيع الم في ظهري وجسمي كله وعقب ٣ ايام من الترجيع ماحسيت بشي
بعد ٧ ايام من الترجيع الاعراض بدت تطلع الم اسفل البطن يجي ويروح ولما اصحى من النوم احس بالم الدوره يجي ويروح ويجيني صداع وكله فيني تعب وخمول... وصدري في نغزات وايضا اسفل احس بالم يجي ويروح .. و اول من يوم من الترجيع اكلي كان عادي طبيعي زي اول لكن بعد ماقرب موعد تحليلي ما قمت اكل كثير شوي اكل وتجيني دوخه خفيفه .. ومعدتي تنتفخ بعد الاكل
هاذي اعراضي ويمكن تختلف من وحده لثانيه

الله يتمم لك على خير يارب ويفرحك بسماع النبض عن قريب يارب

مانزل عليك دم بني او وردي ايام ماكنتي تحسي بالم الدوره؟؟
وانتي للان رابع اسبوع من بعد الترجيع والا حسبوها اسبوع او اسبوعين قبل الارجاع مدري كيف يحسبوها في المجمد والفرش يحسبون اسبوعين قبل الارجاع !

الله يتمم حمالك على خير وتقر عينك 💙💙
انا حالياً اليوم ااسادس من الترجيع اول يوم كان في الم في ظهري ، ثالث يوم كان فيني ثقل تحت بطني كأن شي بينزل مني
واحس اني اتعب من الاكل يعني لازم اخذ بريك بين كل وجبه
اليوم الفجر حسيت بنغرات في البطن
وصدري كان يألمني بس الحين رجع طبيعي
يارب تكون اعراض حمل
وسبحان الله مثل ماقلتي كل وحده اعراضها تختلف

انا رابع يوم اليوم وامس الليل كنت مثلك احس الم ونغرات اسفل بطني خفت كثيررر الله يتمم لنا كلنا على خير
انا اول مره اسوي حقن مجهري الله يبشرنا بكل خير يارب🌻⁦❤️⁩⁦❤️⁩⁦❤️⁩⁦❤️⁩